PGMA's Speech during the 36th Biennial Convention of the National Federation of Women's Clubs of the Philippines

PGMA's Speech during the 36th Biennial Convention of the National Federation of Women's Clubs of the Philippines

Heroes' Hall, Malacanang (26 April 2002)

MARAMING SALAMAT PO.

MARAMING SALAMAT DRA. PANGULO PASCUAL SA INYONG PAGPAKILALA SA AKIN.

BINABATI KO RIN LAHAT NG MGA OPISYAL AT KASAPI NG BOARD NG NFWC; AT SI MRS. CAMACHO ANG ATING EMCEE; 'YUNG ATING MGA OFFICERS AND MEMBERS -- SILA FIRST VICE PRESIDENT STA. ANA; SECOND VICE PRESIDENT SI MOLENG QUINTO; SI THIRD VICE PRESIDENT; SI OLIVE TIU; SI MS. RUIZ; SI MS. BORJA AT SI MS. REMULLA; 'YUNG MGA NARITO AT DUMALO SA 36th BIENNIAL CONVENTION NG NATIONAL FEDERATION OF WOMEN'S CLUBS; SI LULU. CONGRATULATIONS TO YOU, AT SA KANYANG PAMILYA, CONGRATULATIONS DIN; MGA MINAMAHAL KONG KABABAIHAN; MINAMAHAL KONG KABABAYAN:

NATUTUWA AKONG MAKASAMA KAYO MGA KASAPI NG NATIONAL FEDERATION OF WOMEN'S CLUBS, ANG PINAKA-UNANG ASOSASYON NG KABABAIHANG PILIPINO.

NATATANDAAN KO NA GINAWA N'YONG HONORARY PRESIDENT'YUNG AKING YUMAONG INA NA SI DRA. EVANGELINA MACARAEG-MACAPAGAL NANG SIYA AY FIRST LADY. AT DUMALAW SIYA SA INYONG GUSALI SA SAN MARCELINO, AT KINUMBIDA RIN NIYA KAYO DITO SA MALACA"ANG, NOONG ANG PRESIDENTE NOON AY SI GINANG ENRIQUETA BENAVIDEZ. KAYA NAMAN GAYA NG NANAY KO, NGAYON AKO NAMAN ANG NAGKUMBIDA SA INYO DITO SA MALACA"AN PALACE.

KASI MARAMING ASAL NG MGA MAGULANG KO ANG TINUTULOY KO. ANG PAGSISILBING GINAWA NG AKING MGA MAGULANG AY IPINAGPAPATULOY KO. ITO AY ISANG MAKIKITA NATING KUNG ANO 'YUNG MAGULANG GANOON DIN 'YUNG MGA ANAK. TIGNAN N'YO SI GINANG NARDA CAMACHO, ANG ATING EMCEE, NAPAKARAMI NANG NATULUNGANG KABABAIHAN SA PAMAMAGITAN NG NFWC, HINDI PA MAN SIYA NAGRE-RETIRE SA SERBISYO AY NALAMPASAN NA SIYA NG KANYANG ANAK NA SI LITO CAMACHO, ANG AKING SECRETARY OF FINANCE. AHAY, BA'T ANG DAMING HINDI ALAM. ACTUALLY, PATI AKO HINDI KO ALAM EH. NAGULAT NA LANG AKO NUNG NAG-OATHTAKING SI LITO SI NARDA ANG DUMATING. DAHIL HINDI KO ALAM, HINDI KO MA-IMAGINE NA SI NARDA AY MERON NA PALANG ANAK NA GANOON KA-EDAD AT KA-ACCOMPLISHED NA SI LITO. SI GINOONG LITO CAMACHO AY AKING KASALUKUYANG FINANCE SECRETARY, GAYA NG ALAM NINYONG LAHAT. AT SIYA ANG NAMUMUNO NG AKING ECONOMIC TEAM. AT SI LITO AY ISA SA MGA PINAKADAHILAN PALAGAY KO KUNG BAKIT ANG MGA INTERNATIONAL CREDIT AGENCIES AY NAGPROMOTE NA NANG MAAGA SA ATING BANSA MULA SA NEGATIVE AT SABI NGAYON AY STABLE. KAYA SALAMAT NARDA SA MAGANDANG PAGPALAKI MO KAY LITO.

