PGMA's Speech during the 15th National Congress of the Philippine Councilors League (PCL) |
World Trade Center, Pasay City (22 Feb 2002) |
| MARAMING SALAMAT
SECRETARY LINA. 'YUNG ATING SECRETARY OF INTERIOR AND LOCAL GOVERNMENT NA DATING PANGULO NG ULAP. KAYA TALAGANG ALAM NA ALAM NIYA ANG INYONG PANGANGAILANGAN KAYA TULOY NUNG SIYA ANG NAGING SECRETARY OF INTERIOR AND LOCAL GOVERNMENT LAHAT NA HINAHANGAD N'YO SA NAKARAAN AY PINILIT NIYA AKONG IBIGAY SA INYO. KAGALANG-GALANG NA HOST MAYOR NG PASAY CITY SI MAYOR PEEWEE TRINIDAD; SI CONGRESSWOMAN NG PASAY CITY NA DATING KASAPI NG COUNCILORS LEAGUE SI CONGRESSWOMAN CONNIE DY; PANGULO NINYO SI NATIONAL PRESIDENT MELENDREZ; EVP BENAVIDEZ; KABLAWAN MAN DAKAYO TI DISKURSO YO APO CHAIRMAN DATUIN; VICE CHAIRMAN VELOSO; SECRETARY GENERAL ALEJANDRO; PANGULO NG METRO MANILA CAMILA; CHAIRMAN NG METRO MANILA SI JORGE BANAL, NA MAS KILALA SA KANYANG ANAK NA BAYANI NG IMPEACHMENT TRIAL; MGA KASAPI NG EXECUTIVE COMMITTEE AT NATIONAL BOARD MEMBERS; AT NANDITO RIN ANG IBANG MGA PANAUHIN MULA SA DILG SI UNDERSECRETARY SOLIMAN; DATING CHAIRMAN NG PCL SI PINGGOY LAGUMBAY AKING KABALEYAN; AT DATING PANGULO SI MIKE RAMA; AT SA INYONG LAHAT MGA KONSEHAL BINABATI KO KAYO SA OKASYON NG INYONG IKA-LIMANG CONGRESS. MAGANDANG HAPON SA INYONG LAHAT. KARENG KABALEN KONG KAPAMPANGAN MAAYAP A GATPANAPON KECONGAN. DAGIT KAKAILYAK KEN KADWAK KEN NI CHAIRMAN DATUIN NAIMBAG NGA MALEM YO AMIN APO. SAN SARAY KABALEYAN, MASANTOS YA NGAREM ED SIKAYON AMIN. SA ATON MGA KAIGSUUNAN GIKAN SA MINDANAO ASA AKO NIDAKO, MAAYONG HAPON KANINYONG TANAN. ASSALAMU ALAIKOM PAGARIYA. SA MGA KASIMANWA SANG AKON BANA NGA ILONGGO, MAAYONG HAPON SA INYO NGA TANAN. SA MGA WARAY, MAUPAY NGA KULO HA IYO TANAN. AT SA MGA BICOLANO, MARHAY NGA HAPON SA INDO GABOS. ESPESYAL ANG ATING PAGKAKASAMA NGAYON DAHIL ITO, ITONG INYONG ANIBERSARYO HINDI LAMANG ANIBERSARYO NINYO. ESPESYAL NA GINANAP NATIN ITONG ARAW NA ITO DAHIL ITO ANG UNANG ARAW NG PAGDIRIWANG NATIN NG IKA-LABING-ANIM NA ANIBERSARYO NG EDSA 1. LAHAT TAYO, NAAALALA NATIN YUNG MGA NAGANAP NOONG IKA-BEINTE DOS NG PEBRERO 1986. NAALALA NATIN NAGSIMULA YUNG EDSA PEOPLE POWER 1 NUNG YUNG MALAKING BAHAGI NG SANDATAHAN SA PAMUMUNO NANG NUNG VICE CHIEF OF STAFF FIDEL RAMOS AT YUNG MGA RAM SA PAMUMUNO NI NOON COLONEL GREGORIO HONASAN AY KUMALAS SA GOBYERNO NI FERDINAND MARCOS AT KUMAMPI SA SAMBAYANANG PILIPINO. KANINANG UMAGA, BILANG PAGDIRIWANG SA FORT BONIFACIO, SA LIBINGAN NG