PGMA's Remarks during the Town Fiesta in Baras, Catanduanes |
Baras, Catanduanes (09 August 2002) |
| MARAMING SALAMAT SECRETARY
VINCE PEREZ, ANG SECRETARY OF ENERGY. PWEDE NA KAYONG MAUPO. MARAMING SALAMAT VINCE SA IYONG PAGPAPAKILALA SA AKIN AT SA AKING IBABALITA MAMAYA SA MGA MAMAMAYAN NG CATANDUANES. MARAMING SALAMAT DIN MAYOR BONG TEVES SA IYONG IMBITASYON NA AKO AY MAKAABOT DITO SA BARAS. AT CONGRATULATIONS DAHIL ITO PALA ANG IYONG FIRST TERM BILANG PUNONG BAYAN. BINABATI KO SI GOVERNOR LEE VERCELES, LEE ANG TAWAG NAMIN SA KANYA PERO DITO YATA ANONG TAWAG NIYO? JUN. JUN, ANG ATING GOVERNOR FIRST TERMER BILANG GOVERNOR PERO SIYA LANG AT ANG TATAY NIYA ANG GOVERNOR NA DI PA BINABAGYO SA KANYANG FIRST TERM. SWERTE IYON. BINABATI KO RIN SI CONGRESSMAN JOSEPH SANTIAGO, MARAMING SALAMAT NA KAYO AY PUMUNTA RITO PARA LANG SA FIESTANG ITO DAHIL SI CONGRESSMAN AY NANGGALING PA SA BATASAN DAHIL MAY NAMATAY NA KASAMA, CONGRESSMAN NG CAVITE AT NANGGALING SILA DOON SA NECROLOGICAL SERVICES. BATIIN KO RIN LAHAT NG MGA OFFICIALS NG BAYAN NG BARAS SA PANGUNGUNA NI VICE MAYOR CHITO CHI AT SALAMAT FATHER FAUSTINO, ANG PARISH PRIEST SA INYONG PAGDASAL. KASAMA KO RIN DAHIL MERON TAYONG MARAMING CONSTITUENTS DITO KASAMA NI GOVERNOR VERCELES-- ANG PANGULO NG PHILIPPINE HEALTH INSURANCE, SI DR. FRANCISCO DUQUE. AT IYONG INAATASAN KONG DALHIN YONG SULAT NG MGA GURO SA DPWH PARA PAG-ARALAN KUNG ANO ANG PWEDENG GAWIN, ANG ATING PRESIDENTIAL ASSISTANT NA SI CHITO MONSON NASAAN SIYA? AYUN. IYAN ANG ASSIGNMENT MO HA. MERON KAYONG BAGONG COMMANDING OFFICER NG 22ND BRIGADE, SI COL. PEDRITO MAGSINO. SIYA AY GALING SA NAPAKAGANDANG PAG-TRABAHO DOON SA SOUTHERN MINDANAO. KAYA MAGALING SIYA DOON PINADALA KO DITO PARA MAGALING DIN ANG INYONG BRIGADE COMMANDER. BINABATI KO RIN ANG INYONG POLICE PROVINCIAL DIRECTOR, SI COL. GIL JAMILA JETOSIS LAHAT NG OFFICIALS NG BARAS, LAHAT NG OFFICIALS NG CATANDUANES, MGA KABABANWA DIGDI SA BARAS DIOS MARHAY NGA ALDAW SA INDO GABOS AT MALIGAYANG KAPISTAHAN SA INYONG LAHAT. ALAM NYO SA AKING PAGPUNTA RITO NATUTUWA AKO NA KAHIT MALIIT AT MALAYO ANG INYONG BAYAN -- KAYA ANG TATAY KO PA LANG ANG NAKAKABISITA RITO - MARAMI KAYONG MGA KUSANG GINAGAWA SA NAKITA KO PARA SA INYONG KAUNLARAN. KABILANG DITO, PINAPAANGAT NINYO ANG CROP PRODUCTION. KATUNAYAN