PGMA's Speech during visit to the Metro Manila Flood Control Project-West of Manggahan Floodway

PGMA's Speech during her visit to the Metro Manila Flood Control Project-West of Manggahan Floodway

Lupang Arenda, Brgy. Sta. Ana Taytay, Rizal (18 April 2002)

MARAMING SALAMAT SECRETARY GING DELES. SABI NGA NI MAYOR ZAPANTA ANG BAIT-BAIT DAW NI SECRETARY GING DELES.

'YUNG IBANG CABINET OFFICIALS AY NABATI KO NA KANINA MALIBAN KAY SECRETARY MAI JIMENEZ -- SIYA 'YUNG NAGSALITA KANINA -- IYUNG AKING PRESIDENTIAL ADVISER ON ODA ABSORPTION (OFFICIAL DEVELOPMENT ASSISTANCE ABSORPTION). AT AKO AY NAPUNTA RITO KASAMA NI GOVERNOR YNARES, NI CONGRESSMAN DUAVIT AT SAKA NI VICE GOVERNOR OHARA MULA DOON SA KABILANG PINUNTAHAN NAMIN, DITO RIN SA MANGGAHAN, SA FLOODWAY. NAKIPAG-KAINAN SA ATING OUT-OF-SCHOOL YOUTH FEMALE. KAYA DITO NAMAN, BABATIIN KO SI MAYOR FREDDIE TINGA NG TAGUIG; AT DAHIL KASAMA NA KANINA PA SI MAYOR FELIX NG CAINTA, BABATIIN KO NAMAN NGAYON SI VICE MAYOR LORNA BERNARDO; SI SECRETARY SONNY ALVAREZ AT SAKA SI SECRETARY CESAR SARINO AY NABATI KO NA KANINA KAYA BABATIIN KO NA NGAYON SI CHAIRMAN ABALOS NG MMDA; AT SAKA IYUNG IBA'T-IBANG MGA OFFICIALS DITO. AT SAKA IYUNG ATING MGA KINATAWAN NG MGA PEOPLE'S ORGANIZATION DITO NA NAGPUNTA DITO SA PIRMAHAN. IYUNG KINATAWAN NG "TAYTAY LABAN SA LAKESHORE DIKES," SI GINOONG ASTERO OJEDA. SIGURO ANG TAWAGIN NATING ASSOCIATION NGAYON HINDI NA "TAYTAY LABAN SA LAKESHORE DIKE" KUNDI "TAYTAY NA NAGBABANTAY SA LAKESHORE DIKE." (LAUGHTER/APPLAUSE) IN OTHER WORDS, PARA MASIGURADO NATIN NA TINUTUPAD IYUNG MGA KASUNDUAN, KAYA GANUN; SI GINOONG ARTEMIO AGUILANDO MULA SA "PASIG LABAN SA LAKESHORE DIKE;" GANUN DIN SIGURO NGAYON, "PASIG TAGA-BANTAY SA LAKESHORE DIKE." NABANGGIT NATIN ANG PASIG, NANDITO RIN SI CONGRESSMAN NG PASIG, SI CONGRESSMAN LANOT.

ALAM N'YO AKO'Y NASISIYAHAN NA NARITO NGAYON. BINABATI KO KAYONG LAHAT NA MGA TAGA-TAYTAY, TAGA-PASIG, TAGA-TAGUIG AT LAHAT NG MGA KASAMA NA MAY KINALAMAN SA PROYEKTONG ITO AT NAGKAKAROON TAYO NG PAGKAKAUNAWAAN AT PAGKAKATAONG MABIGYANG-DAAN ANG MGA HINAING NG IBA'T-IBA, NG LAHAT-LAHAT TUNGO SA IKALULUTAS NG PAGBAHA DITO SA INYONG LUGAR.

