PGMA's Speech during the Veterans General Assembly

Bulwagang Francisco Balagtas, Folk Arts Theater, Pasay City (06 April 2002)
MARAMING SALAMAT PO.

MARAMING SALAMAT KAY SECRETARY ANGELO REYES SA INYONG PAGPAKILALA SA INYONG LINGKOD.

AT GUSTO KONG BATIIN DIN ANG IBA'T-IBANG PANAUHIN NA NARITO: YUNG ATING MGA CONGRESSMEN NA TUMUTULONG SA MGA BETERANO, SI CONGRESSMAN BONG GORDON AT SAKA SI CONGRESSMAN JOEY SOLIS; PATI NA RIN YUNG IBA'T-IBANG ELECTED OFFICIALS NA NARITO ITONG ARAW NA ITO. AT SIYEMPRE BINABATI KO AT NAGPAPASALAMAT AKO SA NAPAKAGANDANG KANYANG PANANALITA NA PAG-WELCOME SA INYONG LINGKOD, AT PAGPAHAYAG NG SUPORTA NG MGA BETERANO AT KANILANG MGA SONS AND DAUGHTERS SA INYONG LINGKOD, SI PRESIDENT EMMANUEL DE OCAMPO PATI NA RIN SI MRS. DE OCAMPO. YUNG ATING PANGULO NG ASSOCIATION OF GENERALS AND FLAG OFFICERS, SIN GENERAL ERNESTO GIDAYA AND FORMER AMBASSADOR; AT LAHAT KAYO, MGA KAIBIGAN, MGA OFFICIALS NG VETERANS FEDERATION, MGA VETERANS, KANILANG MGA ANAK, KANILANG MGA NAIWAN DITO SA MUNDO:

ISANG MAINIT NA PAGBATI ANG PINAPAABOT KO SA INYONG LAHAT, MGA BAYANING NAGTANGGOL NG ATING KALAYAAN! KARANGALAN KONG MASAMA KAYO MULI, KAGAYA NG ISANG TAON, ANG MGA NAGPAKITA NG HINDI MATATAWARANG TAPANG AT GALING UPANG PATULOY NA MATAMASA NG INYONG MGA ANAK, MGA APO, MGA KAIBIGAN, AT MGA KABABAYAN ANG KALAYAAN.

GINAGALAK KO RING MAKASAMANG MULI ANG INYONG MGA KAANAK NA SILANG NAGPAPANATILING BUHAY SA KADAKILAAN NG ATING MGA BETERANO.

SA ALINMANG DIGMAAN, SA SPANISH-AMERICAN WAR, SA PANGALAWANG DIGMAANG PANDAIGDIG, SA KOREAN WAR, MAGING SA VIETNAM WAR, PINAKITA NG PILIPINO ANG KANYANG PAGMAMAHAL SA KALAYAAN.