SABI NGA NI CONGRESSMAN JOSEPH SANTIAGO, DITO PALA NANGGAGALING IYONG ABACA FIBER NA GINAGAWANG HIGH FASHION NA MGA SHIRTS. KABILANG SA MGA GINAGAWA NINYO ANG PAGPAPAUNLAD NG MGA YAMANG- DAGAT. KAYA LANG KUNG MINSAN IYONG YAMANG- DAGAT AY SOBRANG UMAAPAW AT BINABAHA KAYO. AYUN ANG TITIGNAN NI CHITO KASAMA NG DPWH. PAGPAPALAWAK NG COTTAGE INDUSTRIES, IYON NA NGA ANG INYONG SINAMAY AT PAGPAPAYABONG NG TURISMO DITO. ANG PAGLAGO NG CROP PRODUCTION, ANG PAGPAUNLAD NG YAMANG DAGAT, IYONG PAGGAWA NG TELA MULA SA INYONG ABACA, ITO AY NAAAYON SA ATING PROGRAMA NG PAMAHALAANG NATIONAL IYONG MODERNISASYON NG AGRIKULTURA AT PANGINGISDA. KAYA NAMAN ASAHAN NINYO NA ANG INYONG MGA PROYEKTONG NASA ILALIM NITO AY BIBIGYAN KO NG LUBOS NA SUPORTA. NANDITO YONG ATING OUTSTANDING AGRICULTURIST OF THE YEAR, SI REGIONAL DIRECTOR FE LAYSA, KAYA MABUTI AY NANDITO SIYA. SI FE AY TAGA PILI, CAMARINES SUR. IYAN. INAATASAN KO SI FE NA MAGLAAN NG TATLONG MILYONG PISO PARA SA FARM-TO-MARKET-ROADS PARA SA CATANDUANES. TULAD NANG SINABI KO NUNG AKING HULING STATE-OF-THE-NATION ADDRESS NANAWAGAN AKO SA MGA LOKAL NA OFFICIAL NA MANGUNA SA PAGTATAG NG REPUBLIKA NG PILIPINAS. ALAM KO NA ANG CATANDUANES, MALIIT NA PROBINSIYA, MALIIT NA IRA, 20 MILLION LAMANG ANG PUWEDENG MAGAMIT SA IMPRASTRAKTURA, KAYA ITONG 3 MILLION SA FARM-TO-MARKET-ROAD SA PALAGAY KO MALAKI ANG MAITUTULONG DITO SA LALAWIGAN NG CATANDUANES. INAASAHANG KO NA SI GOVERNOR LEE VERCELES AT LAHAT NG MGA LGE, LOCAL GOVERNMENT EXECUTIVES NG CATANDUANES AY MAKAKATULONG PARA MAGING KABALIKAT SA HAMON NG MATATAG NA REPUBLIKA NG PILIPINAS. KAILANGAN NG PANGULO ANG MGA LOCAL GOVERNMENT EXECUTIVES KASI EXECUTIVE KAMI. SI CONGRESSMAN SANTIAGO NASA LEGISLATIVE, GUMAGAWA NG BATAS. IYONG NAGPAPATUPAD NG PATAKARAN, MGA EXECUTIVES IYON ANG LOCAL GOVERNMENT EXECUTIVE EXTENSION NG NATIONAL EXECUTIVE NA AKO NA NGA. KAYA KAILANGAN KO SILA, HINDI LAMANG SA IMPRASTRAKTURA NA KAILANGAN TULUNG-TULONG TAYO DAHIL KULANG, NGUNIT PARA RING MATIYAK ANG SEGURIDAD AT KALIGTASAN NG MGA MAMAMAYAN LABAN SA KRIMINALIDAD AT TERORISMO. KANINA NGA SABI NI CONGRESSMAN SANTIAGO, BAKA GUSTO KONG DUMAAN SA BAGAMANOK KUNG SAAN NAGKAROON NG ISANG ENCOUNTER NOONG NAKARAANG HULYO. NGUNIT SABI NG AKING PSG HEAD. NA SAYANG KUNG NOON KO PA SINABI SANA