PGMA's Opening Statement during a Press Conference |
Ceremonial Hall, Malacanang (08 Feb 2002) |
| MARAMING SALAMAT.
THANK YOU BOBI. OUR HONORABLE SECRETARIES; ATING MGA AWARDEES; LADIES AND GENTLEMEN: UNA SA LAHAT, GUSTO KONG MAGBIGAY NG AKING PAGBATI SA LAHAT NG MGA NANALO NA MGA OUTSTANDING LOCAL GOVERNMENT UNITS. AT DAHIL KAYO AY NARITO GINAMIT KO ITONG PAGKAKATAON PARA MAGPAHAYAG NG DALAWANG PAHAYAG SA ATING BUONG BANSA SA PAMAMAGITAN NINYO. ANG UNA AY TUNGKOL SA EDUKASYON PARA SA KAPAYAPAAN AT KAUNLARAN SA MINDANAO. SA MGA SANDALING ITO'Y NAGAGALAK AKONG IBALITA ANG ISANG BAGONG PROGRAMA NG PAMAHALAAN PARA SA KINABUKASAN NG MINDANAO -- ANG EDUKASYON PARA SA KAPAYAPAAN AT KAUNLARAN SA MINDANAO. 'YAN ANG ATING PROGRAMA. HAHANAPIN NATIN ANG KAUNLARAN NG MINDANAO HINDI LAMANG SA PAGPAPALUSOG NG EKONOMIYA AT PAGPAPALAKAS SA KAAYUSAN AT KATAHIMIKAN. ANG ISANG MAHALAGANG SUSI SA HINAHARAP NG MINDANAO, LALO NA NG KABATAAN AY ANG EDUKASYON O PAG-AARAL. SA PAMAMAGITAN NG EDUKASYON PARA SA KAPAYAPAAN AT KAUNLARAN SA MINDANAO AY GAGAWIN NATING ISANG MAHALAGANG BAHAGI NG PAMBANSANG EDUKASYON ANG MADRASAH EDUCATION SYSTEM. HIHINGIN NATIN ANG TULONG NG MGA EKSPERTO MULA SA MUSLIM COMMUNITIES PARA I-AMBAG ANG KANILANG KARANASAN AT TALINO SA PAGPAPALAKAS NG EDUKASYON SA BUONG PULO NG MINDANAO, SA SULU AT BASILAN. ISASAMA NATIN ANG CIVIL SOCIETY, NON-GOVERNMENT ORGANIZATIONS, ANG BUSINESS SECTOR AT IBA PANG BAHAGI NG PRIVATE COMMUNITY SA PAGBUO NG ISANG BAGONG AGENDA SA MINDANAO. MAGLALAGAY TAYO NG PONDO PARA SA PAGPAPALAKAS NG MGA PAARALAN, KALIDAD NG PAGTUTURO AT PAGTAAS NG ANTAS NG EDUKASYON SA KATIMUGANG PILIPINAS. ANG PROGRAMANG ITO AY MAY 5-POINT AGENDA: INFORMATION AND COMMUNICATION TECHNOLOGY; MADRASAH EDUCATION; PEACE EDUCATION; MINDANAO CULTURE AND HISTORY; AT TEACHER TRAINING PROGRAM. ANG MAG-IIMPLEMENT NG PROGRAMA AY ANG TANGGAPAN NG PANGULO-- AT ANG AKING PRESIDENTIAL ASSISTANT FOR EDUCATION AY SI MONA VALISNO -- ANG COMMISSION ON HIGHER EDUCATION, DEPARTMENT OF EDUCATION AT TECHNICAL EDUCATION AND SKILLS DEVELOPMENT AUTHORITY. UPANG ILUNSAD ANG PROGRAMA, MAGKAKAROON NG ISANG CONSULTATIVE CONFERENCE SA SUSUNOD NA BUWAN SA ISANG LUNGSOD SA MINDANAO. HINIHINGI KO ANG TULONG NG LAHAT NG PILIPINO UPANG MAGTAGUMPAY ANG EDUKASYON PARA SA KAPAYAPAAN AT KAUNLARAN SA MINDANAO. ANG PANGALAWANG AKING PAHAYAG NAMAN AY TUNGKOL DIN SA MINDANAO. TAYO NGAYON AY NAGLALAYAG SA ISANG DAKILANG PAKIKIPAG- SAPALARAN SA KASAYSAYAN NG ATING