FREDIE, HINDI BA -- SAAN SI FREDIE? -- HINDI BA TATLONG BUWAN NA ANG NAKARAAN NOONG NANDOON AKO SA TAGUIG? DAPAT NOON PA NANDITO NA AKO. KANYA LAMANG SINABI NG MGA OFFICIALS, "HINDI, PUMUNTA KA NA LANG DOON KAPAG... TOTAL NARINIG NA NAMIN 'YUNG PROBLEMA NOONG NANDOON KAMI SA TAGUIG KAY FREDIE TINGA." SABI NG MGA OFFICIALS KO, "PUMUNTA NA LANG KAYO KAPAG MERON NG KASUNDUAN. MAGKOKUNSULTA MUNA KAMI." AT TATLONG BUWAN NAG-USAP-USAP -- GOBYERNO AT PEOPLE'S ORGANIZATION -- HANGGANG MAKA-ABOT TAYO SA PINIRMIHAN NA PINAKITA KANINA. AKO, SABI KO, "TAMA 'YAN." MAG-USAP KAYO NG MASINSINAN DAHIL AKO AY NANINIWALA -- SINABI KO NA NUNG AKO'Y BAGONG NAGING PANGULO, FIRST TIME NA NAKIPAG-USAP AKO SA URBAN POOR PAGKATAPOS NG PAGKAPANGULO OVER A YEAR AGO DOON SA NGC, SABI KO --- ANG MARALITANG TAGA-LUNSOD AY HINDI PROBLEMA. ANG MARALITANG TAGA-LUNSOD AY BAHAGI NG SOLUSYON SA MGA PROBLEMA.

SABI NG ATING EMCEE KANINA NA ALAM NA ALAM KO ITONG PROBLEMANG ITO. MAI-KWENTO KO -- DAPAT TALAGANG ALAM, 1988, LABING-APAT NA TAON NA TAYONG NAGHIHINTAY UPANG MAKAHANAP NG SOLUSYON SA PAGBABAHA DITO SA MANGGAHAN SA FLOODWAY. NGUNIT UNANG NALAMAN KO NA MAY PROBLEMA NA MATINDI DOON SA BAHAGI NG REGULAR NA KONSULTASYON DAHIL SABI KO, DITO SA BAGONG PAMAHALAAN, GUSTO NATIN NG BAGONG PULITIKA. HINDI 'YUNG PULITIKANG PERSONALIDAD AT PATRONAGE KUNG HINDI 'YUNG PULITIKA NG PLATAPORMA AT MAAYOS NA KONSULTASYON SA TAUMBAYAN. KAYA 'YUNG NAPC AY INAYOS NATIN PARA MAGIGING TALAGANG PARAAN NG KONSULTASYON SA TAUMBAYAN -- INSTITUTIONALIZED CONSULTATION. AT MINSAN NGA BAHAGI DITO SA KONSULTASYON NAG-REPORT SI SECRETARY GING DELES SA AKIN, NAGKONSULTA RAW SIYA DITO SA MGA COMMUNITY DITO, AT SABI NIYA TUTOL SILA DOON SA FLOOD CONTROL NG LAKE LAGUNA. EH, ANG LAKI-LAKING UTANG NOON SA JAPANESE GOVERNMENT. MAGKANO NGA BA 'YUNG UTANG, TED ENCARNACION? 2.4 BILLION. EH SABI KO, EH KUNG AYAW NILA DOON EH NAGHAHANAP NAMAN AKO NG PERA SA LAND REFORM. I-CANCEL NA NGA NATIN 'YUNG PROJECT NA 'YON, ILIPAT NA LANG NATIN PARA BAYARAN 'YUNG MGA LUPANG GUSTO NATING BILHIN PARA SA LAND REFORM. 'YON ANG SABI KONG UNANG DESISYON. MAMAYA BUMALIK NAMAN 'YUNG MGA TAO, 'YON 'YUNG MGA TAGA-TAGUIG BUMABALIK, "HUWAG NAMAN N'YONG IKA-CANCEL DAHIL HINDI NAMAN KAMI TUMUTUTOL. KAMI GUSTO NAMIN 'YUNG PROJECT NA 'YON DAHIL TAUN-TAON HANGGANG DITO 'YUNG AMING TUBIG. KAYA PAKINGGAN NAMAN N'YO KAMI. ILAN LANG YANG TUMUTUTOL NA YAN." TAPOS, DAHIL PINA-ALAM NA RIN SA JAPANESE GOVERNMENT NA KAKANSELAHIN 'YUNG PROJECT DAHIL TUMUTUTOL 'YUNG TAUMBAYAN -- AKALA KO LAHAT TUMUTUTOL -- SABI NG JAPAN, SIGURO HUWAG MO NANG KANSELAHIN, SAYANG NAMAN. 1988 PA NATIN INAAYOS 'YANG PAPELES. SIGURO GIVE IT ONE MORE YEAR KUNG MAAYOS 'YUNG MGA SOCIAL PROBLEMS," SABI NILA. KAYA, "SIGE," SABI KO. "OKAY, TIGNAN NATIN 'YUNG MGA SOCIAL PROBLEMS." AT DOON NA NGA 'YUNG PANAHON NA NAGPUNTA AKO KAY FREDIE, AT DOON NGA NAKITA KO KUNG ANO 'YUNG PROBLEMA.