DAPAT TALAGANG KILALANIN NATIN ANG MAHALAGANG GINAGAWA NG ATING MGA MAGULANG. EH SI LULU CASAS-QUEZON, 'YUNG KANYANG PAGPALAKI KAY MANOLO QUEZON III. AH, SIYA ANG BINABASA KO PARATI ANG MGA COLUMNS NI GINOONG QUEZON III, AT BIHIRA 'YUNG MERON TALAGANG STRATEGIC OUTLOOK SA ATING BANSA. AND AT A VERY YOUNG AGE, HE IS ONE OF THEM. KAYA CONGRATULATIONS DIN LULU HINDI LAMANG SA GINAWA MO PARA SA KABABAIHAN, 'YON DING MAGANDANG PAG-ALAGA SA IYONG ANAK. KAYA ITONG DALAWANG HALIMBAWA PINAPATUNAYAN NA HINDI KAILANGAN MAGKAROON NG CONFLICT 'YUNG KABUTIHAN NG PAG-IINA AT KABUTIHAN NG PAGLILINGKOD SA ATING LIPUNAN. DAHIL SI LULU NGAYON HINDI SIYA KUMUHA NG AWARD BILANG OUTSTANDING MOTHER, OUTSTANDING CIVIC LEADER -- 'YUNG GINAWA NIYA SA ATING LIPUNAN. AT SI NARDA TIGNAN N'YO, HINDI N'YO ALAM NA KILALANG-KILALA ANG ANAK NIYA. KILALA N'YO SIYA SA SARILI NIYA, SA GINAWA NIYA PARA SA KABABAIHAN AT SA KAPALIGIRAN. KAYA TALAGANG IMPORTANTE ANG PAPEL NG KABABAIHAN PARA SA ATING BANSA -- MAGING SA LOOB NG TAHANAN AT SA LABAS -- DOON SA LIPUNAN, AT 'YAN ANG MAGANDANG PAPEL NG NFWC.

MARAMI TALAGANG GINAWA ANG NFWC UPANG ISULONG ANG KARAPATAN AT KAPAKANAN NG KABABAIHANG PILIPINO. MAGMULA NANG ITINATAG ANG FEDERATION NOONG 1905 BILANG 'ASOCIACION FEMINISTA DE FILIPINAS' AT MAGPA-HANGGANG NGAYON, PATULOY NINYONG PINAGLILINGKURAN ANG KABABAIHANG PILIPINO AT ANG ATING BANSA.

WALA PANG WOMEN'S LIBERATION NOONG 1905. NI HINDI PA NGA USO ANG WOMEN'S RIGHTS. KAYA HINDI BIRONG HINARAP ANG MGA NAGTATAG NG NFWC UPANG MABUO ANG FEDERATION SA BUONG KAPULUAN. NAPAKALAKING HIRAP ANG TINIIS NG ATING MGA NINUNO SA KANILANG MGA PROYEKTO. SUBALI'T SILA'Y NAGPUNYAGI AT BUONG LOOB NA ISINULONG ANG KANILANG LAYUNIN HANGGANG SA MAKINIG SA KANILA ANG MGA PINUNO NG BANSA AT IPATUPAD ANG MGA HILING NG NFWC UPANG BUMUTI ANG KALAGAYAN NG ATING KABABAIHAN.