ALAM KO ITO SAPAGKA'T, GAYA NG SABI NI PRESIDENT DE OCAMPO, KAANAK DIN AKO NG BETERANO. SA KABILA NG AKING TATAY NA SINABI NI PRESIDENT DE OCAMPO, ANG AKING TIYUHIN NA SI ANGEL MACAPAGAL AY BETERANONG NAKASAMA SA DEATH MARCH AT NUNG SIYA AY NANDOON SA DEATH MARCH, NUNG DUMAAN YUNG DEATH MARCH -- KASI YUNG DEATH MARCH AY MULA SA BATAAN HANGGANG SA CAPAS, DUMADAAN NG LUBAO -- PAGDAAN NIYA SA LUBAO AY UHAW SIYA SO ALAM NIYA YUNG MGA POSO SA LUBAO, PUMUNTA SA ISANG POSO SA TABI NG KALSADA, NAHALATA NIYANG WALANG GUWARDIYANG HAPON NA NAGBABANTAY SA KANYA SA PAG-IINOM DOON SA POSO, NAKATAKAS SIYA TULOY AT MARAMING KASAMA NIYA NA NAKAKITA SA KANYA AT SUMUNOD AT NAKATAKAS DOON SA LUBAO SA PAMPANGA. YUNG AKING TIYUHIN NA SI ANGEL MACAPAGAL AY UPANG MAKUHA NIYA YUNG MGA BENEPISYO NG VETERANS' BENEFITS SA AMERIKA AY SA HULING MGA TAON NG KANYANG BUHAY DOON NA SIYA NAKATIRA SA AMERIKA AT SOON SIYA NAMATAY. YUNG AKING YUMAONG AMA NAMAN NA SI DATING PANGULONG DIOSDADO MACAPAGAL, GAYA NG SABI NI PRESIDENT DE OCAMPO, AY BETERANO DIN; SIYA AY NAGING FINANCE OFFICER NG ISANG GUERILLA UNIT. AT DOON NGA SA KANYANG PAGTATRABAHO BILANG FINANCE OFFICER NG GUERILLA UNIT, DUN NIYA NAKUHA YUNG BANSAG NA "MACAPAGAL, THE INCORRUPTIPLE" DAHIL SA MATAPAT NIYANG PAGHAWAK NG PERA NG MGA GUERILLA.

KUNG MINSAN -- ALAM NIYO ITO HIGIT SA LAHAT DAHIL KAYO AY LUMABAN PARA SA ATING BANSA -- ALAM NIYO NA KUNG MINSAN KAILANGANG MAKIPAGHAMOK UPANG MATAMASA ANG KATAHIMIKAN. ANG LAHING PILIPINO AY HINDI KUKULANGIN SA MGA TAONG HANDANG MAG-ALAY NG BUHAY UPANG IPAGTANGGOL ANG ATING KARAPATANG MAMUHAY AT MALAYA.

MAHIGIT LIMAMPUNG TAON NA ANG NAKALIPAS MATAPOS ANG WORLD WAR II AT MAHIGIT TATLUMPUNG TAON NA ANG NAKALIPAS MULA NANG HULING HUMARAP SA DIGMAAN ANG ATING MGA BETERANO, KAYO.

AT MULA NOON HANGGANG NGAYON NAG-IBA ANG ATING MUNDO. ANG MGA DATING KAAWAY NATIN AY MGA MALAPIT NA KAKAMPI NGAYON. HALIMBAWA, KUNG TITINGNAN NATIN ANG PILIPINAS 100 YEARS AGO, SINO YUNG KALABAN NATIN? YUNG MGA AMERIKANO. SA ILANG ARAW NGA AY PUPUNTA AKO DUN SA BATANGAS PARA PAGDIRIWANG YUNG END OF THE PHILIPPINE-AMERICAN WAR -- IBIG SABIHIN NOON 100 YEARS AGO, ANG AMERIKANO ANG ATING KALABAN NUNG ISANG SIGLONG NAKARAAN. EH NGAYON SILA NAMAN -- ANG AMERIKANONG KALABAN NATIN ISANG SIGLONG NAKARAAN AY NAGING KAAKIBAT NATIN NUNG SECOND WORLD WAR, KAAKIBAT NINYO -- AT NGAYON NAMAN AY KABALIKAT NATIN SA ATING PAKIKIPAGLABAN SA TERORISTA.

NUNG SECOND WORLD WAR NAMAN NUNG AMERIKANO'Y ATING KASAMA, KAAKIBAT SINO NAMAN ANG KALABAN NATIN? YUNG MGA HAPON -- SILA ANG KAAWAY NATIN NOONG WORLD WAR II. PERO NGAYON SILA ANG NAGBIBIGAY SA ATIN NG PINAKAMALAKING OFFICIAL DEVELOPMENT ASSISTANCE UPANG MAPAGTULOY NATIN ANG MGA PROYEKTONG PANG-KAUNLARAN.

