PGMA's Speech during the 50th Commencement Exercises of the Central Luzon State University (CLSU)

CLSU Campus, Mu-oz, Nueva Ecija (11 April 2002)
MARAMING SALAMAT, DR. UNDAN SA INYONG PAGPAKILALA, SA INYONG IMBITASYON AT SA GOLDEN GRAIN AWARD NA BINIGAY N'YO SA AKIN.

CHAIRMAN NG CHED, DR. GARCIA; ATING MGA CABINET OFFICIALS -- SECRETARY LORENZO, SECRETARY DIAZ, SECRETARY VALISNO; ANG PRESIDENT EMERITUS NG CLSU, SI FORMER PRESIDENT NG UNIVERSITY, SI PRESIDENT BATTAD; AT IBAT-IBANG MGA CLSU BOARD OF REGENTS, ADMINISTRATION AT FACULTY; AT IBANG OFFICIALS NG NUMBER ONE RICE-PRODUCING PROVINCE -- PANGU-NGUNA NI GOVERNOR TOMMY JOSON; 'YUNG ISANG OUTSTANDING ALUMNUS NG CLSU, SI MAYOR NESTOR ALVAREZ; 'YUNG KANYANG CONGRESSMAN, SI CONGRESSMAN VIOLAGO; ANG CHAIRPERSON NG PCSO, SI HONEYGIRL SINGSON, NA KASAMA KO RIN NGAYONG ARAW NA ITO; ATING MGA GRADUATES -- GRADUATING STUDENTS PALA. HINDI PA KAYO NAGLILIPAT NG INYONG TASSLE; KANILANG MGA MAGULANG; MGA ALUMNI, MAGANDANG UMAGA SA INYONG LAHAT. AT CONGRATULATIONS SA ATING MGA GRADUATING STUDENTS.

AKO AY NASISIYAHAN NA MAKAPILING KONG MULI -- PAGKATAPOS NANG MARAMING BESES NA NAPUNTA RITO -- ANG CLSU COMMUNITY, LALO NA NGAYON NA ANG ATING BANSA AY HINAHARAP NANG DALAWANG DAKILANG HAMON: ANG ISA AY 'YUNG KAHIRAPAN NG MARAMI NATING TAUMBAYAN; AT 'YUNG PANGALAWA 'YUNG HINDING MAIWASANG GLOBALISASYON.

KAILANGAN NATING BIGYAN DIIN ANG NAPAKASELANG PANGANGAILANGAN PARA SA KAUNLARAN NG AGRIKULTURA AT KANAYUNAN BILANG SAGOT NATIN SA MGA HAMON NA ITO DAHIL ITO AY MAG-AAPEKTO SA MALAKING BAHAGI NG ATING MGA PAMAYANANG TAGA-BUKID NA NASA ILALIM PA RIN NG POVERTY LINE. ANG TRABAHO AY IANGAT ANG NIBEL NG PRODUKTIBIDAD AT PAGKABISA NG ATING SEKTOR NG PANSASAKA UPANG MAKAMIT NATIN ANG SAPAT NA PAGKAIN AT KAYANG MAKIPAGKOMPETENSYA PARA SA ATING PRODUKTONG INE-EXPORT. SA PARAANG GANITO LAMANG MAKAKAYA NATIN PALAKASIN ANG ATING MARKET ECONOMY SA KABUKIRAN, AT UNANG IANGAT ANG KONDISYON NG PANGKABUHAYAN NG NAKARARAMI SA ATING TAUMBAYAN NA UMAASA SA AGRIKULTURA. AT PANGALAWA, MAKARAOS SA PRESSURE NANG GUSTO NATIN O HINDI NANDIYAN NA ANG GLOBALISASYON.

ANG MGA TINUKOY KONG HAMON AT GAWAIN ANG DAHILAN KUNG BAKIT ANG AKING ADMINISTRASYON AY NAGBIGAY, NAGBIBIGAY NG MALAKING ATENSYON AT ENERHIYA SA PAGBUO NG TRABAHO SA SEKTOR NG AGRIKULTURA AT PAMAYANAN KASAMA NG MODERNISASYON NG AGRIKULTURANG NAKAGABAY SA SOCIAL EQUITY, NAKASANDAL SA SOCIAL EQUITY UMPISA SA MGA BATAYANG SEKTOR NG PAGKAIN.