KUNG MAMARAPATIN N'YO LILIPAT AKO NG MICROPHONE, KASI GUSTO KONG PUMUNTA DOON SA ATING CHART. DITO, DITO NA LANG. TEACHER KASI AKO EH, KAYA GUSTONG-GUSTO KONG MAG-LECTURE NA MAY AUDIO-VISUAL AIDS. ETO, ETO 'YUNG UNANG DESIGN. 'YAN ANG UNANG DESIGN NG DIKE. EH 'YUNG TUMUTUTOL NA NI-REPORT NI GING, ETO PALA. EH DI NUNG SABI KO NAI-CANCEL, ANG NAGALIT NAMAN SA AKIN SA CANCELLATION LAHAT NITO NA-CANCEL. TINGNAN MO 'YUNG NAKATIRA DIYAN SA BAHA-BAHA NA LAHAT NA 'YAN EH GALIT SILA DAHIL BINABAHA RAW SILA. "SA MGA KONTI PAGBIBIGYAN MO," SABI NILA, "TAPOS KAMI DEKADA NA NAMING HINIHINTAY ITO." KAYA NAGHANAP... KAYA SABI KO KINA GING, KILA MAI, 'YUNG MGA IBANG OFFICIALS, KAY CATAQUIZ, "OKAY, AYUSIN, PAG-USAPAN NINYO. MASKI MAKI-USAP DOON SA ARENDA." SI MAI NAMAN ARIENDA NG ARIENDA DAHIL TAGAHANGA YATA KAY ROGER ARIENDA. ARIENDA BA KAYO O ARENDA? (PEOPLE ANSWERING: "ARENDA") OKAY.

ANYWAY, KAYA 'YON ANG SINASABI NI MAYOR KANINA, ZAPANTA, NA ANG SOLUSYON AY RE-ALIGNMENT. GAGAWA TAYO NG GANYAN. SO GANOON PA RIN TAPOS MAY RE-ALIGNMENT DITO. SO 'YAN ANG SOLUSYON NAPAG-USAPAN.

NGAYON, MABALIK TAYO SA MGA OFFICIAL STATEMENT KO FOR THE RECORD. KAYA AKO'Y NAGPAPASALAMAT NOONG MARINIG KO NA KAYO AY MASAYA NA SA SINSERIDAD NG ATING PAMAHALAAN NA PAKINGGAN AT LUNASAN ANG HINDI PAGKAUNAWAAN TUNGKOL SA MAS MABUTING PARAAN NG IMPLEMENTASYON NG PROYEKTONG ITO.

KAYA ASAHAN NINYO NA AKO AY MANANATILING NAKIKINIG SA ATING MAMAMAYAN. 'DI BA PATUNAY NA AKO'Y NAKIKINIG NUNG SINABI NUNG MGA MODERATE LABOR UNIONS NA PORMAL NAGPANUKALA SILA NA IBALIK 'YUNG NON-WORKING HOLIDAY SA MAY 1. DAHIL NAMAN SILA -- AY, MAYOR KUMUSTA? THANK YOU, FOR COMING HERE. MAYOR NG MORONG HINDI NAMAN ANO, HINDI NAMAN BAHAGI SA PROBLEMA. HINDI NAMAN ANO? SO, NAGBIBISITA LANG DITO. OKAY -- NUNG PORMAL SILANG NAGPANUKALA DAHIL NAPATUNAYAN NAMAN NILA TALAGA NA SILA AY MGA... GUSTO NILA 'YUNG KAPAYAPAAN, 'YUNG KAUNLARAN NG ATING BANSA AY NAKINIG DIN AKO AT BINALIK KO ULIT SA MAY 1. DITO RIN, NAKINIG AKO MUNA DOON SA MGA TUMUTUTOL TAPOS NAKINIG AKO DOON SA MGA TUMUTUTOL SA PAGTUTOL. NGAYON AY NAKINIG TAYONG LAHAT SA ISA'T-ISA.

