PGMA's 3 Part Statements for Ulat sa Bayan 2001

Baguio City (December 28-30 2001)

Opening Statement:

TATLONG TULOG NA LAMANG PO AT MATATAPOS NA ANG TAONG 2001. ANO ANG MAS MAGANDANG PARAAN NA PAGPAPA-ALAM SA LUMANG TAON AT SALUBUNGIN ANG BAGO KUNDI MAGBIGAY SA INYO NG ISANG REPORT TUNGKOL SA KALAGAYANN G BANSA, LALO NA NG ATING EKONOMIYA.

SIMULA SA ARAW NA ITO, HANGGANG SA SUSUNOD NA DALAWANG ARAW, TAYO PO AY MAGHAHANDOG NG SPECIAL YEAREND REPORT NA MAGLALARAWAN SA MGA TAGUMPAY NG BANSA SA LARANGAN NG EKONOMIYA, HANAPBUHAY, NEGOSYO AT KAPAYAPAAN.

ANG ATING PRESENTASYON AY BUBUUIN NG MGA SUMUSUNOD: (1) ANO ANG ATING MGA NAGING ACHIEVEMENTS SA ECONOMIC FRONT PARA SA TAONG 2001? (2) ANO PA ANG ATING GINAGAWA PARA MAGPATULOY ANG TAGUMPAY AT ANO ANG PANINGIN SA ATIN NG MGA FOREIGN INVESTORS AND FINANCIAL INSTITUTIONS? (3) ANO ANG ATING PANGARAP PARA SA HINAHARAP AT PAPAANO NATIN MARARATING ANG ATING PAKAY?

MAIKLI LAMANG PO ANG AKING PERSONAL NA REPORT TUNGKOL SA EKONOMIYA. MAS MAHABA PO ANG ATING MAGIGING HUNTAHAN DAHIL AKO AY TATANGGAP AT SASAGOT SA MGA TANONG NG MGA NANONOOD AT NAKIKINIG SA ATIN SA LUZON, VISAYAS AND MINDANAO. SA PALAGAY KO AY LALONG MAGIGING INTERESTING ANG ATING PROGRAMA KUNG HINDI LAMANG TINIG KO KUNDI NG MARAMI ANG ATING MADIDINIG. MAS INTERESTING KUNG HINDI LANG PANINIWALA KO KUNDI OPINION NG MARAMI ANG ATING MAPAPAKINGGAN. KAYO PO AY MAAARING TUMAWAG SA ATING ISTASYON PARA MAGHARAP NG MASKI ANONG TANONG SA AKIN.

NAGING RESILIENT O MATATAG ANG ATING EKONOMIYA. NAGING MALAKAS DIN ANG PERFORMANCE NG SERVICE SECTOR AT OKAY RIN ANGB PERFORMANCE NG AGRICULTURE SECTOR. SA SERVICE SECTOR, ANG PINAKAMATATAG, HINDI LANG MATATAG, MAUNLAD AY ANG COMMUNICATION SECTOR.

SA KABILA NG BUMAGSAK NA EKONOMIYA NG MUNDO, NAIWASAN NATING BUMAGSAK ANG ATING EKONOMIYA DAHIL SA ATING ECONOMIC PROGRAM AND POLICY NA PINAGTUTULUNGAN NG ATING TANGGAPAN AT NG MAGAGALING NATING ECONOMIC MANAGERS AT DAHIL SA KAGALINGAN NG DAKILANG MANGGAGAWANG PILIPINO.

MAY LABING-ISANG (11) BUWAN PO LAMANG ANG NAKARAAN NANG AKO AY LUMUKLOK SA PAGKA-PANGULO. NUNG AKO AY NAGSIMULA, MATAAS ANG BUDGET DEFICIT. LUMAKI ANG UTANG NG TATLONG BESES AT TIWANGWANG ANG KALIDAD NG GOBYERNO.