NAKAPAGHANDA. PERO SA NGAYON MAHIRAP KUNG BIGLANG PUPUNTA NA LAMANG DOON ANG PANGULO NA HINDI NAKA-PRE-POSITION ANG SUNDALO DAHIL SI COLONEL MAGSINO AY NANDITO KASAMA NATIN AT HINDI NANDOON. IYON ANG NAGPAPATUNAY NA DITO SA CATANDUANES KAILANGAN PINAGHAHANDAAN. KAYA IBIG SABIHIN NOON, MAYROON TAYONG MALIIT NA PROBLEMA TUNGKOL SA KAPAYAPAAN. KAYA KINAKAILANGAN KO ANG TULONG NINYONG LAHAT AT INYONG SUPORTA SA MGA KILOS NA GAGAWIN NATIN TUNGKOL DITO. DAHIL SA PROBLEMA NG KAPAYAPAAN, TERORISMO, REBELYON, KAILANGAN ANG ISANG KAMAY NA BAKAL PARA SA KATATAGAN NG LIDERATO, PARA MAPATUPAD ANG MGA KAUKULANG BATAS AT DISIPLINA SA KAAYUSAN. IYAN ANG PANGUNAHING PINAGTUTUUNAN KO NG PANSIN NGAYON BILANG INYONG PANGULO -- ANG KAPAYAPAAN NG ATING BANSA. AT IYAN ANG INAASAHAN KONG BIGYAN NG PANSIN NYO DITO SA BARAS AT SA BUONG CATANDUANES. SABI KO NGA SA AKING RECENT STATE OF THE NATION ADDRESS, THE STRONG PHILIPPINE REPUBLIC WE WANT TO BUILD, TAKES CARE OF THE PEOPLE AND TAKES CARE OF THEIR FUTURE. DAHIL KUNG MAPAYAPA ANG CATANDUANES, MAS MAKAKAYA NATIN ASIKASUHIN ANG KINABUKASAN NG ATING NAPAKARAMING MGA BATA DITO SA BAYAN NG BARAS. PARA MAALAGAAN ANG KINABUKASAN NG CATANDUANES, ISA PANG PANGUNAHING ADHIKAIN NATIN AY ANG PAGPAPABILIS NG SERBISYO SA MAMAMAYAN. PINAPATIGNAN KO, KUNG ANO ANG IBA PA NINYONG PANGANGAILANGAN MALIBAN SA MODERNISASYON NG AGRIKULTURA. TINITIGNAN KO KUNG ANO ANG INYONG PANGANGAILANGAN LALO NA SA LARANGAN NG KALUSUGAN AT SA LARANGAN NG KURYENTE. UNA SA LAHAT, DAHIL FIESTA NGAYON, MAYROON TAYONG ... ISANDAANG GANOON, REGALO PARA SA 100 POOREST FAMILIES NG BARAS, BILANG REGALO KO SA INYONG KAPISTAHAN. PERO PANGKAPISTAHAN IYAN. IN OTHER WORDS, KAKAININ NG MGA FAMILIA NGAYON AT SA DARATING NA LINGGO, PERO SA PANGMATAGALAN, ANG DALA-DALA KO NGAYON, KASAMA NI PHILHEALTH HEAD DR. DUQUE PARA SA ATING MGA TAGA CATANDUANES ANG 1,068 PHILHEALTH CARDS PARA SA 1,068 NA MGA AWARDEES DITO NG HEALTH INSURANCE. NAGPAPASALAMAT AKO AT NAGKO-CONGRATULATE AKO KAY GOVERNOR LEE VERCELES DAHIL KAHIT MALIIT ANG IRA, LIMANG MILYONG PISO ANG GINASTOS NIYA PARA BAYARAN ANG PREMIUM NG PHILHEALTH NG MGA MAHIHIRAP SA CATANDUANES. KAYA LAHAT NG INDIGENTS 100 PERCENT LAHAT NG MGA MARALITA AY NAKA-ENROLL AT MAY HEALTH INSURANCE. KAYA ANG CATANDUANES AY NUMBER ONE