IBA NA RIN ANG MUKHA NG PANDIDIGMA NGAYON. IBA ANG MUKHA NG KAAWAY. NOON, AMERIKA NUNG PHILIPPINE-AMERICAN WAR; HAPON NUNG WORLD WAR II; PERO NGAYON HINDI NA MGA BANSA ANG ATING KAAWAY KUNDI NGA ANG MGA TERORISTANG NARIYAN SA IBA'T-IBANG BANSA AT NAGHAHASIK NG LAGIM KAGAYA NG DOON SA KATIMUGAN NG ATING MISMONG BANSA. SA BASILAN AT MERON DING ILAN SA SULU, ANG ATING MGA KAWAL AY TINUTULUNGAN NG MGA AMERIKANONG SUNDALO SA PAMAMAGITAN NG PROGRAMANG BALIKATAN 2-1 UPANG TUGISIN AT MAGAPI NA ANG MGA WALANG KALULUWANG TERORISTANG ITO.

ANG BALIKATAN AY ISANG EHERSISYO NG PAKIKIPAGTULUNGAN SA PAGSASANAY AT ANG LAHAT NG KASALI DITO, MAGING PILIPINO MAN O AMERIKANO, AY MAY MATUTUTUNAN MULA SA ISA'T-ISA.

ANG PAKIKIPAGTULUNGAN NG MGA AMERIKANO AY HINDI NAHUHULUGANG MINAMALIIT NATIN ANG HUSAY AT TAPANG NG SUNDALONG PILIPINO. HINDI MATATAWARAN ANG GALING AT TAPANG NG ATING MGA SUNDALO. NAPAKITA NA NINYONG MGA BETERANO NG ILANG BESES AT PATULOY NA IPINAKIKITA NG ATING MGA SUNDALO NGAYON ANG KATAPANGANG ITO.

HINDI NATIN KAILANGANG HUMIRAM NG TAPANG MULA SA ANUMANG LAHI. ANG KANILANG TAPANG AY NARARAPAT BAGAYAN, KAYA LAMANG, NG ARMAS NA SIYANG IPINAHIHIRAM AT ITINUTURO SA ATIN SA BALIKATAN NG MGA AMERIKANO. UMAASA AKONG MAUUBOS NA ANG ABU SAYYAF AT KUNG ANO PA MANG GRUPO NG TERORISTA DITO DAHIL SA ATING PAGTUTULUNGAN. TAPANG NATIN, KAGAMITAN NILA, YUN ANG MAGANDANG KUMBINASYON.

ANG LABAN SA TERORISMO AY BAHAGI NG PAKIKIHAMOK SA ATING PINAKAMATINDING KAAWAY, AT YUN AY ANG KAHIRAPAN. ANG PAGKIKIPAGLABAN SA TERORISMO AY PAKIKIPAGLABAN DIN SA KAHIRAPAN. KAYA'T TUNGKULIN NG LAHAT NA PILIPINO NA MAKIDIGMA SA KAHIRAPAN UPANG TULUY-TULOY NATING MATAMASA ANG KALAYAANG IPINAGLALABAN NINYO NOON.

KAHIT UMIBA NA ANG LARANGAN NG PAKIKIDIGMA NGAYON, ANG PINAKITA NG MGA BETERANONG KATULAD NINYO AY SIYA PA RING PAMANTAYAN NG KATAPANGAN AT KATAPATAN NG BUONG BANSA.