SA SELEBRASYON NG INYONG 36th BIENNIAL CONVENTION, PINUPUGAY KO ANG MGA LIDER NG NAUNANG NFWC, KABILANG NA SINA CONCEPCION FELIX-CALDERON, ANG ASAWA NG BAYANING SUMULAT NG MALOLOS CONSTITUTION; TRINIDAD RIZAL NA KAPATID NI DR. JOSE RIZAL; AT AGUEDA AT JACOBA PATERNO NA MGA KAPATID NI DON PEDRO PATERNO. KUNG SILA AY MAY KAPATID, ASAWA NA GANOON PINAPATUNAY LAMANG NA 'YUNG KABAYANIHAN NG BABAE NA NASA PAMILYA AY NAIBIBIGAY NIYA AT NAIPAPASA NIYA SA IBANG KASAPI NG KANYANG PAMILYA. KAYA PAMILYA-PAMILYA ANG MGA BAYANI SA ATING MGA NAKARAAN.

NAPAKARAMI NG MGA PANGALANG DAPAT NATING PARANGALAN, KAYA DAPAT LAMANG NA ANG BAWA'T KASAPI NG NFWC AY MAKAPAGBASA NG LIBRONG SINULAT NA NGA NI GINANG CAMACHO -- 'YUNG PINANGGALINGAN NG AKING MGA INFORMATION -- NA NAGING PANGULO NG NFWC NOONG 1992 HANGGANG 1994. DOON MALALAMAN ANG MGA DAKILANG PILIPINANG NANGUNGUNA SA PAGPALAYA NG ATING MGA KABABAIHAN.

ANG PAGTATAG NG NFWC AY SINUNDAN PA NG MARAMING PROYEKTONG MAITUTURING NA NAMUMUKOD SA MGA PANAHONG ITO. ANG NFWC ANG NAGPASIMULA NG MGA PUERICULTURE CENTERS. PIONEER DIN KAYO SA 'BUY FILIPINO MOVEMENT', NURSERY SCHOOLS, ADULT EDUCATION PROGRAMS, SOUP KITCHENS, PATI 'YUNG CORRECTIONAL INSTITUTE FOR WOMEN AT TIRAHAN SA MGA ULILANG BATANG BABAE -- NA NGAYON TINAWAG NA WELFAREVILLE -- AT SA PAGTULONG SA PAGTATAG NG GIRL SCOUTS OF THE PHILIPPINES. SINIMULAN ANG MGA PROYEKTONG ITO BAGO ANG PANGALAWANG DIGMAANG PANDAIGDIG, AT NAPAKA-AKTIBO NOON NG MGA LIDER NG FEDERATION TULAD NINA PILAR HIDALGO-LIM, JOSEFA LLANES-ESCODA, TRINIDAD FERNANDEZ-LEGARDA, AT SIYEMPRE, ANG MAYBAHAY NI PRESIDENTE QUEZON NA SI DO"A AURORA ARAGON-QUEZON.

KAYA AKO AY MASAYA NA ITONG ARAW NA ITO BINIBIGYAN NATIN NG PARANGAL SI LULU CASAS-QUEZON NAGPAPATUNAY NA ANG KABABAIHAN NG QUEZON FAMILY AY TULOY-TULOY PA RIN NA NAGPAPAIRAL NG KAPAKANAN NG KABABAIHAN SA ATING BANSA. CONGRATULATIONS MULI, LULU!
PERO SA LAHAT NG NAPAKAGANDANG GINAWA N'YO -- GINAGAWA PA SIGURO -- ANG PINAKAMASAYSAYANG NAGAWA N'YO, NAGAWA NG NFWC AY ANG PAGPAPASIMULA SA PILIPINAS NG WOMEN'S SUFFRAGE O KARAPATAN SA MGA BABAE UPANG BUMOTO. SA PAGPAPUNYAGI NG NFWC NOONG 1937, NAKUMBINSI NINYO ANG KONGRESO NA GUMAWA NG BATAS UPANG BIGYAN NG KARAPATAN ANG MGA BABAE NA BUMOTO. PUMAYAG ANG KONGRESO MAGSAGAWA NG BATAS PAGKATAPOS NG ISANG PLEBESITO KUNG SAAN HALOS NUBEINTA PORSYENTO NG NAKAREHISTRO AY SUMANG-AYON SA PAGBIBIGAY NG KARAPATANG BUMOTO SA MGA BABAE.