ANG ATING BANSA AY PARANG ISANG BAPOR NA LUMUBOG-LUMUTANG SA DAGAT NG ECONOMIC DIFFICULTIES. NGAYON, ANG BAPOR AY LUTANG AT DIRETSO ANG ATING DIRECTION. NALIGTASAN NATIN ANG ISANG BAGYO, LIGTAS ANG MGA PASAHERO. MATATAG ANG EKONOMIYA DAHIL DUMAMI ANG BILANG NG MGA NAGHANAPBUHAY, NAKATULONG ANG INDUSTRIAL PEACE AT MAGANDANG SAMAHAN NG OBRERO (?) AT KAPITAL.

NAGBABALIK NA ANG KUMPIYANSA NG MGA FOREIGN INVESTORS SA ATING PAMAHALAAN. ANG PAGBAGSAK NG EXPORT AY NA-REMEDYO NG DOMESTIC DEMAND.

ILANG BESES NANG BUMABA ANG PRESYO NG GASOLINA, LANGIS AT PETROLYO AT ITO AY NAKATULONG SA BAYAN. NAPA-AMO NATIN ANG MABAGSIK NA BUDGET DEFICIT. NAGBABALIK ANG LAKAS NG PISO LABAN SA AMERICAN DOLLAR.

BUMABA ANG INFLATION AT NAGING STABLE ANG PRESYO NG MGA PANGUNAHING BILIHIN. PATULOY ANG CONTRIBUTION NG MGA OFWS SA ATING EKONOMIYA. SILA ANG ATING MGA DAKILANG MANGGAGAWANG PILIPINO DOON SA KABILANG BANSA. PERO MERON DIN TAYONG DAKILANG MANGGAGAWANG PILIPINO SA ATING BANSA MISMO. DUMARAMI ANG MGA SMALL AND MEDIUM INDUSTRIES NA LUMILIKHA NG MALILIIT NA SERBISYO AT DAGDAG NA HANAPBUHAY.

SA LARANGAN NG FOREIGN POLICY, GUMANDA ANG ATING IMAHE DAHIL SA ATING PAKIKISAMA SA ASEAN NA SUMUPORTA SA KAMPANYA LABAN SA GLOBAL TERRORISM NA PINANGUNAHAN NG BANSANG AMERICA.

IYAN AY ILANG LANG SA MGA HIGHLIGHTS NG ATING ECONOMIC PERFORMANCE SA TAONG 2001. ANO ANG IBIG SABIHIN NG MGA KAGANAPANG ITO SA BUHAY NG BAWAT PILIPINO – NG KANYANG PAMILYA AT BAGONG LIPUNAN? ANO KAYA ANG MAAASAHAN SA TAONG 2002 AT SA MGA DARATING NA TAON?

Opening Statement

MAGANDANG UMAGA PILIPINAS. ISA PONG MALAKING KAGALAKANG MAKASAMA KAYO ULIT DITO SA IKALAWANG ARAW NG ATING SPECIAL YEAREND NATIONWIDE REPORT TUNGKOL SA EKONOMIYA AT IBA PANG SEKTOR NG ATING BANSA. KAHAPON AY IPINALIWANAG NATIN KUNG PAPAANO AT BAKIT NAGING MATATAG ANG ATING EKONOMIYA.

SA PAGPAPATULOY NATIN NG ATING REPORT TUNGKOL SA ATING ACHIEVEMENTS NITONG NAKARAANG 11 BUWAN, ILALARAWAN NATIN KUNG ANO ANG MGA PERCEPTIONS NG IBANG BANSA SA ATING PAGPUPUNYAGI.

BUKAS, ANG PANGHULI NATING EPISODE, AY TATALAKAYIN NATIN ANG MGA PROGRAMA NG GOBYERNO PARA SA ATING KINABUKASAN.

GAYA NG ATING NABANGGIT KAHAPON, ANG ATING BANSA AY PARANG ISANG BARKO NUNG SUMAPIT ANG ENERO 20 AT NAGKAROON NG PAGBABAGO SA PAMAHALAAN. ISA TAYONG BARKO SA GITNA NG ISANG BAGYO NUNG AKO AY MALUKLOK SA PUWESTO.