PER CAPITA SA COVERAGE NG HEALTH INSURANCE SA BUONG BICOL AT SIGURO NUMBER TWO OR NUMBER THREE SA BUONG PILIPINAS. PERO ANO ANG IBIG SABIHIN NG CARD NINYO? ANO ANG IBIG SABIHIN NG HEALTH INSURANCE? ANG IBIG SABIHIN NITO KUNG MERON KAYO ITONG HEALTH CARD-- IBIG SABIHIN MAYRON KAYONG HEALTH INSURANCE. KAYA KAPAG MAGKASAKIT ANG INYONG PAMILYA AT MAGPAPAGAMOT KAYO SA ISA SA MGA SIYAM NA ACCREDITED HOSPITALS SA PROBINSIYA, KASAMA NA RITO IYONG PROVINCIAL HOSPITAL, LIBRE ANG PAGGAMOT, ANG INSURANCE ANG NAGBABAYAD NG INYONG GASTOS. NGAYON IYONG MANGANGANAK, HINDI IYON SAKIT, PERO KUNG MAGIGING CAESAREAN, KAILANGAN OPERAHAN, ANG PHILHEALTH RIN AY MANANAGOT HANGGANG LABING WALONG PISONG (18,000) GASTOS. BINABANGGIT KO IYON MUKHANG ANG DAMING NANGANGANAK DITO SA BARAS KAYA BAKA MARAMING NANGANGAILANGAN ITONG ATING PHILHEALTH. SABI NG ATING MGA OFFICIALS, MARAMING ANAK KASI MARAMING BROWNOUT. (LAUGHTER) KAYA DAHIL KATOLIKO SERADO TAYO, FATHER, KUNG GUSTO NATING BAWASAN ANG BIRTH RATE, BAWASAN ANG BROWNOUTDITO. KAYA PAG-USAPAN NATIN ANG POWER SUPPLY. TINANONG KO SA NPC KASI SINUMBONG NGA SA AKIN NI GOVERNOR NA ANG BROWNOUT NINYO PARATI. TINANONG KO SA NAPOCOR, KAY SECRETARY VINCE PEREZ, BAKIT MADALAS ANG BROWNOUT DITO? KASI ALAM KO MALAKING ISTORBO SA PAMUMUHAY ANG MGA POWER INTERRUPTION. NAPAG-ALAMAN KO NA MAY KAKULANGAN PALA NG 2,600 KILOWATTS ANG INYONG KURYENTE DITO KAYA MADALAS ANG BROWNOUT. KAYA ITONG ARAW NA ITO BILANG FIESTA NG BARAS, BILANG REGALO KO SA CATANDUANES, MAYROON AKONG IBABALITA SA INYO ITONG ARAW NA ITO. IBABALITA KO ANG MGA GINAWA NAMIN NITONG MGA NAKARAANG ARAW PARA IPAGHANDA ITONG GINHAWA NINYO SA PROBLEMA NG KURYENTE. UNA SA LAHAT, I HAVE INSTRUCTED NAPOCOR TO LEASE TWO GENERATOR SETS AS A SOLUTION TO YOUR CURRENT POWER PROBLEM. THESE GENERATOR SETS WILL ARRIVE IN VIRAC ON SUNDAY, AUGUST 11. IT WILL ARRIVE BY OVERLAND TRANSPORT. GUSTO KO SANANG DALHIN NGAYON, EH, I WOULD HAVE TAKEN THEM WITH ME NOW, PERO DOON SA MGA NAGSALUBONG SA AKIN SA EROPLANO NAKITA NYO GAANO KALIIT ANG AKING EROPLANO, KAYA HINDI KASYA ANG GENERATOR SET. IN FACT, KAHIT NA C-130 HINDI KASYA ANG GENERATOR SET, GANOON KALAKI ANG GENERATOR SETS. KAYA KASALUKUYAN SABAY KAMING UMALIS NG MAYNILA, AKO NAG-EROPLANO, SIYA AY NAG-LAND TRANSPORTATION. AT DARATING SA