NASISIYAHAN AKO NA SA MAIKLING PANAHON NAKAKAMIT NA NATIN ANG MGA IMPORTANTENG INROAD KAGAYA NG CERTIFIED SEEDS, HYBRID RICE, JOB FAIR, NGUNIT MALAKI ANG TRABAHO, AT ANG PAMAHALAAN AY HINDI MAKAKAGAWA NG TRABAHONG NAG-IISA. 'YUNG NATIONAL GOVERNMENT HINDI NIYA KAYA ITONG TRABAHONG NAG-IISA. KAYA AKO AY NAGPAPASALAMAT SA CLSU NA GINAWAN NG CLSU ANG UNANG MGA HAKBANG PARA SUPORTAHAN ANG MGA PROGRAMANG INUMPISAHAN NATIN.

SA PAGLABAN NATIN KONTRA SA KAHIRAPAN, ANG UNANG KAILANGAN AY MAGKAROON NG TRABAHO. KAYA BINABATI KO ANG CLSU DAHIL MULA NOONG BIRTHDAY KO NOONG APRIL 5 HANGGANG ITONG ARAW NA ITO, ANG CLSU AY NAG-HOST NG JOBS FAIR. ITONG ARAW NA ITO SA PAGKA-INTINDE KO, ANG ATING MGA GRADUATES AY BUMIBILANG NG 793 NGUNIT ANG JOBS FAIR AY NAGLIKAS NG TRABAHO -- 877. SO, IBIG SABIHIN NOON KUNG 'YUNG ATING MGA GRADUATES AY TATANGGAPIN N'YO ANG MGA TRABAHONG INAALOK SA INTO SA JOBS FAIR, LAHAT KAYO AY MAY TRABAHO. ZERO UNEMPLOYMENT RATE ANG GRADUATING STUDENTS NG CLSU.

SA PAGLABAN NATIN KONTRA SA KAHIRAPAN, ANG PANGALAWANG KAILANGAN -- PAGKATAPOS NG TRABAHO -- AY ANG MODERNISASYON NG AGRIKULTURA SANDAL SA SOCIAL EQUITY DAHIL ANG NAKARARAMI SA ATING MAHIHIRAP AY NASA KANAYUNAN. AKO RIN AY NASISIYAHAN SA KOOPERASYON NG CLSU SA PHILRICE NA MAGING SENTRO NG HYBRID RICE PRODUCTION. ITO AY MAGSISIMULA ITONG MAYO PARA SA ISANGDAAN AT LIMAMPUNG EKTARYA NG LUPA NG CLSU. ITONG HECTARAGE NA ITO NA GAGAMITIN NG CLSU PARA SA HYBRID RICE PRODUCTION AY MAKAKAGANANSYA NG 50,000 PESOS BAWAT EKTARYA O 7.5 MILLION PESOS BAWAT CROPPING O 15 MILLION PESOS BAWAT TAON, NA MAGDADAGDAG PARA SA MGA PANSALAPING PANGANGAILANGAN NG CLSU AT LILIKHA NG ISANG LIBONG TRABAHO DITO. ITO AY MODELO NG SARILING SIKAP AT HALIMBAWA PARA SA IBANG STATE COLLEGES AND UNIVERSITIES KAYA INAATASAN KO SI CHED CHAIR ESTER GARCIA NA BIGYAN NG INSTRUCTION ANG LAHAT NG STATE COLLEGES AND STATE UNIVERSITIES, SABIHIN SA KANILA 'YUNG IBANG STATE COLLEGES AND UNIVERSITIES NA GAMITIN ANG KANILANG MGA LAND GRANT PARA GAYAHIN ANG MAGANDANG HALIMBAWA NG CLSU.