AT ASAHAN N'YUNG MANGUNGUNA SA AKIN ANG PAGTATAGUYOD NANG MAS MAKABUTI PARA SA MAS NAKARARAMI. KAYA DIYAN SA CHART NA YAN. KITANG-KITANG NAMAN N'YO KUNG SINO ANG NAKARARAMI, 'DI BA. NGUNIT 'YUNG MGA MATATAMAAN KAILANGAN HANAPAN DIN NG PARAAN.

KAYA NGA ITONG PROYEKTONG ITO, SABI KO NA DAPAT MASUSING PAG-AARAL, AT SABI NAMAN KASI NUNG KINA-CANCEL KO NA MGA THREE MONTHS AGO, SABI NUNG JAPANESE GOVERNMENT, WE'LL GIVE YOU -- KASI MAY MGA DEADLINE 'YAN EH -- KAYA SABI KO, SIGE KANSELAHIN NA. SABI NILA, "NO, WE WILL EXTEND THE DEADLINE ONE MORE YEAR TO GIVE A CHANCE TO THE NEW ADMINISTRATION TO WORK OUT THE PROBLEM." KAYA SABI KO, SA LOOB NG ANIM NA BUWAN KAILANGAN PAG-ARALAN UPANG MALAMAN ANG MAS MAGANDANG ALTERNATIBO PARA SA TAYTAY AT PASIG KASI BAHAGI ROON PASIG DIN, 'DI BA, LORNA? 'YUNG TINURO KO. AT 'YON NA NGA 'YUNG RE-ALIGNMENT O 'YUNG ORIGINAL ALIGNMENT NA MAY KASAMANG POLDER DIKE. ALAM N'YO IBIG SABIHIN NU'N? GANITO 'YON. GANITO PA RIN PERO MAY ISANG PANG DIKE DITO. BUT WHATEVER IT IS, RE-ALIGNMENT O MAY POLDER DIKE, LIGTAS ANG ANO...

SA PAG-AARAL NA ITO, ANG GAGAWA NG STUDY -- KASI SYEMPRE HINDI LANG PORKE'T... O, SIGE GAGAWIN MO YAN, MAGAGAWA NA -- MAY ENGINEERING STUDY 'YAN, MAY FINANCIAL STUDY. SO, KINOMISYON NATIN ANG U.P. NATIONAL HYDRAULIC RESEARCH CENTER AT SINABI KO RIN NA MAGLAHOK NG LIMANG KINATAWAN MULA SA PEOPLE'S ORGANIZATION AT LOCAL GOVERNMENT UNITS NG TAYTAY AT PASIG UPANG SA BAWA'T HAKBANG NG PAG-AARAL AY MAKASAMA ANG PANANAW NG LAHAT NG PANIG. KAYA'T DAPAT KASAMA ANG KINATAWAN NG PASIG AT TAYTAY DAHIL, GAYA NG SABI KO, HINDI KAYO ANG PROBLEMA BAHAGI KAYO SA SOLUSYON. SA ANIM NA BUWAN GAGAWIN 'YAN, DETALYADONG PAG-AARAL PARA MAPALITAN 'YUNG MGA PLANO, PATI NA 'YUNG MGA FINANCING ARRANGEMENT MAGPAPALIT. NGUNI'T HABANG GINAGAWA ANG PAG-AARAL, HINDI MUNA TAYO MAGTATAYO NG DIKE DITO SA TAYTAY AT SAKA PASIG. KAYA KUNG BAHAIN KAYO ULI THIS RAINY SEASON EH, PASENSIYA MUNA NG KONTI, KAYO NAMAN ANG HUMINGI NA HUWAG MUNA ITAYO ANG DIKE, 'DI BA?