SUNDAY, SIYEMPRE ISI-SET-UP, IKO-COMMISSION. AND NAPOCOR INFORMED ME THAT THESE GENERATOR SETS CAN BEGIN OPERATING ON TUEDAY, AUGUST 13. KAYA, CROSS OUR FINGERS, NA SA SUSUNOD NA MARTES MAY GINHAWA NA KAYO SA KURYENTE. PERO IYAN IYONG BASIC REQUIREMENTS NINYO. KASI KUNG MINSAN KONTI, KUNG MINSAN MARAMI. SO PARA COMPLETE REQUIREMENT, I HAVE ALSO INSTRUCTED NAPOCOR TO LEASE ADDITONAL GENERATOR SETS TO COVER YOUR PEAK DEMAND. HINDI LAMANG YON DARATING SA LINGGO NA MAGSISIMULA NG TUESDAY, MAYROON PANG DARATING NA DAGDAG AND THEIR ARRIVAL DATE IN VIRAC IS THE END OF NEXT WEEK. IN THE MEANTIME, NAPOCOR IS REPAIRING THE GENERATOR SET IN MARINAWA DITO SA PROBINSIYA NG CATANDUANES. KASALUKUYANG NAGTATRABAHO SILA AT SINABI KO, GAWIN IYONG PARAAN PARA MAKATAKBO ITONG MARINAWA -- SABI NGA NI VINCE PEREZ, MAG-INGAT KAYO SA PRONUNCIATION BAKA SABIHIN NINYONG MARIJUANA, (LAUGHTER) NASABI KO NA NGA MARIJUANA, MARINAWA. SABI KO SA NAPOCOR, GAWIN NIYO IYON KAAGAD PARA SA GANON SA ARAW NG FIESTA NG BARAS AY MAKAKATAKBO NA ANG MARINAWA GENERATOR SET ITONG ARAW NA ITO. MGA KABABAYAN, MABUTI AKO AY PUMUNTA RITO KASI KAILANGAN MALAMAN ANG PROBLEMA, IYONG MGA PINAKAMATINDING PROBLEMA. SYEMPRE LAHAT NG BAYAN MALAKI ANG PROBLEMA, PERO YUNG PINAKAMATINDI. SALAMAT NAGKAROON AKO NG PAGKAKATAON MAKAPUNTA RITO, SALAMAT NA LAMANG NALAMAN KO ANG PINAKAMATINDING PROBLEMA NINYO. IYAN ANG ATING GINAGAWA: TINITINGNAN ANG KAILANGAN, TINITINGNAN KUNG ANO ANG GAGAWIN BECAUSE BILANG INYONG PANGULO ALAM KO KUNG ANO ANG KAILANGAN -- TUNGKULIN KO IYON -- AT ALAM KO RIN KUNG PAPAANO NATIN MABIBIGYAN NG SOLUSYON -- TUNGKULIN KO RIN IYON. PARA MABIGYAN KAYO NG ISANG MAAASAHANG PAMAHALAAN, YUN ANG KAILANGAN. AT BILANG PANGULO, GAGAWIN KO ANG LAHAT SA ABOT NG AKING KAKAYAHAN NA MATUPAD YUNG MGA PINAKA MATINDING PANGANGAILANGAN NG TAONG-BAYAN. ALAM KO DITO KAILANGAN MAAYOS AT MATAHIMIK NA PAMUMUHAY, MAUNLAD NA KINABUKASAN. IYAN ANG ATING IPAGTRABAHO LAHAT-LAHAT TAYO, MAGSAMA-SAMA TAYO RITO. KAYA SA ARAW NG FIESTA NG BARAS, IYAN ANG AKING PANALANGIN KAY SAN LORENZO, ANG MARTIR, NA SANA TULUNGAN NYA TAYO NA MABIGYAN NG KAPAYAPAAN, MAGANDANG KAUNLARAN, MAGANDANG KINABUKASAN, MAGANDANG KALUSUGAN, MAGANANG KURYENTE ANG MAMAMAYAN NG CATANDUANES. MARAMING SALAMAT AT MASAYANG FIESTA SA INYONG LAHAT. |