PGMA's Speech during her Visit to Bulacan and Awarding of Projects to Beneficiaries

Malolos Capitol Gymnasium. Malolos, Bulacan (23 April 2002)
MARAMING SALAMAT KALIHIM ROMULO SA IYUNG PAGPAPAKILALA SA AKIN. AT HINDI KO NA BABANGGITIN AT BABATIIN 'YUNG MGA CABINET MEMBERS DAHIL PINAKILALA NA SILANG LAHAT NI JOSIE.

GUSTO KONG BATIIN ANG MGA OFFICIALS NG LALAWIGAN NG BULAKAN SA PAMUMUNO NI JOSIE DE LA CRUZ, AKING NAPAKAGALING NA ESTUDYANTE; SI VICE-GOVERNOR PLAMENCO; IYUNG ATING MGA CONGRESSMEN NA NARITO NGAYON -- SI CONGRESSMAN WILLY ALVARADO, SI CONGRESSWOMAN NINGNING NICOLAS, AT SAKA SI BUTIL CONGRESSMAN BEN CRUZ; ANDITO BA SI DANNY DOMINGO? AYUN SI DANNY, AYUN; AT SAKA 'YUNG ATING DATING GOBERNADOR NA MAHAL NA MAHAL PA RIN NG MGA TAGA-BULAKAN, SI OBET PAGDANGANAN; LAHAT NG IBA'T-IBANG MGA PUNONG-BAYAN DITO SA LALAWIGAN NG BULAKAN; MGA BOARD MEMBERS; LAHAT NG MGA OFFICIALS; AT GUSTO KO RING BIGYAN NANG ESPESYAL NA PANSIN ANG AKING PRESIDENTIAL ADVISER FOR MODERNIZATION, SI LITO SARMIENTO NA ANAK DIN NG BULAKAN; DAPAT NA RIN N'YO MAKILALA 'YUNG TUMUTULONG SA AKIN SA PAG-AALAGA NG NORTH LUZON, AT 'YON AY SI PRESIDENTIAL ASSISTANT RENE DIAZ; MGA REGIONAL DIRECTORS NA MARAMI DYAN AY KAIBIGAN KO, GAWA NUNG AKO AY SENADOR FROM PAMPANGA; AT GUSTO KO RIN BATIIN 'YUNG IBA'T-IBANG MGA... ATING MGA NAGDALO ITONG ARAW NA ITO, AT ESPESYAL NA GUSTO KONG BATIIN 'YUNG ATING OUT-OF-SCHOOL YOUTH NG BULAKAN -- SAAN DITO 'YUNG MGA OUT-OF-SCHOOL YOUTH? BENEPISARYO NG ATING MGA PROJECT? AYUN, AYUN PALA KAYO. OKEY.

SO, SA INYONG LAHAT MGA KABABAYAN, MGA DAKILANG TAGA-BULAKAN, MAGANDANG UMAGA.

ISANG TAOS-PUSONG PAGBATI ANG AKING IPINAPA-ABOT SA LAHAT NG MGA BULAKE"O, LALUNG-LALO NA NGA IYUNG MGA LOKAL NA OPISYALES, 'YUNG MGA BINANGGIT KO AT HINDI KO NABANGGIT, SA PANGUNGUNA NA NGA NI GOBERNADORA JOSIE DE LA CRUZ, NA ISA SA PINAKAMAGALING KONG ESTUDYANTE NOONG AKO AY NAGTUTURO PA SA ATENEO. KAYA ANG LAHAT SINASABI NA MAGALING NA MAGALING NA GOBERNADOR SI JOSIE -- SABI KO, SIYEMPRE MAGALING ANG TEACHER NIYA.

AKO AY NAGAGALAK NA KASAMA KAYONG LAHAT DITO SA BULAKAN AT AKO AY NAGPAPASALAMAT SA INYONG MAINIT NA PAGTANGGAP SA AKIN.

KILALANG-KILALA KO ANG LALAWIGAN NG BULAKAN. ITO AY KAPITBAHAY LAMANG NG AKING TINUBUANG LALAWIGAN NG PAMPANGA.

NGUNIT KILALANG-KILALA RIN NG BUONG TAUMBAYAN ANG BULAKAN DAHIL MARAMING MAHALAGANG PANGYAYARI SA LALAWIGANG ITO NA BAHAGI NGAYON NG ATING KASAYSAYAN.