MGA BAYANI BINIGYANG GALANG NATIN SI PANGULONG RAMOS SA KANYANG PAPEL HINDI BILANG NAGING PANGULO NG PILIPINAS KUNDI BILANG PINUNO NG BAHAGI NG SANDATAHAN NA LUMIPAT SA PANIG NG TAONGBAYAN NOONG ARAW NA 'YON, FEBRUARY 22, 1986. NUNG TANGHALI NAMAN KANINA, FOR THE FIRST TIME SA SELEBRASYON NG PEOPLE POWER, NAGKAROON NG UNANG FELLOWSHIP ANG MGA RAM, MGA KASAMA NI SENATOR HONASAN AT IYONG IBA'T IBANG MGA LIDER NG RAM UPANG IPAGDIWANG ANG KANILANG KONTRIBUSYON NAMAN HINDI LAMANG SA EDSA -- IYONG PAGLIPAT NILA SA PANIG NG TAUMBAYAN ITONG ARAW NA ITO 16 YEARS AGO -- KUNDI NA RIN DAHIL PAGKATAPOS NG PAGHIHIWALAY NG LANDAS AFTER EDSA 1 NUNG EDSA 2 AY MARAMI AY BUMALIK MULI AT NAGING BAHAGI NG EDSA 2. AT NGAYON NAMAN KASAMA KO KAYO SA PAGDIWANG NG ARAW NA ITO. ANG ARAW NG PAGLIPAT NG SANDATAHANG PILIPINAS SA TAONGBAYAN. EH PAPAANO KAYO NAPASOK DOON? IBA-IBA 'YUNG MGA SANDATAHAN ANG ATING PINAGDIWANG KANINA? DAHIL SILA AY LUMIPAT SA TAONGBAYAN. KAILANGAN MAY KINATAWAN ANG TAONGBAYAN SA ATING PAGDIRIWANG AT ANG MGA KONSEHAL NG PILIPINAS, KAYO ANG KINATAWAN NG TAONGBAYAN, NG KARANIWANG TAONGBAYAN NA KINAMPIHAN NG SANDATAHAN NOONG ARAW NA 'YON. TINUTURING KO KAYO MGA KONSEHAL NG PILIPINAS NA TUNAY NA ALAGAD NG PEOPLE POWER. NAPAG-ALAMAN KO NA BAGAMA'T 1,200 LAMANG ANG DUMALO NUNG 1st NATIONAL CONGRESS FIVE YEARS AGO, ITONG BILANG AY TUMAAS SA 7,000 SA 4th NATIONAL CONGRESS NOONG 1999, AT NGAYON AY MAHIGIT NA 8,000 ANG DELEGATES NA NARIRITO. RECORD ATTENDANCE. CONGRATULATIONS SA MAGANDANG ATTENDANCE. AKO AY NAGAGALAK NA ANG PHILIPPINE COUNCILORS LEAGUE AY BUHAY NA BUHAY, AKTIBO AT LALO PANG LUMALAKAS. KAILANGAN NG GOBYERNONG NASYONAL ANG INYONG TULONG UPANG ISULONG ANG KAPAKANAN NG ATING BANSA. KAYO ANG KABALIKAT NG PANGULUHAN SA PAGLABAN SA KAHIRAPAN AT PAGPAPA-IRAL NG BATAS AT KATIWASAYAN. ANG INYONG LIGA AY SADYANG MALAPIT SA AKING PUSO. NOONG AKO AY SENADOR AT BISE-PRESIDENTE, PARATI AKONG DUMADALO SA INYONG MGA PCL NATIONAL CONGRESS. SIGURO SAWANG-SAWA NA KAYO SA AKING PAGDATING DITO. MAY PANAHON PANG DUMALO RIN AKO SA ILAN SA INYONG MGA PROVINCIAL AT REGIONAL COUNCILORS CONGRESSES. DINALUHAN KO ANG INYONG NATIONAL ASSEMBLY SA CEBU CITY NOONG FEBRUARY 3rd NG NAKARAANG TAON, NANG UNA AKONG DINALUHAN ANG INYONG ASSEMBLY BILANG PANGULO. NUNG TAYO AY NASA CEBU SINABI KO SA INYO NA ANG PAGSULONG AT KAUNLARAN NG ATING BANSA AY NAKASALALAY SA ATING MGA LUNGSOD AT MGA BAYAN. AT TAMANG-TAMA PINAGDIRIWANG NATING ITO SA UNANG ARAW