BANSA. WE ARE NOW EMBARKED ON A GREAT AND GRAND ADVENTURE IN THE HISTORY OF OUR NATION. SA PULO NG BASILAN AT SA IBA'T-IBANG DAKO NG PILIPINAS AY NAGSASANAY ANG MGA MAGIGITING NA KAWAL NG DALAWANG DAKILANG BANSA NA MAY MAHABANG KASAYSAYAN NG PAGTUTULUNGAN AT PAGKAKAIBIGAN. SA LOOB NG ANIM NA BUWAN AY MAGTUTULUNGAN ANG DALAWANG HUKBO SA PAGPAPALAKAS NG KAPASIDAD AT GALING NG SARILI NATING ARMED FORCES OF THE PHILIPPINES, ANG TAGAPAGTANGGOL NG BANSANG PILIPINAS SANG-AYON SA ATING KONSTITUSYON. SA LOOB AT PAGKATAPOS NG ANIM NA BUWAN, LALONG LALAKAS ANG ATING HUKBO. LALONG BUBUTI ANG KANILANG GALING SA SIYENSYA NG DEPENSA AT SALAKAY. LALONG LALAKAS ANG KANILANG ARMAS SA TEMA NG MAKABAGONG EROPLANO, BARKO, TANGKE, RIPLE AT IBA PANG KAGAMITAN NG MILITARY. SA MADALING SALITA, MAGKAKAROON TAYO NG MAKABAGONG HUKBONG SANDATAHAN NG PILIPINAS. AT THE END OF THIS EXERCISE, WE SHALL HAVE A NEW, IMPROVED AND STRONGER ARMED FORCES OF THE PHILIPPINES. AT DAHIL DITO AY LALONG LALAKAS ANG SEGURIDAD NG PILIPINAS. LALONG LALAKAS ANG KATATAGAN NG BANSA LABAN SA MGA KAAWAY SA LOOB AT MGA KAAWAY SA LABAS. AT KUNG MALAKAS AT MATATAG ANG ATING KALIGTASAN, KUNG MALAKAS ANG PEACE AND ORDER LALONG BIBILIS ANG ATING KAUNLARAN. LALO NATING MAPAPABILIS ANG ATING KAMPANYA NA UMUNLAD ANG EKONOMIYA, MAGTATAG NG MARAMING NEGOSYO, LUMIKHA NG MARAMING TRABAHO, PATAASIN ANG SAHOD NG MANGGAGAWA, BAWASAN ANG KAHIRAPAN AT ITAAS ANG KALIDAD NG BUHAY NG MGA MAMAMAYAN. LALONG BIBILIS ANG PAGBAGSAK NG MGA BANDIDONG ABU SAYYAF AT BIBILIS ANG PAGBABALIK NG KATAHIMIKAN SA BASILAN, SULU AT MINDANAO. AT DAHIL DITO AY LALO NATING MATUTUTUKAN ANG PAGPAPALUSOG SA AGRIKULTURA AT INDUSTRIYA SA MINDANAO. ANG PAGPAPATAYO NG MARAMING PLANTA AT PABRIKA. ANG PAGLIKHA NG MARAMING HANAPBUHAY SA MGA LUNGSOD, BUKID AT KARAGATAN. AT LALONG LALAKAS ANG PAGBALIK NG TIWALA NG MGA NEGOSYANTE SA ATING BANSA. INVESTORS' CONFIDENCE IN OUR ECONOMY AND IN OUR STABILITY WILL GROW AND PROSPER. SINO ANG TUTOL SA PAGPAPALAKAS NG ATING HUKBONG SANDATAHAN? SINO ANG LABAN SA ALOK NA TULONG AT KALIGTASAN NG TAONG-BAYAN? HINDI KA PILIPINO KUNG SALUNGAT KA SA KAPAKANAN NG SARILI MONG KAWAL. HINDI KA PILIPINO KUNG TUTOL KA SA TULONG NA INAALOK NG ISANG KAIBIGAN. AT HINDI KA PILIPINO KUNG TUTOL KA SA KATAHIMIKAN AT KAUNLARANG PANGAKO NG BALIKATAN 2002. KUNG HINDI KA PILIPINO AY SINO KA? ISANG PROTEKTOR NG MGA TERORISTA. ISANG KASOSYO NG MGA MAMAMATAY-TAO. ISA KANG ABU SAYYAF LOVER. MAS MAHAL MO ANG MGA TERORISTA