TALAGANG ANG PANAWAGAN AY PARA SA SAMA-SAMANG PAGSISIKAP MULA SA LAHAT NG SEKTOR -- GOBYERNO, INDUSTRIYA, AKADEMIA AT KABATAAN, KAYO, MGA GRADUATE NG TAONG 2002. ALL OF US SHOULD RALLY AROUND THE GREAT WORK NA ITAYO MULI ANG ATING EKONOMIYA AT BANSA. LALO NA, DAHIL ANG CLSU AY ISANG NANGUNGUNANG INSTITUSYON SA EDUKASYONG PANSASAKA SA ATING BANSA. ANG PANAWAGAN AY PARA KAYONG MGA NAGTATAPOS AY SANA IALAY NINYO ANG INYONG SARILI NA ITAYO MULI ANG LAKAS NG ATING MGA SEKTOR NG AGRIKULTURA AT PAMAYANAN.

NAIINTINDIHAN DIN NATIN, OO KAILANGAN IPAIRAL NINYO ANG INYONG MGA KARERA NA ANG PANGUNAHING LAYUNIN AY MAGKAROON NG SIGURADONG TRABAHO PARA SA INYO AT INYONG MGA PAMILYA. NGUNIT BILANG PILIPINO, HINIHILING KO SA INYO, KAILANGAN KO KAYO MGA GRADUATING STUDENTS NA MAGBIGAY NG ESPESYAL NA KONSIDERASYON NA PUMASOK SA MGA LARANGAN NG KARERA NA MAGBIBIGAY NG KONTRIBUSYON LALO NA SA MGA SEKTOR NG AGRIKULTURA AT PAMAYANAN.

KAYONG MGA NAGTATAPOS AY MAPALAD NA NAGKAROON NG PRIBILEHIYONG TUMANGGAP NG EDUKASYON MULA SA ISANG NANGUNGUNANG INSTITUSYON KAGAYA NG CLSU NA KILALANG-KILALA SA KANYANG SUKAT NG KAGALINGAN LALO NA SA AGRIKULTURA AT TEKNOLOHIYANG PANSASAKA.

ANG CLSU AY KINILALA BILANG CENTER OF EXCELLENCE SA AGRICULTURAL AND FISHERIES EDUCATION NG CHED. ANG MGA NAGTATAPOS SA CLSU AY MAY REPUTASYON NA NAGIGING TOPNOTCHER SA AGRICULTURAL ENGINEERING BOARD EXAMINATION. ANG MGA NAGTATAPOS DIN SA CLSU AY NAGIGING TOPNOTCHER RIN NG LICENSURE EXAMINATIONS PARA SA VETERINARY SCIENCE AND MEDICINE. KAYO AY NAGWAGI NOONG 1998, YEAR 2000 AT 2001.

ANG MGA ESTUDYANTE NG CLSU AY NANALO NA NG MARAMING AWARD KAGAYA NG TEN OUTSTANDING STUDENTS OF THE PHILIPPINES AT KAGAYA NG TEN OUTSTANDING MARKETING STUDENTS.

ANG RODEO TEAM NG CLSU AY NANALO NA SA DALAWAMPU'T PITONG CHAMPIONSHIPS SA RODEO COMPETITION SA BUONG-BUONG MGA IBAT-IBANG BAHAGI NG BANSA SA INYONG TATLUMPU'T APAT NA OUTING MULA NOONG1984.

AT ANG CLSU LUMIKHA NG MARAMING LIDER SA EDUKASYON MULA SA MGA NAGTATAPOS AT NAGTUTURO, LALO NA 'YUNG MGA LABING-ANIM NA NAGING MGA PANGULO NG STATE UNIVERSITIES AND COLLEGES NA TAGA-CLSU LAHAT AT KABILANG NA RITO AY SI DR. UNDAN NG CLSU.