KUNG HINDI NAPASA ANG BATAS NA ITO, HINDI SANA NAGING SENADORA SI GERONIMA PECSON, 'YUNG UNANG KABABAIHANG SENADORA; HINDI MAGKAKAROON NG APAT NA SENADORA -- O TATLO BA NGAYON? -- SA SENATE, 38 NA CONGRESSWOMAN SA KONGRESO NGAYON; HINDI NAGING PANGULO SI CORY AQUINO; AT WALA RIN AKO SIGURO SA HARAP NINYO NGAYON BILANG PANGULO. KUNG HINDI NAIBIGAY SA ATING KABABAIHAN ANG KARAPATANG BUMOTO, HINDI SANA TAYO NAGKAROON NG TINIG SA PAMAHALAAN, HINDI NATIN MAPAPAGTATANGGOL ANG ATING MGA KARAPATAN, AT HINDI MAKATUTULONG NANG HUSTO ANG MGA KABABAIHAN SA MGA GAWAING PANG-KAUNLARAN NG BANSA.

ITO ANG DAPAT NATING ISIPIN -- LAHAT NG PILIPINO, BABAE MAN O LALAKI, AY NAKAKATULONG SA PAG-UNLAD NG BANSA. KAYA, DAPAT NA MATAMASA NG KABABAIHAN ANG LAHAT NG MGA KARAPATAN UPANG LUBUSANG MAKATULONG SA ATING PAG-UNLAD.

MAGPASALAMAT TAYO AT NAPAKAGALING NG MGA LIDER NG NFWC. NAHIMOK NILA ANG KONGRESO SA PAGBIBIGAY NG POLITICAL RIGHTS SA ATING MGA BABAE NOONG 1937 KUNG KAILAN ANG IBANG MGA BANSA NG ASYA AY HINDI PA HANDA SA PAGBIGAY NG GANITONG KARAPATAN SA KANILANG KABABAIHAN. DAHIL SA NFWC, MAAGANG NAMULAT ANG KABABAIHANG PILIPINO. AT DAHIL SA KAMULATANG ITO TAYO'Y TUMUTULONG SA ATING KALALAKIHAN, TAYO'Y KAAKBAY, KAAKIBAT, MAGKA-EQUAL UPANG MAPABUTI ANG KALAGAYAN NG ATING BANSA.

SA NGAYON, IBA NA ANG MGA PROBLEMA NG KABABAIHAN NA ATING TINUTUGON. ITO AY PROBLEMA RIN NG MGA KALALAKIHAN AT PANGUNAHING PROBLEMA NG BUONG BANSA -- KUNG PAPANO TAYO MAKA-AHON SA KAHIRAPAN. ANG KAHIRAPAN ANG PANGUNAHING SULIRANING DAPAT NATING HARAPIN SAPAGKA'T ITO ANG PINAKA-PUNO NG LAHAT NG PROBLEMA NATIN, PATI NA RIN ANG PROBLEMA NG TERORISTA.

PINAGTUTUUNAN NATIN ITO NG PANSIN, LALO NA PARA SA MGA KABABAIHAN, SAPAGKA'T ANG KABABAIHAN ANG HIGIT NA DUMARANAS NG KAHIRAPAN. ANG SABI NGA, "POVERTY HAS A WOMAN'S FACE." SA ADMINISTRASYONG ITO, TATLONG KARAPATAN NG KABABAIHAN ANG MAY PRAYORIDAD -- ANG MGA ITO AY ANG PAGBIBIGAY KARAPATAN TUNGO SA ECONOMIC EMPOWERMENT; PANGALAWA, PAGPAPAIRAL NG KARAPATANG PANTAO; AT PANGATLO, PAGBIBIGAY KARAPATAN UPANG MAKALAHOK NG LUBUSAN ANG MGA BABAE SA PAGKAMIT NATIN NG MAHUSAY AT MATAPAT NA PAMAMAHALA. ECONOMIC EMPOWERMENT, PROTECTION OF WOMEN'S HUMAN RIGHTS AND PARTICIPATION.