ANG BAGYO AY SANHI NG MARAMING BAGAY – PATULOY NA PAGHINA NG WORLD ECONOMY, ISANG NAKAKASINDAK NA BUDGET DEFICIT, UTANG NA MALAKING MINANA AT LUMAKI NG TATLONG ULIT, PAGBAGSAK NG PISO AT ISANG GOBYERNONG NAWALAN NG PANANAGUTAN SA TAONG BAYAN.

NGAYON PO AY NAKALIGTAS ANG BARKO SA BAGYO. MALIWANAG ANG ATING PATUTUNGUHAN, MATATAG ANG ATING EKONOMIYA, DUMARATING ANG INVESTMENTS, PAGDARAGDAG NG PUHUNAN SA PILIPINAS NG MGA KUMPANYA TULAD NG MOTOROLA, KIRIN, LAYMAN BROTHERS ... AT IBA PA. PALALAKASIN PA NATIN ANG INDUSTRIAL PEACE SA PAGTUTULUNGAN NG EMPLOYERS AND WORKERS PARA MAIWASAN ANG WELGA AT MASAGIP ANG MARAMING TRABAHO.

ANG MGA ... AY PUNONG-PUNO. UMO-OBRA ANG DOMESTIC TOURISM AT DOMESTIC DEMAND KAHIT NA HINDI PA AYOS ANG WORLD ECONOMY PARA UMANGAT ANG EXPORTS MULI.

SA EXPORTS MULI, MAY HINAHARAP ANG ATING MGA PRUTAS SA PALENGKE NG ESTADOS UNIDOS AT CHINA.

NAKATULONG NG MALAKI SA ATIN NITONG 2001 ANG SERVICE SECTOR AT NAKA-SURVIVE ANG AGRIKULTURA. PALALAKASIN PA NATIN ANG ATING TULONG SA MGA NASABING SEKTOR.

DUMARATING NA ANG ECONOMIC ASSISTANCE NG GOBYERNO NG USA SIMULA SA MILITARY ASSISTANCE NA MAGBIBIGAY NG NGIPIN SA ATING GIYERA LABAN SA TERORISMO. GANOON NA DIN ANG US-AID PARA SA MINDANAO.

MARAMI TAYONG NILAGDAANG AGREEMENTS SA AMERICA NUNG NOVEMBER NA NAGKAROON NG BUNGA. MAGANDA ANG ASSESSMENT SA ATING ECONOMIC PERFORMANCE NG WB, ADB AT IMF. ANG MGA PAPURI AY NANGGAGALING DIN SA MGA KILALANG FINANCIAL INSTITUTIONS KATULAD NG JP MORGAN.

NAGPAPASALAMAT AKO SA MGA FILIPINO BUSINESS ORGANIZATIONS NA NAGBIBIGYA SA ADMINISTRATION NG MAGANDANG GRADO. HIGIT SA LAHAT AY NAGPAPASALAMAT AKO SA PILIPINO, SA TAONG BAYAN, SA NAKAKARAMING MASA, SA KANILANG MATATAG NA SUPORTA SA AKIN AT SA AKING GOBYERNO. AT LALO NA SA DAKILANG MANGGAGAWANG PILIPINO.

SA INYONG LAHAT, MARAMI PONG SALAMAT.

MAGANDANG UMAGA PILIPINAS, MAGANDANG ARAW PO AT WELCOME SA IKATLONG BAHAGI NG ATING SPECIAL YEAR-END REPORT ON THE NATIONAL ECONOMY. NOONG UNANG ARAW PO AY INILAHAD NATIN ANG GINAWA AT NAGAWA NG ADMINISTRASYON SA LARANGAN NG EKONOMIYA. PINALIWANAG NATIN KUNG PAANO ANG POLICIES AND PROGRAMS AY NAKATULONG PARA UMANGAT ANG EKONOMIYA SA KABILA NG ECONOMIC SLOWDOWN SA ATING BUONG MUNDO, SA BUONG DAIGDIG. KAHAPON PO AY NILAHAD NATIN ANG GINAGAWA PA NG GOBYERNO AT PRIBADONG SEKTOR PARA LALONG LUMAKAS ANG EKONOMIYA. DINAGDAG NATIN ANG MGA OBSERBASYON NG FOREIGN INVESTORS AT INTERNATIONAL FINANCIAL INSTITUTIONS TUNGKOL SA PERFORMANCE NG PHILIPPINE ECONOMY. NGAYON PO AY MAGBABAHAGI TAYO NG ATING PANGARAP PARA SA YEAR 2002. PAPALIWANAG NATIN ANG ATING MGA PROGRAMA SA BAGONG TAON. ANO ANG MAAASAHAN NATIN SA 2002 AT SA SUSuNOD PANG MGA TAON?