ANG CLSU AY LUMIKHA NA RIN NG IBA PANG MGA KATANGI-TANGING LIDER SA IBA'T-IBANG LARANGAN NA PINATUNAYAN NG TATLONG TOYM AWARD, TATLONG OUTSTANDING ENGINEER, TATLONG TOWNS --'YUNG OUTSTANDING WOMEN IN THE NATION SERVICE, ISANG PANTAS AWARD MULA SA PCARRD BILANG OUTSTANDING ADMINISTRATOR -- SI DR. BATTAD YATA 'YON NOONG PANAHON NIYA, ANIM NA AWARD SA FISHERIES RESEARCH, ISANG AWARD SA ANIMAL SCIENCE RESEARCH, ISANG AWARD SA AGRICULTURAL JOURNALISM. KAYA ANG GALING-GALING NG CLSU. AND I'M VERY PROUD OF MY FAMILY IS A PART OF CLSU.

CLSU EVOKES MEMORIES OF MY FATHER. IT WAS DURING HIS TIME THAT THIS INSTITUTION WAS ELEVATED FROM A COLLEGE TO A UNIVERSITY. LIKE MANY OF THE STUDENTS AND GRADUATES OF CLSU, MY FATHER WAS BORN IN A NIPA HUT IN A RURAL BARRIO IN CENTRAL LUZON. HE DESCENDED FROM A HUMBLE TENANT WHO TILLED THREE-FOURTHS OF A HECTARE OF RICELAND THAT DID NOT BELONG TO THEM. MY FATHER WHEN HE WAS IN ELEMENTARY SCHOOL SUFFERED REAL HUNGER AND DEPRIVATION AS A CHILD. HE WAS THE ONLY MAN WITH TRULY PEASANT ORIGINS TO RISE TO THE POSITION OF PRESIDENCY, AND I AM VERY PROUD OF THIS.

TO ACHIEVE THE GOAL OF ADDRESSING POVERTY, A POVERTY THAT HE EXPERIENCED FIRST HAND IN HIS CHILDHOOD, MY FATHER RESOLVED TO BRING THE COUNTRY INTO A NEW ERA THROUGH A NUMBER OF SIMPLE BUT MEANINGFUL MISSIONS. AMONG THESE WERE THE ATTAINMENT OF SELF-SUFFICIENCY IN THE STAPLE FOOD OF OUR PEOPLE, MAINLY RICE AND CORN. HE LIKEWISE LAUNCHED A BOLD BUT WELL-FORMULATED SOCIOECONOMIC PROGRAM, THE FIRST MEDIUM-TERM DEVELOPMENT PLAN OF OUR COUNTRY, TO PUT OUR COUNTRY ON THE ROAD TO PROSPERITY.

TO A LARGE EXTENT, THE CONDITIONS OF HIS TIME HELPED THE CONVERSION OF CENTRAL LUZON AGRICULTURAL COLLEGE TO A UNIVERSITY. THIS IN TURN SPURRED HIS PROGRAMS OF SOCIAL AMELIORATION WHICH ARE INDELIBLY ETCHED IN THE SOCIOECONOMIC LANDSCAPE OF THIS REGION.

TODAY, CLSU HAS BECOME A LEADING STATE UNIVERSITY IN AGRICULTURAL EDUCATION, ENGINEERING, VETERINARY MEDICINE, AGRIBUSINESS AND ENTREPRENEURSHIP, AS WELL AS IN ENVIRONMENTAL AND ECOLOGICAL CONSERVATION. YOU HAVE A CAMPUS THAT HARBORS VARIOUS STATE-OF-THE-ART RESEARCH AND DEVELOPMENT FACILITIES. IT IS A WELLSPRING OF KNOWLEDGE AND SOCIAL RESPONSIBILITY.