DAHIL SA KASABIHANG "POVERTY HAS A WOMAN'S FACE," IBIG KONG ULITIN NGAYON ANG PINAKALAYUNIN NG AKING PAMAHALAAN, NA ITO AY LABANAN ANG KAHIRAPAN. DAPAT AMBISYOSO TAYO TUNGKOL RITO. DAPAT MASUGPO NA NG ATING BANSA ANG KAHIRAPAN SA LOOB NG ISANG DEKADA.

UPANG MAGAWA ITO, ANG ATING MEDIUM-TERM PHILIPPINE DEVELOPMENT PLAN AY MAY APAT NA BAHAGI: UNA, IPA-IRAL ANG FREE ENTERPRISE NA BAGAY SA SIGLO BEINTE-UNO; IKALAWA, MAGING MODERNO ANG AGRIKULTURA SANDAL SA SOCIAL EQUITY; PANGATLO, BIGYAN NG SECTORAL AT SOCIAL BIAS ANG ATING DEVELOPMENT PLAN; PANG-APAT, ITAAS ANG SUKAT NG MORALIDAD SA PAMAHALAAN AT LIPUNAN.

GUSTO KONG BIGYAN DIIN, ITONG ARAW NA ITO, 'YUNG PANGATLONG BAHAGI NITONG MEDIUM TERM PLAN -- 'YUNG PAGBIGAY NG SECTORAL AT SOCIAL BIAS SA ATING DEVELOPMENT PLAN. SA ATING ADMINISTRASYON, SAKOP NITO ANG TINATAWAG NA SOCIAL REFORM AGENDA, AT SAKOP RIN DITO ANG SAFEGUARDS FOR THE ENVIRONMENT. 'YUNG SOCIAL REFORM AGENDA NA GINAGAWA NG ATING ADMINISTRASYON AY MAYROON NAMANG LIMANG BAHAGI: NUMBER ONE, ASSET REFORM KAGAYA NG LAND REFORM AT 'YUNG DE SOTO STYLE NA PAGBIBIGAY NG KARAPATAN SA MGA MARALITA NA BILHIN ANG LUPANG TINITIRIKAN NILA; NUMBER TWO, PALAWAKIN ANG MGA BATAYANG SERBISYO NA MAKAKA-ABOT SA MAS NARARAMING MARALITA KAGAYA NG GAMOT, PAGGAMOT, EDUKASYON, PABAHAY; NUMBER THREE, I-ANGAT ANG KAKAYAHAN NG MGA KAPUSPALAD SA PANGKABUHAYAN O ECONOMIC EMPOWERMENT. KASAMA NA RIN 'YUNG ECONOMIC EMPOWERMENT NG KABABAIHAN NA BINANGGIT KO KANINA. KASAMA RIN DITO 'YUNG EMERGENCY EMPLOYMENT PARA SA MGA OUT-OF-SCHOOL YOUTH, AT KASAMA ANG GRAMEEN FINANCING PARA SA MGA MARALITANG KABABAIHAN; NUMBER FOUR, PROTEKSYUNAN IYUNG MGA APING BATA, KABATAAN, KABABAIHAN, MAY KAPANSANAN, MATATANDA -- 'YUNG MGA HUMAN RIGHTS; NUMBER FIVE, TULUNGAN SA PAG-KAMIT NG EMPOWERMENT ANG MGA MAHIHIRAP SA PAMAMAGITAN NG PAGKILALA AT PAGSUPORTA NG KANILANG MGA PEOPLE'S ORGANIZATIONS , O 'YUNG PARTICIPATION NA NGA.