KAYSA SA SARILI MONG KAWAL NA NAGTATANGGOL SA IYO. MAS MAHAL MO ANG BANDIDO AT KAMPO NI OSAMA BIN LADEN KAYSA SA ISANG BANSA ANG HANAP AY TULUNGAN KA. PANAHON NA PARA MALAMAN KUNG SINO ANG NASA PANIG NG KALIGTASAN, KAPAYAPAAN AT KAUNLARAN NG PILIPINAS, AT KUNG SINO ANG GUSTONG MAMALAGI ANG ABU SAYYAF AT MAGPATULOY ANG GULO SA BASILAN AT MINDANAO. PANAHON NA PARA MAKILALA KUNG SINO ANG KAMPI NG DEMOKRASYA AT PAGTUTULUNGAN NG MGA MALAYANG BANSA, AT KUNG SINO ANG KAMPI NG TERORISMO AT SA PAGHAHARI NG PUWERSA NI OSAMA BIN LADEN. DAPAT MAKILALA KUNG SINO ANG NASA PANIG NG KALAYAAN AT KUNG SINO ANG NASA PANIG NG PANANAKOT. WALANG PUWEDENG MIRON LAMANG. YOU ARE EITHER FOR OR AGAINST DEMOCRACY, FREEDOM AND PROSPERITY. THERE CAN BE NO BYSTANDERS. NAGPAPASALAMAT AKO NA NAPAKARAMI ANG SUMUSUPORTA SA BALIKATAN AT SA PAGTUTULUNGAN NG PILIPINAS AT AMERIKA LABAN SA TERORISMO. KAYO'Y NASA PANIG NG KATWIRAN. KAYO'Y NASA TAMANG LANDAS NG KASAYSAYAN. HINDI TAYO MABIBIGO. HINDI MABIBIGO ANG TAONG-BAYAN. PAGKARAAN NG ANIM NA BUWAN MAGKAKAROON TAYO NG ISANG BAGO AT MALAKAS NA ARMED FORCES NA MAS MAY MALAKAS NA KAPASIDAD NA DURUGIN ANG MGA KAAWAY AT IPAGTANGGOL ANG BANSANG PILIPINAS. AS YOUR PRESIDENT, I WILL NOT STOP UNTIL THE LAST OF THE ABU SAYYAF MEMBERS IS CAPTURED DEAD OR ALIVE. MALAKI ANG AKING TIWALA KUNG TAYO LAMANG AY MAGKAKAISA AT MAGTUTULUNGAN, MAILILIBING NATIN ANG PERWISYONG ABU SAYYAF. AT SA ORAS NA MAGPAALAM NA TAYO SA GALAMAY NG TERORISMO, MAGBABALIK ANG MGA KAPITALISTA AT INVESTORS NA NGAYON PA LAMANG AY UNTI-UNTI NG BUMABALIK SA PILIPINAS. LALONG DADAGSA ANG MGA TURISTA. UUNLAD ANG EKONOMIYA. SISIGLA ANG NEGOSYO. DADAMI ANG HANAPBUHAY. ANG ATING EKONOMIYA NA LUMAKAS NG 3.7 PERCENT NOONG NAKARAANG TAON SA KABILA NG GLOBAL ECONOMIC DOWNTURN AY LALONG MAGIGING MASAGANA AT MALUSOG. AT IYAN AY DAHIL SA BAGONG REHIMEN NG PAGTUTULUNGAN NG PILIPINAS AT AMERIKA, AT IBA PANG ATING MGA KAIBIGAN, SA TULONG NG ATING KONGRESO, SA TULONG NG CIVIL SOCIETY, SA TULONG NG SIMBAHAN, AT SA TULONG NG MAS MARAMING NAKAKARAMI SA ATING TAONG-BAYAN. SA INYONG LAHAT LALUNG-LALO NA YUNG MGA LOCAL GOVERNMENT UNITS, YUNG MGA OUTSTANDING LOCAL GOVERNMENT UNITS NATIN, YUNG MGA UMAAKYAT DITO, HALOS LAHAT KILALA KO SILA. OUTSTANDING SILA SA GINAGAWA NILA. PERO ALAM KO RIN NA SILA AY SUMUSUPORTA SA ATING PATAKARAN TUNGKOL SA BALIKATAN. KAYA SA INYONG LAHAT NA NAKAKUHA NG AWARDS ITONG ARAW NA ITO, CONGRATULATIONS! AT MARAMING SALAMAT SA INYONG TULOY NA SUPORTA. |