MGA KABABAYAN, KUNG ANG EKONOMIYA NATIN AY MATATAG NOONG 2001, SIGURO PUWEDE TAYONG UMASA NA MANANATILI ITONG MALUSOG SA DARATING NA TAON. MAY MGA DAHILAN PARA SA GANITONG PAGASA. SA 2002, BUONG TAON NA ANG PRODUKSYON NG OIL AND GAS SA MALAMPAYA. KASI ITONG TAON, KAYA NAG-UMPISA ITONG ATING GAS NOONG MIDDLE OF OCTOBER. NAG-UMPISA NAMAN ANG ATING OIL DOON SA MALAMPAYA DIN, DECEMBER NA. PERO NEXT YEAR BUONG TAON NA YON. MABABAWASAN ANG ATING PANGANGAILANGAN SA FOREIGN OIL, GAS AT PETROLEUM. IN FACT, SA KASALUKUYAN TAYO AY HIGIT NA 50% NANG SELF SUFFICIENT SA ATING ENERGY REQUIREMENTS.

MAS MALAKI ANG PROTEKSYON NATIN SA BANTANG PAG-AKYAT NG PRESYO NG LANGIS. SA GANITONG PAGTITIPID MAS MALAYO ANG MARARATING NG ATING DOLYAR. LALAWAK ANG ATING AFFORDABLE HOUSING PROGRAM, LIBU-LIBONG TAHANAN ANG ATING ITATAYO. ANG HOUSING CONSTRUCTION PROGRAM NAMAN AY LILIKHA NG LIBU-LIBONG TRABAHO. MAY INDUSTRIYANG KAMAG-ANAK NG HOUSING CONSTRUCTION ANG MAKIKINABANG. MAYROON TAYONG MAKUKUHANG US$500M PARA SA ATING HOUSING PROGRAM NA NANGGALING DOON SA BIYAHE KO SA AMERIKA NOONG NOBYEMBRE.

ANG PONDONG IYAN AY PAPASOK PAGKAPASA NG BATAS TUNGKOL SA SPECIAL PURPOSE VEHICLES. AT DAHIL NAMAN, MAY SARILING LUPA NA ANG MARAMING SQUATTERS AT LALAKAS ANG KANILANG MALASAKIT SA LIPUNAN. YAN ANG INAASAHAN NATIN. DAGDAG NA KAAYUSAN NG SEGURIDAD ANG MAGIGING ABULOY NG ATING LAND DISTRIBUTION AT COMMUNITY MORTGAGE PROGRAM. SA DARATING NA TAON, BIBILIS ANG DATING NG ECONOMIC ASSISTANCE NA IPINANGAKO NG US GOVERNMENT. ITO AY IPINANGAKO NI RPESIDENT BUSH SA AKIN, SA AMING MEETING SA WHITE HOUSE NOONG NOVEMBER 20^TH. ANG ECONOMIC AT MILITARY PACKAGE AY MAY HALAGANG MGA $2B KASAMA DITO ANG $1B NG GENERALIZED SYSTEM OF PREFERENCES. BUKOD SA ECONOMIC ASSISTANCE NG US GOVERNMENT AT MARKET ACCESS SA US MARKET, ANG MGA KINATAWAN PO NG PRIVATE SECTOR AY LUMAGDA NG MARAMING KASUNDUAN SA KAPWA NILA NEGOSYANTE NOONG AKING US VISIT.