ANG PAGBIBIGAY NG ECONOMIC EMPOWERMENT LALO SA MGA BABAENG MARALITA AY TINUTUGON NATIN SA PAMAMAGITAN NG SINABI KO KANINANG KONSEPTO NG GRAMEEN BANKING. LAYUNIN NATING IPA-IRAL IYUNG SISTEMANG MAKAPAGPAUTANG SA MALILIIT O MICRO-FINANCE NA MGA NEGOSYO NA HALAGANG MAGAGAMIT NA PUHUNAN SA MALILIIT NA NEGOSYO O MICRO-ENTERPRISE NG MGA MARALITANG KABABAIHAN. DAHIL 'YUNG CLASSICAL GRAMEEN BANK NA NAGSIMULA SA BANGLADESH AT GINAGAMIT SA BUONG MUNDO NGAYON KABABAIHAN TALAGA ANG KANILANG BENEFICIARIES. IYUNG 'BANG MGA UNANG PUHUNAN, KUNG ANO BA ITONG MICRO-FINANCE. IBIG SABIHIN NOON 'YUNG MGA UNANG PUHUNAN AY HINDI LUMALAMPAS SA LIMANG LIBONG PISO. MERON PA NGA DIYAN 1,000 PESOS, 2,000, 5,000 -- MALAKI NA 'YUNG 10,000 -- PERO ANG LAYO NG NAPAPA-ABOT. AT ITO AY NAGBIBIGAY NG TRABAHO SA SARILI OR SELF-EMPLOYMENT. SA IBANG TAWAG DOON SA DSWD AY SELF-EMPLOYMENT ASSISTANCE 'YANG MICRO-FINANCE O MICRO-ENTERPRISE. KASI KUNG ANG IYUNG LAYUNIN AY MAGBIGAY NG TRABAHO SA IBA KUNG MALIIT ANG INYONG PUHUNAN, HINDI NA MATATAWAG MICRO-ENTERPRISE, ANG TAWAG NA DIYAN AY SMALL ENTERPRISE. KAYA 'YAN ANG KAIBAHAN NG MICRO-ENTERPRISE AT SMALL ENTERPRISE.

AT PARA SA SMALL ENTERPRISE NAMAN MERON NA TAYONG SISTEMA PARA DOON -- 'YUNG MGA THRIFT BANKS. KAGAYA NUNG MGA BANGKO NILA BERNIE ESTRELLA NA NAANDITO -- KAKLASE KO NA VERY ACTIVE DITO. 'YON ANG LAYUNIN NG THRIFT BANKS, MAGPAUTANG SA SMALL ENTERPRISE. AYUN SI BERNIE. PERO 'YUNG MICRO-ENTERPRISE, 'YON ANG MAGPAPAHIRAM NG 1,000, 2,000, 5,000, 10,000 WALA 'YON KAHIT SA MGA THRIFT BANKS. 'YON ANG ISANG BAGONG INNOVATION NA GINAGAWA NATIN SA 21st CENTURY. ITO ANG KULANG NA KULANG SA ATING LABAN SA KAHIRAPAN, ITONG MICRO-FINANCE. AT ITO AY NAGTAGUMPAY NA SA IBANG BANSA. SABI RIN NG IBA AY NAGTATAGUMPAY SA ATING BANSA. ISA TAYO NGAYON SA PINAKAMABISANG GUMAGAMIT NG MICRO-FINANCE SA BUONG ASYA. ANG TARGET NATIN AY MAKA-ABOT ANG MICRO-FINANCE SA 300,000 NA BABAE BAWA'T TAON. AT SA LOOB NG AKING ADMINISTRASYON, THREE- AND-A-HALF YEARS, IBIG SABIHIN NOON SANA ISANG MILYONG KABABAIHAN ANG MAKINABANG SA MICRO-FINANCE.