DITO NGA SA MALOLOS, BULAKAN, NOONG 1898, SA LOOB NG BARASOAIN CHURCH, GINANAP ANG KONGRESO NA NAGPATIBAY SA SALIGANG BATAS NA NAGTATAG NG UNANG REPUBLIKA NG PILIPINAS. HINDI LAMANG UNANG REPUBLIKA NG PILIPINAS KUNDI UNANG REPUBLIKA NG BUONG ASYA. SA PAMAMAGITAN NG MALOLOS CONSTITUTION -- NA TINURING NA PINAKA-UNANG SALIGANG BATAS SA BUONG ASYA AT APRIKA -- AY IPINAMALAS NG MGA PILIPINO ANG KANILANG KAKAYAHANG HUBUGIN ANG SARILING KAPALARAN SA ISANG DEMOKRATIKONG PAMARAAN.

ANG ATING PAGIGING ISANG BANSA AY SUMIBOL MULA SA HANGAD NG ATING MGA NINUNO NA MAGKAROON NG MAGANDANG BUHAY ANG BUONG SAMBAYANAN. ANG TANGING PANGARAP NG FOUNDING FATHERS NG ATING REPUBLIKA, KASAMA NA SI ANDRES BONIFACIO NA NAGPASIMULA NG PHILIPPINE REVOLUTION, AY I-AHON ANG ATING MGA KABABAYAN SA PANG-AAPING DULOT NG KAHIRAPAN.

ANG ATING PAGLABAN SA KAHIRAPAN AY NAGPAPATULOY HANGGANG NGAYON, KAYA NAMAN AKO NANG MAUPO BILANG PANGULO NOONG NAKARAANG TAON, SINABI KO NA ANG PINAKALAYUNIN NG ATING PAMAHALAAN AY SIKAPIN WAKASAN ANG KAHIRAPAN SA LOOB NG KASALUKUYANG DEKADA. AT UPANG MAGAWA ITO, KAILANGAN MAGAMIT NATIN ANG MGA OPORTUNIDAD NA IBINIBIGAY SA ATIN NG BAGONG EKONOMIYA NG SIGLO BEINTE-UNO -- MGA PAGKAKATAON NA MAGBIBIGAY NG TRABAHO SA ATING MGA MAMAMAYAN, LALUNG-LALO NA ANG MGA KABATAAN.

SA AKING STATE OF THE NATION ADDRESS O SONA SA KONGRESO NOONG NAKARAANG HULYO -- NANDOON NGA SI CONGRESSMAN ALVARADO, NANDOON SI CONGRESSMAN CRUZ, NANDOON DIN SI CONGRESSWOMAN -- SINABI KO RIN NA ANG ATING PAGLABAN SA KAHIRAPAN AY UMIIKOT SA APAT NA ELEMENTO: UNA, PAIRALIN ANG SISTEMA NG FREE ENTERPRISE NA NAGBABAGO SA SIGLO BEINTE-UNO; PANGALAWA, GAWING MODERNO ANG AGRIKULTURA NA NAKABATAY SA SOCIAL EQUITY; PANGATLO, BIGYAN NG ESPESYAL NA PANSIN ANG MGA KAPUS-PALAD; AT PANG-APAT, ITAAS ANG ANTAS NG MORALIDAD SA GOBYERNO AT LIPUNAN.

SA NASABING SONA, NILAHAD DIN NATIN ANG MGA TARGETS BILANG COMMITMENT SA LABAN SA KAHIRAPAN. KASAMA RITO ANG ISANG MILYONG TRABAHO MULA SA AGRIKULTURA AT PANGINGISDA SA LOOB NG TATLONG TAON, PAGPAPALAKAS NG AGRIKULTURA UPANG MALIGTAS ANG PILIPINO SA GUTOM, PAGPAPATAYO NG PAARALAN SA 1,600 NA BARANGAY DAHIL DITO MGA BARANGAY NA ITO AY WALA PANG ESKWELAHAN, PAGBABA SA KALAHATI NG PRESYO NG MGA GAMOT NA KARANIWANG BINIBILI NG MAHIHIRAP, AT PAGBIGAY SA DUKHA NG KAPANGYARIHANG MAGKAROON NG SARILING LUPA O TAHANAN.

