PGMA's Christmas Message |
Ceremonial Hall, Malacanang - (23 Dec 2002) |
| AKO, SAMPU NG AKING PAMILYA AY NAKIKI-ISA SA BUONG SAMBAYANANG KRISTIYANO SA PAGDIRIWANG SA KAPANGANAKAN NI HESUS. ANG DAKILANG PAGSILANG NI HESUS AY ISANG SIMBOLO NG PAGKAKA-ISA AT KAPATIRAN, PAGPAPA-KUMBABA AT HIGIT SA LAHAT ISANG WAGAS NA PAG-IBIG SA SANGKATAUHAN. KASING-KAHULUGAN DIN ITO NG ATING PAGHANGAD NG KAPATIRAN AT PAGKAKAISA NG ATING SAMBAYAN. ANG MGA KATANGIANG ITO ANG DAPAT NA MAGSILBING INSPIRASYON UPANG SAMA-SAMA NATING LUTASIN ANG MGA PROBLEMANG ATING KINAKAHARAP AT MAITAGUYOD ANG ISANG MATATAG AT MAUNLAD NA BANSA. PAG-IBIG ANG DAHILAN KUNG BAKIT NAGKATAWANG-TAO SI HESUS. PAG-IBIG SA ATING KAPWA ANG TUNAY NA DIWA NG PASKO. PAG-IBIG DIN ANG MAGSISILBING TALA NA SIYANG TATANGLAW SA ATING PAGTAHAK SA NAGKAKA-ISANG LANDAS TUNGO SA ATING GANAP NA PAG-UNLAD. MANALIG TAYO SA KAKAYAHAN NG ISA’T-ISA AT MAGTULUNGAN UPANG MABIGYANG KATUPARAN ANG ATING MGA PANGARAP. MANALANGIN TAYO NA MAGKAROON NG MUNDONG PUNO NG PAG-IBIG, KASAGANAHAN AT KAPAYAPAAN. KATIWASAYAN, PAGMAMAHALAN AT PAGKAKAISA ANG NAPAPANAHONG MENSAHE NG KAPASKUHAN. ATIN PONG ISABUHAY ANG TUNAY NA DIWA NG KAPANGANAKAN NI HESUS -- ANG PAG-IBIG SA SANGKATAUHAN. HANGAD KO ANG ISANG MALIGAYA AT MAPAYAPANG PASKO PARA SA ATING LAHAT. |