NG PEOPLE POWER. DAHIL ANG KAUNLARAN NG ATING BANSA AY NANDOON SA PEOPLE POWER. HINDI ITO DINIDIKTA O MINAMANI-OBRA MULA SA TAAS NG NATIONAL GOVERNMENT. ANG MGA YAMAN, KAKAYAHAN, IMAHINASYON AT KASIPAGAN NA INYONG KINAKAILANGAN AY MATATAGPUANG LAHAT SA INYONG KOMUNIDAD. SA AKING STATE OF THE NATION ADDRESS SA KONGRESO NOONG NAKARAANG HULYO, SINABI KO NA UPANG MASUGPO NATIN ANG KAHIRAPAN NG BANSA, APAT ANG BAHAGI NG ATING MEDIUM-TERM PHILIPPINE DEVELOPMENT PLAN: UNA, PAIRALIN ANG SISTEMA NG FREE ENTERPRISE NA BAGAY SA SIGLO BEINTE-UNO; PANGALAWA, GAWING MODERNO ANG AGRIKULTURA SA NAKARAANG NAKAPUNDAR SA SOCIAL EQUITY; PANGATLO, ASIKASUHING ESPESYAL ANG MGA KAPUSPALAD; AT PANG-APAT, ITAAS ANG SUKAT NG MORALIDAD SA GOBYERNO AT PANLIPUNAN. KAGAYA NG SINABI N'YO SA THEME, "ADVANCING GOOD LOCAL GOVERNANCE PLATFORM FOR POVERTY REDUCTION" 'YON ANG SANG-AYON AT KAPAREHA NUNG AKING PANG-APAT NA BAHAGI NG LABAN KONTRA SA KAHIRAPAN, YUNG PAG-TAAS NG SUKAT NG MORALIDAD SA GOBYERNO. YUNG UNA, YUNG FREE ENTERPRISE NA BAGAY SA 21st CENTURY. SA FREE ENTERPRISE, ANG PANGUNAHING PARAAN KUNG PAPANO SUGPUIN ANG KAHIRAPAN AY MAGKAROON NG TRABAHO ANG TAONGBAYAN. AT UPANG MAGKAROON NG TRABAHO ANG TAONGBAYAN, ANG PANGUNAHING KAILANGAN AY MGA INVESTMENTS. KAYA ITO ANG PANGUNAHING KAILANGAN NG NATIONAL GOVERNMENT SA MGA LOCAL GOVERNMENT. MAGTULONG-TULONGAN PARA BAWASAN ANG RED TAPE, DAHIL IYON ANG PINAKADAING NG MGA INVESTORS NA SUMASAGABAL SA KANILANG INVESTMENTS. PANGALAWA, TINGNAN DIN NATIN ANG PROBLEMA NG KATAHIMIKAN AT KATIWASAYAN. KITANG-KITA NATIN KUNG GAANO SINISIRA NG TERORISMO AT KRIMEN ANG EKONOMIYA. KITANG-KITA NATIN KUNG PAANO BINIHAG NG MGA ABU SAYYAF HINDI LAMANG IYUNG MGA NAGBABAKASYON SA DOS PALMAS, HINDI LAMANG IYUNG MGA NURSE SA LAMITAN, KUNDI NA RIN BINIHAG ANG ATING BUONG TURISMO AT EKONOMIYA, AT SINIRA PA ANG BUHAY NG MGA BIHAG, AT TULOY PANG SINISIRA ANG BUHAY NILA KAGAYA NG BUHAY NI DEBORAH YAP AT ROLAND ULLAH. GUSTO KONG TIYAKIN SI DEBORAH YAP AT ANG MGA MAHAL SA BUHAY NA HINDI SIYA KINALILIMUTAN NG GOBYERNO. SIYA'Y LAGI SA AKING ALAALA BILANG ISANG BABAE. KASAMA SIYA LAGI SA AKING DASAL. GUSTO KO RING IPAHATID ANG MENSAHENG ITO KAY ROLAND ULLAH AT SA KANYANG PAMILYA. AT SANA YUNG ATING MGA KONSEHAL NA BUMATI SA ATIN DOON GALING SA SULU AY IPAABOT NINYO ITONG MENSAHE KO SA PAMILYA NI ROLAND ULLAH NA HINDI MATATAPOS ANG PAKIKIBAKA SA ABU SAYYAF HANGGANG MALIGTAS SI ROLAND ULLAH. SI GINANG DEBORAH YAP AY NAGTATRABAHAO