NGAYON, TAPOS NA ANG ISANG TAON, MULA NG AKO'Y NAGING PANGULO. GAYA NGA NANG SABI NI JOSIE, INIMBITA NINYO AKO DITO NUNG DISYEMBRE, 'YON PALA SA LOOB NG ISANG BUWAN MAGIGING PANGULO AKO. NGAYON, ISANG TAON NA ANG NAKARAAN AT MASASABI NG ATING ADMINISTRASYON NA MARAMI SA ATING MGA TARGET AY HINDI LANG NATUPAD KUNDI NALAMPASAN NA.

NANG AKO AY MAUPO BILANG PANGULO, ANG UNEMPLOYMENT RATE AY 11.3 PERCENT. ITO AY BUMABA NGAYON SA 10.3 PERCENT DAHIL ONE- MILLION-AND-A-HALF NA PILIPINO AY NAGKAROON NG TRABAHO NOONG NAKARAANG TAON. PERO DISMAYADO PA RIN AKO SA BILANG NA ITO. KAYA NAIS KONG HANAPAN NG TRABAHAO ANG APAT NA MILYONG PILIPINO BAGO MATAPOS ANG ATING PANUNGKULAN SA 2004.

SA MARAMI SA WALANG TRABAHO, KALAHATING MILYON AY MGA OUT-OF-SCHOOL YOUTH NG CENTRAL LUZON. GANUN KAYO KARAMI, HALF-A- MILLION. KAYA NGA AKO AY NATUTUWA SA PAGLUNSAD SA BULACAN NG OUT-OF-SCHOOL YOUTH SERVING TOWARDS ECONOMIC RECOVERY O OYSTER PROJECT PARA TULUNGAN ANG MGA KABATAAN NA MAKAPAGTRABAHO. MULA NANG INILUNSAD NATIN ANG PROGRAMANG ITO NOONG ISANG TAON, MARAMI NG OUT-OF-SCHOOL YOUTH AY NAGKAROON NG TRABAHO. AT NALAMAN KO NA ANG OYSTER DITO AY HANDANG MAKATULONG, TOTOO BA 'YON JOSIE? 170,000 OUT-OF- SCHOOL YOUTH ANG TARGET MONG TULUNGAN DITO SA BULACAN NA EDAD 15 HANGGANG 24 SA BUONG LALAWIGAN NG BULACAN. KUNG MATUTUPAD NATIN 'YUNG 170,000 NA OUT-OF SCHOOL YOUTH NG BULAKAN AY MABIBIGYAN NG TRABAHO,' YAN NA ANG PINAKAMABISANG OUT-OF-SCHOOL YOUTH PROGRAM SA BUONG PILIPINAS. ILAN BA 'YUNG MGA OUT-OF-SCHOOL YOUTH NATIN DITO SA ATING BULWAGANG ITO? GENERAL BERROYA -- SIYA ANG PINA-IN-CHARGE KO. ILAN SILA DITO NGAYON? FIVE HUNDRED ANG NANDITO? FIVE HUNDRED, NANDITO. 'DI ANO 'YON? TWO-AND-A-HALF MILLION, 'DI BA? KASI ONE-HUNDRED, HALF-A-MILLION, 'DI BA TWO-AND-A-HALF MILLION? AT FIVE-THOUSAND EACH, TWO-AND-A-HALF MILLION. OKEY, KAYA MAGKO-CONTRIBUTE AKO SA LALAWIGAN NG LAGU -- AY, NAKITA KO LANG SI JOEY LAGUNA NA ANG SINABI KO -- SA LALAWIGAN NG BULAKAN NG TWO-AND-A-HALF MILLION PARA TUMULONG SA INYONG OUT-OF SCHOOL YOUTH PROGRAM, PARA GANUN, AGAD-AGAD MAY MAGBIBIGAY SA INYO NG ALLOWANCE NINYO HABANG KAYO AY NAGTA-TRABAHO. OY, PERO HINDI FIVE-THOUSAND SA ISANG BIGAYAN HA? UNTI-UNTI, BAKA ONE HUNDRED PER DAY O ONE HUNDRED PER WEEK, DEPENDE KUNG GAANO KAYO KADALAS MAGTA-TRABAHO. OKEY?