SPEAKING OF SOCIAL RESPONSIBILITY, LAMPAS SA MUNDO NG AKADEMYA, GUSTO KONG TUMAWAG NG PANSIN SA HALAGA NG LARANGAN NG APPLIED RESEARCH AND TECHNOLOGY. ANG PRODUKTIBIDAD AT EFFICIENCY NG ATING MGA MAGSASAKA AY DI HAMAK NAIIWAN NG ATING MGA KAPITBAHAY SA ASYA, TSINA, VIETNAM, MALAYSIA. ISA SA MGA BATAYANG PARAAN KUNG PAPANO MAKAKAHABOL TAYO AY SA PAMAMAGITAN NG PAGPAPAKILALA AT PAGSASANAY SA ATING MGA MALILIIT NA MAGSASAKA SA MGA MAS BAGONG TEKNOLOHIYA. LUBOS KONG PINAGMAMALAKI NA BIGYANG PANSIN NA ANG CLSU AY TULOY-TULOY NA TINATAYO ANG KANYANG PAG-UUNLAD NG APPLIED TECHNOLOGIES ANG KANYANG PROGRAMANG NAKIKIPAG-UGNAY SA PANGMUNDONG PINANGGAGALINGAN NG IBA'T-IBANG TEKNOLOHIYANG PWEDENG GAMITIN SA PILIPINAS.

HALIMBAWA, 'YUNG RELASYON NG CLSU SA TSINA NA PINANGGAGALINGAN NATIN NG RICE TECHNOLOGY. HINDI LAMANG 'YUNG HYBRID RICE KUNGDI NA RIN 'YUNG RICE AGRICULTURAL MACHINERY. 'YUNG RELASYON DIN NIYA SA ISRAEL NA PINANGGAGALINGAN NG GREENHOUSE TECHNOLOGY.

AT, AS AN ADVISER IN THE METROBANK FOUNDATION, I KNOW THAT YOUR FACULTY MEMBERS ARE FORMIDABLE. SOME HAVE BEEN SELECTED AS METROBANK'S MOST OUTSTANDING TEACHERS. THESE TEACHERS FROM CLSU HAVE CONSISTENTLY CARRIED THE TORCH OF EFFECTIVE AND DURABLE MENTORING.

YOUR PRESIDENT HIMSELF WAS A RECIPIENT OF SUCH NATIONAL AWARDS AS MOST OUTSTANDING AGRICULTURAL ENGINEER, MOST OUTSTANDING RESEARCH ADMINISTRATOR, THE ONE HOLDING THE MOST OUSTANDING ASEAN ENGINEERING ACHIEVEMENT. YOU ARE BLESSED WITH LEADERSHIP AND EXCELLENCE.

WITH ALL THESE, YOU DESERVE UNREMITTING SUPPORT. AND SO, I'M INDEED VERY GRATEFUL THAT YOU ARE ALL HERE TODAY. TODAY, I AM PROCLAIMING A 20-HECTARE AREA IN THE CLSU RESERVATION TO BE USED FOR EMPLOYEE HOUSING AND CONSTRUCTION OF DORMITORIES FOR STUDENTS. THIS IS PART OF THE CONTINUING EFFORT TO STRENGTHEN THE INSTITUTIONAL AND HUMAN RESOURCES OF YOUR UNIVERSITY. THIS IS INDISPENSABLE TO THE SUSTAINED DEVELOPMENT AND PROGRESS OF YOUR REGION.

SAMA-SAMA NATING LABANAN ANG KAHIRAPAN. NGUNI'T HINDI TAYO MAAARING SUMUGOD SA LABAN NANG WALANG DALANG SANDATA. NANINIWALA AKO NA ANG SUSI SA ISANG MAPAYAPANG PAGBABAGO AY ANG PAG-USBONG NG BAGONG PAG-IBIG SA EDUKASYON NG BAGONG HENERASYON.

AKO AY LUBOS NA NANINIWALA NA ANG PAGPAPALAWIG NG EDUKASYON ANG SIYANG MAGIGING PANGUNAHING ARMAS TUNGO SA MATAAS NA ANTAS NG ATING PAMUMUHAY, PARTIKULAR ANG PAGBIBIGAY NG ATENSIYON DITO SA SCIENCES KASAMA NG AGRICULTURAL SCIENCE AND ENGINEERING.