HINDI MALILIMUTAN NG BANSA ANG TAPANG NG KAWAL PILIPINO SA BATTLE OF BALANTANG, RAID OF MUNTINLUPA, LIBERATION OF LOS BA„OS AT IBA PANG MGA PAKIKIHAMOK. HINDI MALILIMUTAN DAPAT ANG MGA PANGALAN TULAD NG PERALTA -- YUNG HERO DOON SA CAPIZ NA SIYANG NAGING ANGIE REYES NG AKING TATAY, THE LATE PRESIDENT DIOSDADO MACAPAGAL -- HINDI DAPAT NAKALILIMUTAN SINA KANGLEON, SI MARKING NA MAY GINAWANG SINE PA ANG KANYANG BUHAY, SI ALEJO SANTOS, SI LAZO-BUENO -- KAYA TINATANONG KO KAY BINIBINING LAZO, "IKAW BA AY BETERANO O DAUGHTER?" SABI NIYA, "TOURISM," PERO NANDITO SIYA BILANG ANAK NG BETERANO. ADEVOSO, SI TERRY ADEVOSO NA SIYA ANG OPERATIONS MAN NG POLITIKA NG AKING TATAY HANGGANG NAGING PANGULO -- YUNG KAGALINGAN NI ADEVOSO SA OPERATIONS NG GIYERA GANON DIN KAGALING SA OPERATIONS NG POLITIKA KAYA NAGING PANGULO YUNG AKING TATAY. AT NUNG YUNG AKING TATAY AY NAGING PANGULO AT NAPAKARAMING WALANG TRABAHONG NAABUTAN NIYA, GUMAWA SIYA NG EMERGENCY EMPLOYMENT PROGRAM, NAMAHALA DOON AY DALAWANG BETERANONG KILALANG-KILALA -- UNA NGA YUNG OVER-ALL ADMINISTRATOR AY SI TERRY ADEVOSO AT YUNG KANYANG DEPUTY NAMAN AY SI EMMANUEL DE OCAMPO NA SIYANG NAMUMUNO NG VETERANS FEDERATION NGAYON.

SA ATING PAKIKIDIGMA SA KARUKHAAN, NANANAWAGAN AKO SA MGA KABABAYAN NATIN NA MAGPAKITA NG TAPANG AT PAGMAMAHAL SA BAYAN NA TULAD NG IPINAKITA NINYO. IPINAGTANGGOL NINYO ANG ATING KALAYAAN, TUNGKULIN NAMAN NG HENERASYON NAMIN, HENERASYON NGAYON AT MGA SUMUSUNOD PANG HENERASYON NA ALAGAAN ANG KALAYAANG ITO AT PAYABUNGIN ANG MGA ADHIKAING SINIMULAN NINYO.

SA GANITONG PARAAN LAMANG MAIPAPAKITA NG HENERASYONG ITO AT NG MGA SUSUNOD PANG HENERASYON ANG KANILANG PASASALAMAT AT PAGGALANG SA ATING MGA BETERANO.

PAGPAPASALAMAT AT PAGPAPATULOY SA MGA DAKILANG LAYUNIN NG MGA BETERANO ANG DAHILAN UPANG GANAPIN NATIN TAUN-TAON ANG PAGDIRIWANG NG VETERANS WEEK.

SUBALI'T ANG PAGPUPUGAY SA INYONG KADAKILAAN AY HINDI LAMANG SA PAMAMAGITAN NG SALITA KUNGDI DAPAT MAGING SA (GAWA). KAYA NGA NUNG PANAHON NG TATAY KO, YUNG VETERANS BANK -- NA NANDITO NGAYON SI GENERAL DE OCAMPO AT SI ROMY ROXAS NAGPAPATAKBO YUNG VETERANS HOSPITAL MGA PANAHONG YUN -- LALO NG YUNG VETERANS BANK YUN HO AY PET PROJECT NG AKING TATAY, AT NOON MATAGAL NANG NAKARAAN AY BUMAGSAK YUNG BANGKONG YUN. AT NUNG PANAHON SIGURO, PANGINOON NA RIN ANG MAY GUSTO, NUNG TINALAKAY KUNG ANONG GAGAWIN SA VETERANS BANK, NAGKATAON NA DALAWANG ANAK NI DIOSDADO MACAPAGAL NA NAGTAYO NG VETERANS BANK AY NAKAUPO SA CENTRAL BANK -- SI BOBOY MACAPAGAL, KINAKATAWAN NG DEPARTMENT OF FINANCE, AT SI GLORIA MACAPAGAL-ARROYO, KINAKATAWAN NG BOARD OF INVESTMENTS, EH ANO PANG MABOBOTO NG IBANG MEMBERS NG MONETARY BOARD KUNG DALAWANG ANAK NI MACAPAGAL AY NAGPANUKALA NA DAPAT BUHAYIN MULI ANG VETERANS BANK? KAYA AKO AY NASISIYAHAN NA BUHAY NA BUHAY NA NAMAN ANG VETERANS BANK.