AT SA ARAW NA ITO, MAMIMIGAY RIN TAYO NG BISILETA -- SAAN 'YUNG BISIKLETA? AYUN -- NA MAARING GAMITIN PARA SA PAGHANAPBUHAY AY ANG MGA BISIKLETA. BIBIGYAN DIN NATIN ANG MGA KABATAAN AT MGA ILANG MIYEMBRO NG KOOPERATIBA SA ILALIM NG "BILIS-KITA PROJECT" NG BULAKAN. KAYA CONGRATULATIONS JOSIE SA BISIKLETANG PROJECT MO. MAGKANO ANG GASTOS SA ISANG BISIKLETA? SEVEN THOUSAND BAWA'T ISA? WOW! GALING. SEVEN THOUSAND. KASAMA 'YUNG BICYCLE SA SEVEN THOUSAND? GALING!

BINABATI KO RIN ANG MGA NASA LIKOD NG JOINT ORGANIZATION AND SYSTEM TO IMPROVE THE ECONOMY IN BARANGAYS O "JOSIE BARANGAY," NA NAGLALAYONG MAG-ANGAT ANG ANTAS NG PAMUMUHAY NG BAWA'T PAMILYA SA ANIM NA PANIMULANG BARANGAY SA BULACAN. NAGKAKALOOB ITO NG MGA SERBISYONG PANGKALUSUGAN, PANGKABUHAYAN, EDUKASYON, IMPRASTRUKTURA, PAMAMAHALA AT KAPALIGIRAN. GINAGAWA ITO NG "JOSIE BARANGAY" SA PAKIKIPAGTULUNGAN NG IBA'T-IBANG SAMAHAN AT TANGGAPANG LOKAL AT NASYONAL NG MGA RESIDENTE NG MGA NAPILING BARANGAY.

SA ATING GINAGAWA NAMANG AGRICULTURAL MODERNIZATION, MAY 800,000 NA TRABAHO NA NALIKHA SA AGRIKULTURA. MAYROONG BABALA TUNGKOL SA EL NI"O, KAYA LALONG BINIBIGYAN NATIN NG MATAAS NA PRAYORIDAD ANG PROGRAMA NG AGRIKULTURA NA HINDI MAAPEKTUHAN ANG ATING ANI. PARA TUMAAS PA ANG ANI NG ATING MGA BUKIRAN, NAG-UMPISA TAYONG MAGTANIM NG HYBRID RICE MULA SA CHINA NA NAGBIBIGAY SA ATING MGA MAGSASAKA NG 35,000 PESOS INCOME PER HECTARE. ANG TARGET NATIN AY 50,000 HECTARES NGAYONG ABRIL AT 80,000 HECTARES NAMAN SA DARATING NA OKTUBRE. KAILANGAN DITO AY MAY IRIGASYON SA MGA LUPANG ISASAMA SA PROGRAMA.

AT BAHAGI NG ATING PROGRAMA SA AGRIKULTURA AY MAGMUDMOD NG FARM EQUIPMENT PARA MAGING MAS MABISA ANG PAG-AARARO, PAGTATANIM AT PAG-ANI. KAUGNAY RIN NITO, NAMAHAGI TAYO SA ARAW NA ITO NG FARM EQUIPMENT PARA SA ILANG BARANGAY DITO SA BULAKAN. AYAN, MERONG LIMA DYAN. LIMA BA ANG IBIBIGAY NATIN NGAYON, LEONY? LIMANG FARM EQUIPMENT SA IBA'T-IBANG MGA BARANGAY. SO, 'YAN AY -- SAAN 'YUNG MGA MAGSASAKANG TATANGGAP NIYAN? NANDYAN BA?

MAS MASUGID DIN NATING IPINAPATUPAD ANG AGRARIAN REFORM PROGRAM NA NAGHAHANGAD MABIGYAN NG SARILING LUPAIN ANG ATING MGA KABABAYANG NAGBUBUKID. MAALAALA KO PA SA PLARIDEL, BULACAN -- SINO ANG TIGA-PLARIDEL DITO? O, KAYO -- SA PLARIDEL, BULACAN NOONG 1963 -- HINDI PA KAYO PINANGANAK -- UNANG IPINATUPAD SA ILALIM NG ADMINISTRASYON NG AKING AMA, SI DATING PANGULONG DIOSDADO MACAPAGAL ANG LAND REFORM SA ATING BANSA. UNANG LAND REFORM AY GINANAP SA PLARIDEL, BULACAN.