SA TAONG ITO, MAKIKITA NATIN ANG MGA IMPLEMENTASYON NG MGA AGREEMENT. ITO AY NAGKAKAHALAGA NG MGA $2 BILLION KASAMA NITO ANG $1B NA ASSET MANAGEMENT COMPANY. SA KABUUAN ANG TINANGGAP NATING ECONOMIC PACKAGE SA AMERIKA AY NAGKAKAHALAGA NG MGA $4 BILLION-- $2 BILLION GOVERNMENT AGREEMENT AND $2 PRIVATE SECTOR INVESTMENT. SA SUSUNOD NA 6 NA BUWAN AY MAGSISIMULA NANG MAGBUNGA ANG ATING PNAGPAGURAN SA NATIONAL ECONOMIC SUMMIT NOONG DECEMBER 10 SA MANILA HOTEL. ANG PAKAY PO SA SUMMIT AY MAGHANAP NG SHORT-TERM, MEDIUM TERM AT LONG TERM SOLUTIONS SA ATING ECONOMIC PROBLEMS NA NANGGALING SA SEPTEMBER 11 ATTACK DOON SA WORLD TRADE CENTER. SA PAGTUTULUNGAN NG GOBYERNO, PRIVATE BUSINESS, EMPLOYERS, TRADE UNIONS AT CIVIL SOCIETY. INAASAHAN PO NATIN NA ANG ATNG NAKITANG SOLUSYON AY LILIKHA NG DAGDAG NA NEGOSYO KASAMA ANG SMALL AND MEDIUM BUSINESS PATI NA MICRO, LILIKHA NG TRABAHO AT MAGPAPALAKAS SA INDUSTRIAL PEACE PARA MAIWASAN ANG LAY-OFF NG MGA MANGGAGAWA O PAGSASARA NG MGA PABRIKA.

MAHALAGA PONG BANGGITIN ANG NATIONAL SOCIO-ECONOMIC SUMMIT AY INIREKOMENDA NG OPPOSITION SENATOR SI BLAS OPLE. SINANG-AYUNAN KO AGAD ANG KANYANG IDEA DAHIL ITO’Y MAGPAPALAKAS SA EKONOMIYA AT MAGPAPALAKAS SA ATING BANSA. ANG DIWA NG PAGTUTULUNGAN AY NAGSIMULA SA NATIONAL SOCIOECONOMIC SUMMIT, ITO’Y NAGSIMULA DOON, DAPAT NATING PALAWIGIN. SANA’Y IPAGPATULOY NG POLITICAL OPPOSITION ANG KANILANG TULONG SA ADMINISTRASYON NA WALANG TAYONG HANAP KUNDI ANG KAUNLARAN AT KAPAYAPAAN NG BAYAN.

INUULIT KO ANG AKING PANAWAGAN SA POLITICAL OPPOSITION NA SUMAMA SA AKIN SA PAGDEKLARA NG MORATORIUM SA SOBRANG PULITIKA, SA PULITIKANG PERSONALAN. SANA PO SA SUSUNOD NA 12 BUWAN, 365 DAYS AY MAGKAROON NG PAGKAKAISA ANG LAHAT NG PARTIDO PARA SA KABUTIHAN NI MR. AND MRS. JUAN DE LA CRUZ. ANG PAGLAGO NG EKONOMIYA, ANG PAGDAMI NG NEGOSYO, ANG PAGLIKHA NG MARAMING TRABAHO, ANG MAS MALAWAK NA KAAYUSAN AY MAGIGING KATOTOHANAN KUNG LAHAT NG PARTIDO, LAHAT NG NGO AT LAHAT NG PILIPINO AY MAGKAKAISA PARA SA KABUTIHAN NG LAHAT. SANA PO AY MAGING MAS MASAGANA AT MAPAYAPA ANG ATING BAGONG TAON. SANA PO AY MAY TRABAHO ANG MAS MARAMI PA SA ATING DAKILANG MANGGAGAWANG PILIPINO.

[HOME]