PGMA's Speech during the First Tricycle Operators and Drivers Association of the Philippines (TODAPHIL) Summit 2002 |
Amoranto Sports Complex, Quezon City (01 June 2002) |
| MARAMING SALAMAT SECRETARY
DINKY SOLIMAN SA IYUNG PAG-IMBITA AT SA IYUNG PAGPAKILALA SA AKIN. AT MARAMING SALAMAT KAY SECRETARY ROY GOLEZ SA IYUNG PAGTULONG NA MA-ORGANIZE ITONG SUMMIT NG TODA. ATING MAYOR NG QUEZON CITY, NA SIYA RIN ANG MAYOR NA KUNG SAAN ISA SA BAWAT APAT NG TRICYCLE DRIVERS AY NAGTA-TATRABAHO, ANG QUEZON CITY MAYOR SONNY BELMONTE; AT NARITO RIN ANG CONGRESSWOMAN NG 4th DISTRICT NG QUEZON CITY SI NANETTE DAZA; AT NANDITO RIN 'YUNG VICE MAYOR NG QUEZON CITY SI HERBERT BAUTISTA; AT GUSTO KONG BATIIN DIN SI GINOONG ADOLFO QUIMING, ANG OVERALL CHAIRMAN NG NCR-TODA COUNCIL NA NAGSALITA KANINA; AT LAHAT NG IBA'T-IBANG MGA LIDERS NG TODA NA PINAKILALA KANINA AT SABAY-SABAY BINIGAY SA AKIN ITONG RESOLUSYON NA ITO; GUSTO KO RING BATIIN SI BEN ABALOS, ANG CHAIRMAN NG METRO MANILA; AT KAYONG LAHAT MGA TRICYCLE DRIVERS: MAGANDANG HAPON SA INYONG LAHAT. AKO AY NASISIYAHAN NA MAKASAMA KAYO SA INYONG PAGPULONG NA ITO. ANG MGA TRICYCLE DRIVERS, ANG MGA TRICYCLE PATI AY KA-AKIBAT NG AKING ADMINISTRASYON TUNGO SA KAUNLARAN NG ATING SAMBAYANAN. NATUTUWA AKONG MALAMAN NA ANG PAGPUPULONG NA ITO AY NABUO DAHIL SA MATIBAY NA GUSTO NG PAMUNUAN NG TODA NA PALAKASIN ANG INYONG PAKIKILAHOK SA MATAPAT NA PAMAMAHALA AT PAGTALAKAY SA MGA USAPING PANLIPUNAN. NOONG AKO AY NAGING PANGULO, SINABI KO NA ISA SA AKING MGA BATAYANG PANINIWALA AY DAPAT MAGKAROON TAYO NG BAGONG PULITIKA. IYONG LUMANG PULITIKA AY PULITIKA NG PERSONALIDAD AT PATRONAGE. ANG BAGONG PULITIKA AY DAPAT PULITIKA NG PROGRAMA NG PARTIDO AT ORGANISADONG KONSULTASYON SA TAUMBAYAN. ITONG GINAGAWA NATIN NGAYON AY ORGANISADONG KONSULTASYON SA MGA TRICYCLE DRIVERS. KAYA ITO AY BAHAGI NG BAGONG PULITIKA NA ATING HINAHANGAD. AT BAHAGI DIN NGA NITONG ORGANISADONG KONSULTASYON AY 'YUNG ORGANISADONG AGENDA NA BINIGAY N'YO SA AKIN. ANG WORKSHOP OUTPUT NA ITO AT 'YUNG MGA TODA SCHOLAR NA BINANGGIT NI GINOONG QUIMING, YUNG MGA PINASOK NATIN SA GMA SCHOLARS NA MGA TODA SA TRABAHO NI ... SA PAG-ORGANIZED NI DINKY SOLIMAN, ITO AY NAGPAPATUNAY SA PANIBAGONG DIREKSIYON NA INYONG TINATAHAK NGAYON. UNA SA LAHAT NGA NAGSASAMA-SAMA KAYO SA MGA PATAKARANG DAPAT MANGYARI. AT PANGALAWA GUSTO N'YONG MAG-ARAL PARA TULUYANG