OKAY. SA PAGTATAYO NG BUONG DIKE, MULA TAGUIG HANGGANG TAYTAY, ITONG TOTAL NA PROJECT ITO AY APAT NA TAON. BIRO N'YO KUNG NOONG 1988 NAGSIMULA, 1992 HINDI NA SANA KAYO BINABAHA. PERO, ANYWAY, NAHULI PA MAN AT LEAST NAHANAP NATIN 'YUNG 'BAKIT,' BAKIT TINUTUTULAN. KAYA ITONG APAT NA TAON -- WELL, AAYUSIN ITO NG ANIM NA BUWAN PERO HUWAG NAMAN NATING PAHINTAY LAHAT -- KAYA UUNAHIN NATIN ANG PAGTATAYO NG DIKE SA TAGUIG DAHIL AYOS NA 'YUNG PROBLEMA, WALA NG PROBLEMA SA TAGUIG. IN FACT, 'YUNG MGA TAO NG TAGUIG... 'YUNG MGA TAO NG TAGUIG ANG NAGALIT SA AKIN NG NARINIG NILANG KINA-CANCEL KO 'YUNG PROJECT EH. SO SILA HANDANG-HANDA NA DOON, SO UUNAHIN YUON.

AT UPANG LALONG MAPABUTI ANG ATING PROYEKTO, 'YUNG BINABANGGIT NI MAYOR ZAPANTA KANINA, 'YUNG 200 MILLION, SO SABI KO SA DPWH -- NANDITO SI TEDDY ENCARNACION -- MAGLAGAY SILA NG 200 MILLION PESOS NA PONDO PARA SA EXTENSION NG DIKE SA EAST BANK NG TAYTAY.

SAAN MANGGAGALING ITONG PONDONG ITO? NAHUGOT SA MGA SAVINGS. PINAG-ARALAN MULI KUNG MAGKANO 'YUNG NAKA-ALLOCATE AT KUNG MAGKANO TALAGA ANG KAILANGAN MAY 200 MILLION PESOS NA EXTRA. SIGURO KUNG AKO AY CORRUPT NAKUHA KO NA 'YUNG 200 MILLION. PERO DAHIL HINDI TAYO NAG-I-S.O.P., HINDI TAYO NAGKI-KICKBACK 200 MILLION NAHANAP NA SAVINGS PARA DITO SA DIKE SA KABILANG BANK NG TAYTAY.

HIGIT PA RITO, HABANG GINAGAWA ANG PAG-AARAL, SI GING DELES -- ANG SABI NI MAYOR ANG BAIT-BAIT NI GING DELES -- AY SIYA ANG GAGAWA NG PROGRAMANG PANGKABUHAYAN PARA SA LUGAR NA ITO. KAYA SIGURO NAMAN PAGKATAPOS NG ILANG BUWAN, ISANG BUWAN, ISANG BUWAN MGA LIVELIHOOD PROJECTS NAMAN ANG ATING PAGKA-KAABALAHAN DITO SA ARENDA.

NGAYON NAMAN, AKO'Y LUBOS NA NATUTUWA NA MAGKASAMA NATING SISIMULAN ANG PAG-AAYOS NG INYONG LUGAR. 'YUNG DAAN PAPATAASIN NATIN, 'DI BA? EH KASI HINDI PA TINATAYO YUNG DIKE EH KAYA KAILANGAN PAATAS MUNA 'YUNG DAAN. TATANIMAN DIN NATIN ANG INYONG BAMBAN NG KAWAYAN UPANG MAS TUMIBAY ANG INYONG LUPAIN. LALAGYAN NATIN NG SEMILYA ANG ATING LAWA, HINDI BA MANAGER CATAQUIZ? AYON. KAYA DITO AY MAGANDANG ARAW ITO, 'DI BA? NAAYOS NA NATIN, MAGKASAMA TAYONG NAKAHANAP NG SOLUSYON.

KAYA MULI, BINABATI KO KAYONG LAHAT SA INYONG PAGTUTULUNGAN PARA MALUNASAN ANG PROBLEMA NG PAGBAHA DITO SA INYONG LUGAR. GAYUNDIN, NAGPAPASALAMAT AKO SA INYONG PATULOY NA PAGSUPORTA SA ATING MGA PROYEKTO. KAYA MGA KAIBIGAN, SALAMAT NA KAYO AY NAGING BAHAGI NG SOLUSYON SA KAPAKANAN DIN NG ATING MGA KAPATID NA MINAMAHAL SA LUPANG ARENDA.

MARAMING SALAMAT SA INYONG LAHAT.

[HOME]