BILANG ISANG REGISTERED NURSE SA JOSE TORRES MEMORIAL HOSPITAL SA LAMITAN NANG SIYA AT APAT PANG IBA AY TINANGAY NG MGA ABU SAYYAF NA TUMAKAS NOON MULA SA OSPITAL. ANG HUKBONG SANDATAHAN AY MAY UTOS NA TIYAKIN ANG KALIGTASAN NI GINANG YAP AT GINOONG ULLAH HABANG TINUTUGIS NILA ANG DUMUKOT SA KANILANG DALAWA AT KINA MR. AND MRS. BURNHAM NG WICHITA, KANSAS. KASABAY NITO, INATASAN KO ANG DEPARTMENT OF SOCIAL WELFARE AND DEVELOPMENT NA ASIKASUHIN ANG KALAGAYAN ATPROBLEMA NG APAT NA ANAK NI GINANG YAP. GAWA NG SINABI NI GINANG ELVIRA PAMARAN VALBUENA, KAPATID NI GINANG YAP, NA ANG APAT NA ANAK NG NURSE -- SILA JONATHAN, ANTHONY, MARY ANNE AT BONBON -- AY TUMIGIL NA SA PAG-AARAL DAHIL WALA NANG SALAPING PANGGASTOS MULA NANG DINUKOT ANG KANILANG INA. SI GINANG YAP, NAPAKATAPANG. AYON SA BALITA, AY SIYA ANG TUMUTULONG NGAYON BILANG DOCTOR AT NURSE NILA MR. AND MRS. BURNHAM NA NGAYON DAW AY MAHINA ANG KATAWAN AT KAPWA'Y MAY KARAMDAMAN. MAGITING NA BABAE SI DEBORAH. AYON SA BALITA, PATI SIYA NAMAYAT NA RIN AT NAHULOG ANG KATAWAN DAHIL SA HIRAP NA KANYANG NARARANASAN. INAATASAN KO RIN ANG DSWD NA BIGYAN DIN NG TULONG ANG PAMILYA NI ROLAND ULLAH. SAMANTALA NAMAN BINABATI KO MULI ANG MGA KAWAL NG ARMED FORCES, LALO NGAYON SA PAGDIRIWANG NG FEBRUARY 22, ARAW NG PAGSAMA NILA SA TAONGBAYAN. BINABATI KO SILA SA KANILANG MATAPANG AT TULUYANG PAGTUTUGIS SA MGA TERORISTA SA BASILAN. AND I WOULD LIKE TO ACKNOWLEDGE ONCE AGAIN THE UNITED STATES FOR THEIR SUPPORT TO OUR SOLDIERS IN THEIR CAPABILITY-BUILDING SO AS TO SPEED UP THE ANNIHILATION OF THE ABU SAYYAF. AS WE HAVE REALIZED FROM THE HELICOPTER CRASH THAT OCCURED THIS DAWN, COMING TO THE PHILIPPINES TO TRAIN OUR SOLDIERS IS NOT A PICNIC FOR THE U. S. SOLDIERS. THEY ALSO PUT THEIR LIVES ON THE LINE AND THEY CAME HERE KNOWING THE DANGERS AS WELL. ANG TAGUMPAY NG 'BALIKATAN' AY TAGUMPAY NG DALAWANG MAGKAIBIGANG BANSA NA SA LOOB NG SANDAANG TAON NAGKAROON NG MALALIM NA PINAGSAMAHAN. KUNG MINSAN MAGANDA ANG PINAGSAMAHAN, KUNG MINSAN HINDI GAANO KAGANDA KAPAG NAGKAKAIBA ANG INTERES. PERO NGAYON NAGKAKAISA ANG INTERES NG PILIPINAS AT AMERIKA LABAN SA TERORISMO, LABAN SA MGA KAAWAY NG KALAYAAN, AT LABAN SA MGA KAAWAY NG DEMOKRASYA. HINDI LAMANG KALAYAAN SA PANANAKOT ANG ATING GANTIMPALA KUNG HINDI KALAYAAN SA KAHIRAPAN O MASS POVERTY ANG MAGIGING RESULTA NG ATING PAGSASAMA. ANG MAGKATAMBAL NA KAPAYAPAAN AT KAUNLARAN ANG BUNGA NG TAGUMPAY NG 'BALIKATAN'. ANG KASABAY NIYAN AY HIGIT NA