KAYA, IPAGPAPATULOY KO ANG SINIMULAN NG AKING AMA. NOONG NAKARAANG TAON, HALIMBAWA, SI NANI BRAGANZA SA KANYANG KASIPAGAN, UMABOT SA 101,615 HECTARES ANG PRIVATE LAND NA NA-DISTRIBUTE, LAMPAS SA TARGET NA NAIPAMAHAGI NG PRIBADONG LUPANG SAKAHAN SA ATING KABABAYAN.

AT PAGPAPATULOY SA ADHIKAING ITO, ITONG ARAW MAMAMAHAGI TAYO MULI NG EMANCIPATION PATENTS AT CERTIFICATE OF LAND OWNERSHIP AWARDS SA ILALIM NG REPORMA SA LUPA DITO SA BULAKAN. SINU-SINO DOON ANG MAGTATANGGAP NG ANO? SAAN DITO? AYUN, AT OKEY. CONGRATULATIONS SA INYO.

MALAKI ANG KAUGNAY NG PROGRAMA SA LUPA SA PAGPAPAUNLAD NG KANAYUNAN. AT GABAY NITO, KAILANGAN DIN NATING TUGUNAN ANG IBA PANG MGA PANGUNAHING PANGANGAILANGAN NG MAHIHIRAP KAGAYA NG EDUKASYON, GAMOT, TIRAHAN.

SA COMMITMENT NATING PAARALAN BAWA'T BARANGAY NA WALA DITO, NAKAPAGTAYO NA TAYO NG MAHIGIT NA 120 NA PAARALAN SA TULONG NG ARMY ENGINEERING BRIGADE, AT NAGPAPAGAWA NAMAN ANG DEPARTMENT OF EDUCATION NG 350 PA NA MATAPOS NGAYONG OKTUBRE.

'YUNG GAMOT NAMAN. HINAHATI NATIN ANG PRESYO NG GAMOT. NAGAWA NA NATIN ITO SA DALAWAMPU'T-LIMANG URI NG GAMOT AT MABIBILI ITONG MGA GAMOT NA ITO NG MGA MAHIHIRAP SA PITUMPU'T LIMANG GOVERNMENT HOSPITALS SA BUONG KAPULUAN. 'DI BA, JOSIE DITO MERON NA? 'YUNG HALF-PRICE MEDICINE SA PROVINCIAL HOSPITAL? OKEY. NALAMPASAN NA RIN NATIN ANG TARGET NG KALAHATING MILYONG MAHIHIRAP NA MASALI SA NATIONAL HEALTH INSURANCE PROGRAM. NGAYON NGA AY MAGBIBIGAY TAYO NG ILANG DAANG HEALTH CARDS DITO SA BULAKAN. KUNG KAYO AY MAY HEALTH CARD, SASAGUTIN NG PAMAHALAAN ANG MALAKING BAHAGI NG GASTOS NINYO PAG KAYO AY NAGKAKASAKIT. SO, SINO ANG TATANGGAP NG HEALTH CARD ITONG ARAW NA ITO? HEALTH INSURANCE? AYUN. CONGRATULATIONS DIN SA INYO.

SA TAHANAN NAMAN, UMAABOT NA SA 165,000 ANG PAMILYANG MAHIHIRAP NA NAGKAKAROON NG KARAPATANG BILHIN ANG LUPANG TINITIRIKAN NILA. MAY TARGET TAYO NA TAUN-TAON MAGKAKAROON NG BAHAY ANG SANDAANG LIBONG MANGGAGAWA SA ILALIM NG SOCIALIZED HOUSING AT 50,000 NAMAN PARA SA MGA DUKHA.