NGAYON NAMAN AT AKO'Y NAGING PANGULO NA, PINAGSISIKAPAN KONG TUPARIN ANG SINASAAD NG REPUBLIC ACT 7696 NA TAASAN NG LIMANGDAANG PISO ANG INYONG BUWANANG PENSYON HANGGANG ITO'Y UMABOT SA KABUUANG LIMANG LIBO BUWAN-BUWAN. BINABANGGIT NOON YUNG MGA BETERANONG NAGING BAHAGI NG ADMINISTRATION NG AKING TATAY, SIGURO KUNG NAAALALA NINYO ANG NAGING SENATE AUTHOR NG BATAS NA ITO AY SI BERT ROMULO, NGAYON SIYANG AKING EXECUTIVE SECRETARY.

NAALALA KO SI BERT ROMULO NUNG UNANG NAGKAKAMPANYA AKO PARA SENADOR 1992 SAAN MAN KAMI PUPUNTA SA KAMPANYA MAY VETERANS GROUP NA NAGSASALUBONG SA KANYA. YUN ANG KANYANG PINAKA-CAMPAIGN MANAGERS, YUNG VETERANS GROUP. SABI KO, "BERT, INGGIT NA INGGIT AKO SA IYO YUNG MGA BETERANO PINAGKAKAMPANYA KA." KAYA NGAYON NASISIYAHAN AKO NA SINABI NI PRESIDENT EMMANUEL DE OCAMPO NA AKO RIN KINIKILALA NINYO BILANG ISA SA INYO.

ANG PAGKUMPLETO NG PAGBAYAD NG TINAAS NA PENSYON NG MGA BETERANO AY MAGSISIMULA SA HULYO NG TAONG ITO.

HINDI KO RIN NAKALIMUTANG UNGKATIN ANG PROBLEMA NG MGA BETERANO NOONG AKO'Y DUMALAW SA AMERIKA NOONG NOBYEMBRE 2001. KASAMA KO NOON SINA COLONEL DE OCAMPO PATI SI GENERAL GIDAYA. 'DI BA MAGKASAMA TAYO NOON? NAKIPAG-USAP KAMI IBA'T-IBANG OPISYAL NG PAMAHALAAN, BINAGGIT KO ITO SA AMING PAG-UUSAP NI PRESIDENTE BUSH YUNG HINAHANGAD NATING EQUITY RIGHTS. ALAM KO YUN KASI BIRO NIYO ANG AKING UNCLE NA KAILANGANG MATIRA SA AMERIKA PARA KUMUHA NG VETERANS BENEFITS INIWAN NIYA YUNG KANYANG MAYBAHAY DITO SA PILIPINAS, KAYA TALAGANG NILAKAD HO NAMIN YUN SA AMERIKA AT SINABI KO KAY PRESIDENT BUSH, SINABI KO RIN SA MGA NAMUMUNO NG VETERANS AFFAIRS OFFICE -- AT PUWEDENG IKUWENTO SA INYO NI GENERAL REYES, NI COLONEL DE OCAMPO SAKA NI GENERAL GIDAYA KUNG GAANO KO TINARAYAN YUNG MGA AMERIKANO NUNG AYAW PA NILANG MAG-COMMIT NA TUTULONG SA ATING VETERANS EQUITY BILL. KASI THE DAY BEFORE MY MEETING WITH PRESIDENT BUSH NAG-COURTESY CALL LAHAT NG MGA AGENCIES NIYA NA MAY KINALAMAN DOON SA AKING IA-AGENDA KAY PRESIDENT BUSH KAYA DOON PINAG-USAPAN YUNG MGA NITTY-GRITTY PARA PAGDATING KAY BUSH AY NA-RESOLVE NA LAHAT. KAYA YUNG SA ... KAYA NUNG AKO AY UMUPO NAMAN NG FINAL MEETING KO KASAMA NI CONDOLEEZA RICE BAGO YUNG MEETING KAY PRESIDENT BUSH MISMO, SABI NI CONDOLEEZA SA AKIN SA INGLES, "DINIG KO NA MERON KAYONG MATINDING SINABI DUN SA ATING MGA VETERANS OFFICIALS," KASI KILALANG-KILALA PALA SA NATIONAL SECURITY COUNCIL AT SA WHITE HOUSE YUNG PINAGTARAY KO SA KINABUBUTI NG ATING MGA VETERANS DOON SA MGA OFFICIALS NG VETERANS AFFAIRS NILA.