UMUNLAD ANG INYONG BUHAY AT KAKAYAHAN. KAYA ITONG SCHOLARSHIP, AKO AY NASISIYAHAN AT MALAKING KARANGALAN NA MAKAPAMAHAGI SA INYO NG GMA SCHOLARS PARA SA TODA. SANA AY PATULOY KAYONG LUMAKAS AT MAGING MATIBAY NA HALIGI NG ATING LIPUNAN SA PATULOY NATING PAGHARAP SA MGA HAMON NG MAKABAGONG PANAHON. ANG TRICYCLE AY HALIMBAWA SA KASABIHANG "SMALL IS BEAUTIFUL." KASI DI BA MALIIT ANG TRICYCLE, KASING LIIT KO. PATI NA RIN SI DINKY PAREHO KAMI. NGUNIT MALAKI NAMAN ANG NAI-AAMBAG NG INYONG HANAY HINDI LAMANG SA ATING PAMBANSANG EKONOMIYA KUNDI PATI NA RIN SA IKABUBUTI NG KAPAKANAN NG ATING MAMAMAYAN. LAHAT KAYO AY NAGING BAHAGI NA NG PANG-ARAW-ARAW NA BUHAY NG MARAMI NATING KABABAYAN -- SA KANILANG PAGPASOK SA OPISINA, SA PAARALAN, PAGHATID NG MGA PANINDA PATUNGO AT MULA SA PAMILIHAN, MAGING SA PANAHON NG EMERGENCY KAHIT DIS-ORAS NG GABI. DITO NATIN MAKIKITA KUNG GAANO KAHALAGA ANG INYONG IBINIBIGAY NA SERBISYO SA PUBLIKO. NAALAALA KO MINSAN NUNG AKO AY SENADOR PA, UMABOT AKO... PUPUNTA SANA AKO DOON SA... DOON SA ISANG ISLA NG ROMBLON, YUNG TINATAWAG NILANG 'PHILIPPINE BERMUDA TRIANGLE.' EH SUMAMA ANG PANAHON, NAG-LANDING AKO SA MAINLAND ROMBLON. WALA NAMANG MGA TELEPONO SO WALANG MAY ALAM KUNG SAAN AKO NAG-LANDING, KAYA WALANG NAGSALUBONG SA AKIN. KAYA KAILANGAN HUMANAP AKO KUNG SAAN AKO PUPUNTA SA IBANG BAYAN NA PANTALAN WALANG EROPLANO, WALANG BARKO, WALANG JEEP, WALANG KOTSE, PERO SA MALAYONG LUGAR NA 'YON MAY TRICYCLE KAYA' YON ANG AKING GINAMIT. MINSAN NAMAN NAGPUNTA AKO DOON SA ISLA NG CAGAYANCILLO. ALAM N'YO 'YUNG TUBBATAHA NAKITA NINYO AKO AY NAGDA-DIVING SA TUBBATAHA, ANG TUBBATAHA AY BAHAGI NG BAYAN NG CAGAYANCILLO, NASA GITNA NG SULU SEA, NASA GITNA NG NOTHING, MIDDLE OF NOWHERE. PERO PAG LANDING KO DOON SA HELICOPTER MAY TRICYCLE NA NAMAN. KAYA DAHIL SA INYO, NAKAKA-ASA ANG MGA PASAHERO NA MAKARARATING SILA SA KANILANG PAROROONAN, UMUULAN MAN O BUMABAGYO NANDOON PA RIN KAYO. KAYA SA PAMAMAGITAN NG SUMMIT NA ITO, UMAASA AKO NA TALAGANG KATUWANG TAYO UPANG MAKAMIT ANG PAMBANSANG KATATAGAN AT KAUNLARAN. KAILANGAN KO KAYO. ANG SEKTOR NG TRICYCLE DRIVER AY MATATAGPUAN, GAYA NANG PINALIWANAG KO KANINA ANG HALIMBAWA, SA HALOS LAHAT NG SULOK NG ATING BANSA, AT UMAABOT NA RAW SA WALONG DAANG LIBONG KATAO ANG INYONG KABUUANG BILANG. DAHIL DITO, LALONG NAGING MAHALAGA ANG INYONG PAKIKILAHOK AT PAKIKIISA SA ATING MGA PROGRAMA