SA NGAYON, ANG PILIPINAS ANG TAHANAN NG DAKILANG MANGGAGAWANG PILIPINO, ANG KASAMA NITO AY ANG DAKILANG MANGGAGAWANG MAGSASAKA. TALAGANG MAYROON TAYONG COMPETITIVE ADVANTAGE SA ATING HUMAN RESOURCE SKILLS INTENSIVE SERVICE SECTORS. GAMITIN NATIN ANG KAALAMAN NG ATING SERVICE SECTORS MATH, SCIENCE, ENGINEERING, INFORMATION TECHNOLOGY SA MAGING MAS DAKILA PA ANG ATING MAGSASAKA. AYON SA IBA'T-IBANG PAG-AARAL, ANG DAKILANG MANGGAGAWANG PILIPINO ANG NANGUNGUNA BILANG KNOWLEDGE WORKERS SA MUNDO. WALANG NAKAKATALO SA DAKILANG MANGGAGAWANG PILIPINO KUNG ANG PAG-UUSAPAN AY KAHUSAYAN, DEDIKASYON AT KATAPATAN SA TRABAHO. ALAM ITO NG BUONG DAIGDIG, AT ITO AY ATING IPINAGMAMALAKI. HUWAG NATING IWANAN NA BIGYAN NG SANDATA ANG MAGSASAKA NA MAGKAROON NG KADAKILAAN AT MASABI RIN NANGUNGUNA SA MGA DAKILANG MAGSASAKA NG BUONG MUNDO.

ITO AY DAPAT MAGSILBING DAHILAN NA TAYO AY MAGSIKAP. HUWAG TAYO MAGING KAMPANTE NA LAMANG. HUWAG NATING HAYAANG MAWALA ANG TIWALA AT PAGHANGA NG MUNDO SA DAKILANG MANGGAGAWANG PILIPINO. GAMITIN NATIN ANG ATING NATUTUNAN DITO PARA IPATUNAY DIN NA ANG MAGSASAKANG PILIPINO AY DAKILANG MAGSASAKANG PILIPINO NA KAYA ANG HAMON NG BUONG MUNDO. DAPAT NATING PALAKASIN ANG EDUKASYON TUNGO SA HINAHARAP.

SA AKING MGA MINAMAHAL NA NAGSISIPAGTAPOS, SA GITNA NG MGA PANGANIB NG BAGONG DIGMAAN SA TERORISMO AT NG GLOBALISASYON, ANG PAMBIHIRANG PAG-ANGAT NG SEKTOR NG AGRIKULTURA AY SIYANG DAPAT MAGSILBING INSPIRASYON SA ATING LAHAT PARA PAGSIKAPANG MAKAMIT ANG ATING MGA PANGARAP PARA SA ATING BAYAN.

MAGTULUNGAN TAYO SA PANIBAGONG EDSA, ANG BAGONG KILUSAN SA UNANG DEKADA NG SIGLO BEINTE-UNO, ANG EDSANG SUSUGPO SA KAHIRAPAN.

MALAKI ANG AKING PANINIWALA NA SA ATING WALANG SAWANG PAGPUPUNYAGI AT SA ATING PATULOY NA PANALANGIN SA POONG MAYKAPAL AY MAKAKAMTAN DIN NATIN ANG MINIMITHING KAUNLARAN PARA SA BAWA'T PILIPINO. PATULOY NATING PAGTIBAYIN AT PALAKASIN ANG ATING PAGKAKAISA UPANG MAS MARAMI PA TAYONG MAKAMIT NA TAGUMPAY SA HINAHARAP.

MAGTULUNGAN TAYO PARA PAUNLARIN ANG ATING BAYAN, ANG TAHANAN NG DAKILANG MANGGAGAWANG PILIPINO NA DAPAT TAHANAN DIN NG DAKILANG MANGGAGAWANG MAGSASAKA. KAYA KAYONG MGA GRADUATING STUDENTS, CONGRATULATIONS! AT GUSTO KONG SABIHIN SA INYO, KAILANGAN KO KAYO PARA GANUN UMUNLAD ANG ATING PANSASAKA, UMUNLAD ANG ATING BANSA AT MASUGPO NATIN ANG KAHIRAPAN NG ATING BANSA.

MARAMING SALAMAT AT GOOD LUCK SA INYONG LAHAT.

[HOME]