KAMAKAILAN LANG AY HUMINGI RIN TAYO NG TULONG SA DALAWANG AMERIKANONG SENADOR NA DUMALAW DITO, SI SENATOR INOUYE AT SI SENATOR STEVENS, ITONG DALAWA AY BETERANO SA PHILIPPINE THEATER -- AMERICAN VETERANS NA NAGLABAN DITO -- AT KAYA NAMAN TINANGGAP NILA NANG MAGAAN YUNG HININGI NATIN NA SANA MAPADALI ANG PAGPASA NG BATAS TUNGKOL SA EQUITY NG MGA FILIPINO VETERANS NG WORLD WAR II.

ALAM NIYO MULA NUNG AKING PAGBISITA KAY PRESIDENT BUSH MARAMING MGA OFFICIALS NG AMERIKA AY PUMUPUNTA RITO SUNUD-SUNOD, PARANG FOLLOW-THRU NUNG AMING PINAG-USAPAN NOONG AKO AY NAGPUNTA SA AKING PAGBISITA SA KANYA. AT AKO AY NASISIYAHAN NA YUNG ISA SA MGA DARATING DITONG NAKA-SCHEDULE AY YUNG NAMUMUNO NG VETERANS AFFAIRS NG AMERIKA, SI GINOONG PRINCIPE. SIGURO NAMAN, SABI KO KAY ANGIE, HINDI NAMAN YON AY SIGURO MAGTATAPANG NA PUPUNTA DITO KUNG HINDI MAGANDA ANG KANYANG BALAK SABIHIN SA ATIN. SO UMASA TAYO SIGURO AT MAGDASAL TAYO NA PAGDATING NG NAMUMUNO NG VETERANS AFFAIRS OFFICE NG AMERIKA DITO AY MAGANDA ANG KANYANG IBABALITA SA ATIN MULA SA ADMINISTRASYONG NG AMERIKA.

NOONG HULI TAYONG MAGKASAMA AY INUTOS KO NA RIN SA PHILIPPINE VETERANS AFFAIRS OFFICE NA AYUSIN NA ANG PAMAMALAKAD UPANG MAPABILIS ANG PAGBAYAD NG PENSYON NINYO. MARAMING REPORMA ANG IPINATUPAD NG PVAO, KASAMA NA ANG PAGLILINIS NG LISTAHAN NG MGA BETERANO, UPANG MAALIS ANG HINDI NARARAPAT SA LISTAHANG ITO. MAGANDA ANG GINAWA, MAGANDA ANG REPORMA, NGUNIT SA NAKITA KO NGAYON AY MUKHANG KULANG PA RIN KASI ILANG PORSYENTO ANG MAIIMPOK NATIN SA PAGLINIS NG LISTAHAN? TEN PERCENT AT THE MOST.