KAUGNAY SA ATING SOCIAL REFORM AGENDA AY KUNG PAPANO IPAPA-IRAL ANG KAPAKANAN NG KABABAIHAN. NABANGGIT KO NA SA INYO 'YUNG MICRO-FINANCE BILANG MALAKING HALIMBAWA NG PAG-KAIRAL NG ECONOMIC RIGHTS NG KABABAIHAN. BINANGGIT KO NA RIN ANG PROTEKSYON NG MGA APING KABABAIHAN, NA ITO AY PAG-SULONG SA KANILANG KARAPATANG PANGTAO. AT BAHAGI SA PAG-TAAS NG SUKAT NG MORALIDAD SA LIPUNAN AY WASTONG ASAL AT KAUGALIAN NG MGA KABABAIHAN NA RIN. NA ITO AY MAPAPAIRAL KAPAG ANG KABABAIHAN AY MAY PARTICIPATION OR POLITICAL EMPOWERMENT. AT ITONG TATLONG ITO -- ECONOMIC EMPOWERMENT, WOMEN'S HUMAN RIGHTS, WOMEN'S PARTICIPATION -- ITO ANG LAMAN NG MEDIUM-TERM GENDER AND DEVELOPMENT PLAN NG ATING ADMINISTRASYON.

SAKOP RIN NG SOCIAL AND SECTORAL BIAS NG ATING DEVELOPMENT PLAN NA AALAGAAN ANG ATING KAPALIGIRAN -- SAFEGUARDS FOR THE ENVIRONMENT. AT DITO LIDER DIN SI NARDA CAMACHO. NABASA N'YO SIGURONG HINDI KO PINIPIRMAHAN ANG JANCOM CONTRACT, DAHIL MARAMING SABIT ITO AT DAHIL TOTAL PANG LONG-TERM NAMAN ITO. EH KUNG LONG-TERM DIN LANG, IMBES NA GUMASTOS TAYO SA KONTRATANG MAY SABIT, GASTUSIN NA LANG NATIN SA MASSIVE INFORMATION CAMPAIGN PARA SA SEGREGATION. DAHIL ANG SEGREGATION AY LONG-TERM.

PARA DITO KAILANGAN KO KAYONG MGA KABABAIHAN. SUMAMA SANA ANG FEDERATION SA ATING PROGRAMA, MAKIPAG-UNAY SANA SA MMDA, GAWA ANG MMDA IS SUPPOSED TO BE ANG PIPIRMA NG KONTRATA SA JANCOM. EH ANG MMDA NA LANG AY PUMASOK SANA SA MASSIVE INFORMATION CAMPAIGN. KASI SINASABI NILA NUNG, ANO 'YUNG INFORMATION CAMPAIGN PANG MATAGALAN 'YAN EH. WE NEED IMMEDIATE SOLUTIONS COMBINED WITH LONG-TERM SOLUTIONS. 'YUNG MGA IMMEDIATE SOLUTIONS NA 'YAN MERON NA, 'YUNG RECYCLING SA SMOKEY MOUNTAIN. RECYCLING PLANT 'YON FOR 1,000 TONS WHICH IS THE GARBAGE OF MANILA. TAPOS NOON 'YUNG SA MONTALBAN, SA RIZAL NA PWEDE PAG-GAMITAN NG BASURA NG QUEZON CITY PARA MASARADO 'YUNG PAYATAS. SO MERON NANG MGA SHORT-TERM SOLUTIONS. ALL WE'RE WAITING ARE FOR THE LONG-TERM SOLUTION NA SUPPOSE TO BE JANCOM ANG SASAGOT. EH, PERO LONG-TERM ANG JANCOM, LONG-TERM DIN ANG SEGREGATION, PUNTA NA TAYO SA SEGREGATION, KASI MERON NAMAN TAYO NA MGA INTERIM SOLUTIONS. AT PARA DITO SANA ANG FEDERATION NINYO AY MAKIPAG-UGNAY SA MMDA. KASI 'YUNG MMDA, SABI NG KORTE, KUNG HINDI RAW SIYA PAPASOK SA KONTRATA SA -- AH, NO. SABI NG LOWER COURT ITO, NA HINDI NAMAN NI-REVERSE NG SUPREME COURT -- KUNG HINDI RAW SIYA MAKAKAPASOK SA KONTRATA SA JANCOM HINDI NA SIYA PWEDE PUMASOK NG KONTRATA KAHIT KANINO. KAYA ANG GINAGAWA NA LAMANG NATIN CITY BY CITY, TOWN BY TOWN, MANILA WITH SOMEBODY ELSE, QUEZON CITY WITH SOMEBODY ELSE, PERO THAT IS FOR THE GARBAGE SYSTEM. PERO HINDI NAMAN KONTRATA ANG IPAPASOK SA FEDERATION O MAGKAKAROON NG AGREEMENT NA KAYO AT MMDA AY GAGAWA NG MASSIVE INFORMATION CAMPAIGN FOR SEGREGATION, KAYA DOON TAYO PUMUNTA.