MATITIYAK NATIN ANG KALIGTASAN NILA GINANG DEBORAH YAP, NI GINOONG RONALD ULLAH AT MR. AND MRS. MARTIN BURNHAM. KAYA MGA KONSEHAL, KANINA NAGPALAKPAK KAYO SA AKIN NUNG BINANGGIT KO YUNG PAGPASALAMAT SA MGA AMERIKANO. SANA IPAGPATULOY PO NINYO ANG INYONG SUPORTA SA 'BALIKATAN 2002'. LET US THANK THE AMERICAN SOLDIERS AT SALUDUHAN DIN NATIN ANG KAWAL PILIPINO. IWAGAYWAY PO NATIN ANG BANDILANG PILIPINO NANG MAS MATAAS SAPAGKAT SA ISLA NG BASILAN AY BUHAY NA BUHAY ANG DIWA NG PAGKAKAIBIGAN AT KOOPERASYON NG MGA BANSA. BUHAY NA BUHAY ANG TAPANG NG KAWAL PILIPINO NA HANDANG MAGPAKAMATAY AT MAGSAKRIPISYO ANG KANILANG MGA MAHAL SA BUHAY PARA TAYO'Y MAGING MULING MALAYA, MAPAYAPA AT NAGKAKAISA BILANG ISANG DAKILANG BANSA. IYON NAMAN SABI N'YONG ADVANCING GOOD LOCAL GOVERNANCE. 'YUNG PAG-TAAS NG SUKAT NG MORALIDAD SA PAMAHALAAN, ANG INAASAHAN SA INYO MGA KONSEHAL NG ATING MGA MAMAMAYAN AY SA PAMAMAGITAN NG COUNCIL RESOLUTIONS AT ORDINANCES AT SA PERSONAL NA HALIMBAWA AY TANGGALIN ANG MGA HINDI NARARAPAT, PAGHUSAYIN ANG SERBISYO NG ORGANISASYON, IPAGTANGGOL ANG KATAPATAN, AT MAGING ESTRIKTO SA KAGANDAHANG-ASAL. ANG MATAPAT NA PAMAMAHALA AY HINDI PUWEDENG GAWIN LANG NG ILAN. KAILANGAN ITONG IPATUPAD SA LAHAT NG ANTAS NG PAMAHALAAN. ANG MATAPAT NA PAMAMAHALA AY NAGSISIMULA SA PERSONAL NA INTEGRIDAD AT WORK ETHIC. HALIMBAWA, BILANG INYONG PANGULO 'YON ANG AKING PANINIWALA. KUNG GUSTO KONG MAGKAROON NG GOOD GOVERNANCE KAILANGAN MAGSIMULA SA AKIN. ITO AY SUMASAKLAW DIN SA PAMILYA NG NAMUMUNO, KUNG KAYA'T ANG UNA KONG ADMINISTRATIVE ORDER AY NAGBABAWAL SA MGA AHENSIYA NG PAMAHALAAN NA MAKITUNGO, MAKIPAG-UGNAY SA AKING MGA KAMAG-ANAK KAUGNAY SA MGA KONTRATA, SUPPLY AT APPOINTMENT SA MGA POSISYON SA GOBYERNO. ANG MATAPAT NA PAMAMAHALA AY TUNGKOL DIN SA PAGSUGPO SA CORRUPTION, SA KATIWALIAN. NA ANG IBIG SABIHIN NG MASAMANG PAMAMAHALA AY NAKAKA-APEKTO SA MGA MAHIHIRAP DAHIL HINDI TAMA ANG PAGGAMIT AT PAG-AABUSO NG PONDO AY TINATANGGALAN SILA NG PAGKAKATAONG GUMINHAWA, GAYUNDIN SA MGA SERBISYONG KANILANG KAILANGAN. KAILANGAN NATING LABANAN ANG KATIWALIAN. SINISIRA NITO ANG TIWALA SA ATING MGA INSTITUSYON, PINAPALAGANAP ANG KRIMEN AT KAWALAN NG KATARUNGAN, AT NINANAKAWAN ANG MGA MAMAMAYAN NG PAG-ASA SA KANILANG KINABUKASAN. SA LAHAT NG ITO, GAYA NG SABI NI JOEY LINA ANG ATING ADMINISTRASYON AY PATULOY NA SUSUPORTAHAN AT PALALAKASIN ANG ATING LOCAL GOVERNMENT UNITS. NAKITA NA NAMAN NINYO NUNG NAKARAAN, YUNG NAKARAANG ADMINISTRASYON, KINALTAS