PERO NUNG AKO AY PANGULO NA KASI NAALALA NIYO JANUARY AKO'Y NAGING PANGULO, APRIL 6 NAG-USAP DIN TAYO, OR HINDI, BASTA NUNG ARAW MGA APRIL 8 YATA, TAPOS NUNG PINALINIS KO NGA YUNG LISTAHAN, BETWEEN THEN AND NOW ISA PA RING AKING NA-DISKUBRE TALAGANG KULANG ANG PONDO. ANG KAKULANGAN NG PONDO PARA BAYARAN LAHAT NG MGA ARREARS AY HUMIHIGIT-KUMULANG 15 BILLION PESOS KAYA PALA NAPAKA-DELAYED ANG BAYAD NG MGA MARAMING BETERANO -- YUN PA LANG UTANG NA AKING MINANA 15 BILLION PESOS IN ARREARS. SO HINDI YUN MALILINIS LAMANG SA PAGLINIS NG LISTAHAN. KAYA INATASAN KO NA SI SECRETARY REYES, BETERANO RIN -- HINDI NG WORLD WAR II KASI BATA PA SIYA -- BETERANO AT BAYANI NG MINDANAO WAR AT NG EDSA 2, INATASAN KO SIYA NA MAKIPAG-UGNAY SA DEPARTMENT OF FINANCE AT SA KONGRESO -- PINAG-UUSAPAN NGA NAMIN NI BONG GORDON ITO DOON SA SUBIC NUNG THE NIGHT BEFORE MY BIRTHDAY, AT SI CONGRESSMAN DUMPIT DIN ALTHOUGH WALA SIYA RITO AY SIYA RIN AY MATINDING PINAG-AARALAN ANG PAGHANAP NG SOLUSYONG ITO. KAYA SABI NI ANGIE ITONG APRIL 9 AY TATALAKAYIN SA ATING CABINET.


ON APRIL 9, YUN AY BATAAN DAY, VETERAN'S DAY RIN NINYO YON. GAGANAPIN NATIN ANG CABINET MEETING SA BATAAN ALANG-ALANG SA BETERANO NG PILIPINAS, AT ANG PRIORITY AGENDA ITEM AY KUNG PAPANO NATIN HANAPAN NG SOLUSYON ITONG MALAKING PAGKUKULANG -- 15 TO 18 BILLION -- NG PONDO PARA MABAYARAN YUNG MGA ARREARS NG VETERANS BENEFITS. KAYA INIIMBITA NAMIN SI COLONEL DE OCAMPO NA DUMALO SA CABINET MEETING NA YON BILANG ISANG RESOURCE PERSON PARA PAGHANAP NG SOLUSYON NG ARREARS NG VETERANS BENEFITS.

ANG AKING MENSAHE SA HENERASYON KO AT SA MGA BATA PANG HENERASYON, SIKAPIN NATIN NA ANG PAGMAMAHAL NATIN SA ATING BAYAN AY MAGING KASING-TINDI NG PAGMAMAHAL NA INALAY NG ATING MGA BETERANO. SIKAPIN NATING IPAKITA ANG PAGMAMAHAL NA ITO SA PAGGALANG SA ATING MGA BETERANO, AT SA PAGTUTULUNGAN MATAGUYOD ANG ADHIKAIN NG MGA BETERANO PARA SA KALAYAAN, KAPAYAPAAN AT KAUNLARAN.

HIGIT SA LAHAT, PAG-IBAYUHIN NATIN ANG ATING PAGSISIKAP UPANG MAGAPI NA ANG PROBLEMA NG KAHIRAPAN, ANG PANGUNAHING SALOT SA ATING LIPUNAN NGAYON. SA GANITONG PARAAN LAMANG MASASABI NG MGA NAKABABATANG PILIPINO NA KARAPAT-DAPAT SILA SA MGA INIALAY NG ATING MGA BETERANO.

KAYA MULI KAYO, ATING MGA VETERANS SA ATING VETERANS WEEK, MABUHAY MULA SA SAMBAYANANG NAGPAPASALAMAT.

MARAMING SALAMAT SA INYONG LAHAT.

[HOME]