AT GUSTO KONG IPAGMALAKI ANG BULAKAN, KASI KUNG GUSTO NATING UMABOT PA ANG MAS MALAWAK NA KAUNLARAN, KAILANGAN ANG BULAKAN AT METRO MANILA AY ISANG EKONOMIYA LAMANG. AT ANG PARAAN KUNG PAPANO IKO-CONNECT NATIN 'YON, AY 'YUNG TREN MULA SA METRO MANILA HANGGANG SA SUBIC-CLARK, DADAAN SA BULACAN. NGUNIT 'YUNG TREN NA 'YON MARAMING MADADAANAN NA NGAYON AY TINATAWAG NA SQUATTER AREA. PERO NAGPAPASALAMAT AKO SA LALAWIGAN NG BULAKAN DAHIL SI JOSIE AT 'YUNG MGA NAKATIRA SA DADAANAN NG TREN SA BULAKAN -- ILANG PAMILYA 'YON, JOSIE ? 10,500 FAMILIES, NAGKASUNDUAN NA. NA ITONG 10,500 FAMILIES AY MAGKAKAROON NG BAGONG COMMUNITY -- KUMPLETO ANG MGA GINHAWA MERON PANG HANAP-BUHAY DAHIL MAGKAKAROON NG ANO? INDUSTRIAL TREE PLANTATION. SAAN 'YON? SA NORZAGARAY BA O SA DO"A REMEDIOS TRINIDAD? KAYA CONGRATULATIONS ANG BULAKAN DAHIL SAMPUNG LIBONG PAMILYA AY MAGKAKAROON NG SARILING TAHANAN NA MERON PANG HANAP-BUHAY, 'DI BA? MODEL HUWARAN SA MGA IBANG RELOCATION PROJECTS.

KAILANGAN NATING WAKASAN ANG KAHIRAPAN SA LALONG MADALING PANAHON DAHIL KARAPATAN NG BAWA'T TAO ANG MAGKAROON NG DISENTENG BUHAY, AT DAHIL KAHIRAPAN ANG SANHI NG MARAMING SULIRANIN SA ATING BANSA. HALIMBAWA, KAHIRAPAN ANG NAG-BIBIGAY-SIGLA SA TERORISMO AT SA MARAMING KRIMEN. AT KUNG MAWAWAKASAN NATIN ANG KAHIRAPAN AY MALAKING HAKBANG PARA MAWAKASAN DIN NATIN ANG KARAHASANG NANGYAYARI SA ATING PALIGID.

KAILANGAN NATING MAGTULUNGAN, AT INAASAHAN KONG KAYO RIN AY MAGTUTULUNGAN SA ATING PAMAHALAAN UPANG MAPANATILI ANG KAPAYAPAAN AT SEGURIDAD NG ATING BANSA. ANG BAWA'T ISA SA ATIN AY MAY KANYA-KANYANG RESPONSIBILIDAD UPANG MAPANATILI ANG KATAHIMIKAN.

KUNG MAY KAPAYAPAAN AT SEGURIDAD AY MAARI NATING MAHIKAYAT ANG MGA MANGANGALAKAL UPANG MAGLAGAY NG MALALAKING PUHUNAN SA ATING BANSA. KUNG DADAMI ANG NEGOSYO SA ATING BANSA, MAGKAKAROON NG MAS MARAMING TRABAHO ANG ATING MAMAMAYAN. KUNG DADAMI ANG TRABAHO AY DADAMI ANG KITA AT HIGIT NA LALAKAS ANG KALAKALAN NA MAG-AANGAT SA ATING PAMBANSANG EKONOMIYA.

MARAMI AKONG KILALANG MAGIGITING AT MAGAGALING NA BULAKE"O. AT INAASAHAN KONG GAGAMITIN DIN NINYO ANG INYONG MGA LAKAS AT TALINO UPANG TULUNGAN ANG ATING PAMAHALAAN MAGPAUNLAD SA ATING BANSA. KAYA SA LAHAT NG BULAKE"O -- NAALAALA KO PA NUNG PANAHON NI OBET -- BULACAN IS NUMBER ONE. KAYA KUNG MINSAN PAG PINAG-UUSAPAN ANG KAHIRAPAN BAKA HINDI N'YO ALAM KUNG ANO ANG PINAG-UUSAPAN KO, DAHIL DITO SA BULAKAN AY NAPAKAYAMAN.

KAYA BULAKE"O, MABUHAY KAYO! AT KAILANGAN KO KAYO PARA MAANGAT ANG BUONG PILIPINAS.

MARAMING SALAMAT PO SA INYONG LAHAT.

[HOME]