KAYO NG 10, 20 PERCENT NG INYONG IRA AT SAKA NAGLAGAY NG LOCAL GOVERNMENT EQUALIZATION FUND PARA KAYO AY LULUHOD BAGO BIGYAN NG PONDONG NANGGALING DIN NAMAN SA INYONG BAHAGI NG INTERNAL REVENUE. AT BAGO MA-RELEASE ANG PONDO SA INYO YUNG INYONG IRA NAIIWAN KAILANGANG MAG-SUBMIT PA KAYO NG MGA WORK AND FINANCIAL PLAN NA AAPRUBAHAN PA NG DBM. LAHAT NOON AY BINALIGTAD NITONG BAGONG ADMINISTRASYON. KAYA NAMAN KAILANGANG GAWIN NATING MAGKASABAY ANG ATING MGA GAWAIN. KAILANGAN NATING PATIBAYIN ANG ATING SAMAHAN UPANG MATIYAK ANG TAGUMPAY PARA SA KABUTIHAN NG SAMBAYANAN. ANG HINAING NG MAHIHIRAP AY KINAKAILANGANG PATULOY NA MARINIG SA MGA BULWAGAN NG PAMAHALAAN. NARINIG ITO SA EDSA LABING-ANIM NA TAON NA ANG NAKARARAAN, NARINIG NATIN MULI ITO SA EDSA DOS NOONG NAKARAANG TAON. MATAPAT NA PAMAMAHALA, GOOD GOVERNANCE ANG ATING ARMAS LABAN SA KAHIRAPAN. GOOD GOVERNANCE IS OUR PLATFORM FOR POVERTY REDUCTION. ITO AY ISANG PRINSIPYO NG SERBISYO NA DAPAT NATING SUNDIN SA LAHAT NG ORAS. TULAD NG SINABI KO SA LECTURE SA INTERNATIONAL INSTITUTE FOR STRATEGIC STUDIES SA LONDON KAMAKAILAN LAMANG, AND I QUOTE, "EVIL CAUSES TERRORISM BUT THE EVIL OF TERRORISM WOULD NOT BE ABLE TO SPREAD SO MUCH IF WE DID NOT HAVE SO MUCH POVERTY." END OF QUOTE. DAPAT NATING TANDAAN NA ANG TERORISMO AY MABILIS NA LUMAGO KUNG SAAN LAGANAP ANG KAHIRAPAN AT DALITA. HINDI ITO COINCIDENCE NA NGAYON YUNG TERRORISMO AY NANDOON NA NA-CONFINE SA PROBINSYA NG BASILAN DAHIL ANG BASILAN ANG PINAKA-MAHIRAP NA PROBINSYA SA BUONG PILIPINAS. KAYA TALAGANG KAMBAL ANG LABAN SA TERRORISMO AT LABAN SA KAHIRAPAN. KUNG KAYA, HABANG HINIHIKAYAT KO ANG MGA WORLD LEADERS NA IPAGPATULOY ANG COALITION AGAINST TERRORISM BILANG PARAAN TUNGO SA GLOBAL PROSPERITY, TINATAWAGAN KO RIN ANG ATING MGA PINUNONG LOKAL, MGA KONSEHAL NA PAG-IBAYUHIN ANG PAGLABAN SA KAHIRAPAN AT TERORISMO. KAILANGAN KO ANG INYONG TULONG AT TULONG NG BAWA'T PILIPINO PARA HARAPIN ANG MGA HAMONG ITO, AT PARA PALAKASIN ANG PUNDASYON NG PAGPAPAUNLAD NG ATING BAYAN. PATULOY TAYONG SAMA-SAMANG MAGTULUNGAN PARA TUPARIN ANG ATING MGA PAMBANSANG PANGARAP. PATULOY NATING PALAKASIN ANG ATING SAMAHAN PARA PABILISIN ANG KAUNLARAN SA KANAYUNAN PARA LUMAGANAP ANG MATAPAT NA PAMAMAHALA O GOOD GOVERNANCE GAYA NG SINABI N'YO, AT PARA BIGYAN NG MAPAYAPA AT MASAGANANG BUHAY ANG LAHAT NG ATING MGA MAMAMAYAN AT DARATING PANG MGA HENERASYON NG PILIPINO. MABUHAY ANG COUNCILORS NG PEOPLE POWER. MARAMING SALAMAT SA INYONG LAHAT. |