AT PARA DITO, AT PARA SA BUONG LABAN KONTRA SA KAHIRAPAN, KAILANGAN KO KAYO. KAILANGAN NATIN ANG PAGKAKAISA NG BAWA'T PILIPINO -- BABAE MAN O LALAKE -- UPANG MAIPANALO NG ATING LIPUNAN SA LOOB NG ISANG DEKADA ANG ATING LABAN SA KAHIRAPAN. MADALAS KONG HILINGIN SA ATING MGA KABABAYAN ANG INYONG TULONG PARA MAIPATUPAD ANG MAAYOS NA GAWAIN NATIN.

UPANG TAYO'Y MAGTAGUMPAY, HINILING KONG IWASAN NA MUNA NATIN ANG PAMUMULITIKA. TIGILAN MUNA ANG PAG-AAWAY-AWAY AT PANGUNGUTYA. PARA SA ORDINARYONG MAMAMAYAN AY HINIHINGI KO HUWAG SANANG PATULAN ANG MGA INTRIGA AT MASASAMANG KWENTO NA WALA NAMANG BASEHAN, TULAD NUNG GINAWA NILANG PANINIRA KAY LITO CAMACHO. HALOS NAWALA AKO NG LIDER NG AKING ECONOMIC TEAM. EH, BIRO... ANO KAYA ANG NANGYARI SA ATING CREDIT RATING KUNG HINDI NAGLAKAS NG SIKMURA SI LITO. KAYA NAGPAPASALAMAT DIN AKO SA WAKAS, MAGING 'YUNG MGA OPPOSITIONIST SA SENADO, SA KONGRESO, SA COMMISSION ON APPOINTMENTS, TUMINDIG SILA AT SINABI NILA ANG KANILANG PERSONAL NA DAMDAMIN DAHIIL NAKITA NILANG KAILANGANG-KAILANGAN SI LITO CAMACHO SA ATING ECONOMIC TEAM ALANG-ALANG SA ATING BANSA. WALA NG AT THE END NA NAG-OPPOSE SA CONFIRMATION NI LITO CAMACHO. MAGANDANG HALIMBAWA, NAPAKAGANDANG HALIMBAWA NA ANUMAN ANG ALITAN AY POLITICAL LEADERS CAN RISE ABOVE THEIR PERSONAL BIASES IN ORDER TO UNITE FOR WHAT IS CONSIDERED AS THE ESSENTIAL GOOD OF THE COUNTRY. KAYA SALAMAT SA KANILA AT SALAMAT DIN SA INYO.

NAGPAPASALAMAT AKO SA INYO, MGA KASAPI NG NFWC. KAYO AY KABILANG SA HANAY NG MGA DAKILANG PILIPINANG DAPAT TULARAN NG ATING MGA KABATAAN. NAWA'Y DUMAMI PA ANG KASAPI NG NFWC AT UMABOT PA SA SUSUNOD NA MGA SIGLO ANG MGA MAKABAYANG PROYEKTO NINYO.

MABUHAY ANG NATIONAL FEDERATION OF WOMEN'S CLUBS!

MABUHAY ANG KABABAIHANG PILIPINO!

[HOME]