UPANG LABANAN ANG KAHIRAPAN AT I-ANGAT ANG KABUHAYAN NG BAWAT PILIPINO PARTIKULAR NA ANG MGA MAHIHIRAP DITO SA LUNGSOD KAGAYA NG QUEZON CITY NGA KUNG SAAN ONE-FOURTH NG TRICYCLE DRIVER AY NANDITO SA QUEZON CITY. DOON DIN SA CALOOCAN 'YUNG NUMBER TWO NA PINAKAMARAMING TRICYCLE DRIVER, PINAKA-DENSE. MAGING SA KANAYUNAN NGA KAGAYA NG MGA MALALAYONG LUGAR NG ROMBLON O CAGAYANCILLO O BATANES. NOONG AKO AY MAUPO BILANG PANGULO, SINABI KO NA DAPAT MANALO TAYO LABAN SA KAHIRAPAN SA LOOB NG DEKADANG ITO. MATAPOS NGAYON, MAY ISANG TAON AT KALAHATI NG AKING PAMAMAHALA, MASASABI KONG TAYO AY NASA TAMANG LANDAS. DAHIL SA PAGPAPATUPAD NG WASTONG PATAKARAN, ANG ATING EKONOMIYA AY SUMUSULONG BAGAMA'T MARAMI AT MAS MALAKI PANG MGA MAS MAYAMANG EKONOMIYA AY DUMANAS NG PAGHINA. ANG NAITALANG PAGTAAS NG ATING EKONOMIYA NOONG NAKARAANG TAON AY ISA SA PINAKAMATAAS NA KUNG IHAHAMBING NATIN SA ATING MGA KARATIG-BANSA SA TIMOG-SILANGANG ASYA MAGING SA MGA MAYAYAMAN NA BANSA NG MUNDO. HALIMBAWA, NAKALIKHA TAYO NG HIGIT SA ISA'T-KALAHATING MILYONG TRABAHO NOONG NAKARAANG TAON, KAYA LAMANG KAILANGAN MAGHANAP PA TAYO NG TRABAHO PARA SA APAT NA MILYONG PILIPINO. AT ANG PINAKA-MATAAS NA UNEMPLOYMENT RATE SA BUONG PILIPINAS AY DITO MISMO SA METRO MANILA. KAYA 'YAN ANG ATING HAMON -- MAKAHANAP NG TRABAHO PARA SA ATING MGA MAMAMAYAN NA NASA METRO MANILA. AT MERON DING NAGSASABI NA, "PATAAS NANG PATAAS DAW ANG PRESYO NG BILIHIN." ANG NAGSASABI NITO AY HINDI GUMAGALANG SA MALASAKIT NG MGA TRICYCLE DRIVERS. PERO AKO, GUSTO KONG MAG-PASALAMAT SA INYO DAHIL MULA NOONG AKO AY NAGING PANGULO HINDI PA N'YO TINATAAS ANG PASAHE. KAYA, MASASABI NATIN AT DAHIL SA INYONG MALASAKIT NASASABI NATIN NA ANG PRESYO NG MGA PANGUNAHING BILIHIN AY PAREHO PA RIN TULAD NG BIGAS, GALUNGGONG, GAMOT, PASAHE. IYON NGANG PRESYO NG MGA KARANIWANG GAMOT NA BINIBILI NG MGA MAHIHIRAP AY NAHATI NATIN. MAHAHANAP ITONG MGA GAMOT SA MGA PARMASYA NG MGA OSPITAL NG PAMAHALAAN. PERO SIGURO DINKY, ROY DAHIL MALAKI ANG TODA BAKA PWEDE TAYONG GUMAWA NG COOPERATIVE NA PARMASYA NG TODA NA MAGBEBENTA... NA MAGBEBENTA NG GAMOT SA KALAHATING PRESYO, KUNG 'YUNG TODA MISMO ANG MAG-AANGKAT NG GAMOT SA PAMAMAGITAN NG PHILIPPINE INTERNATIONAL TRADING CORPORATION. SA MGA PINAHAYAG KONG LAYUNIN SA AKING STATE OF THE NATION ADDRESS NOONG ISANG TAON, TATLUMPU'T-LIMA NA ANG ATING NATAPOS AT LABINDALAWA NA LAMANG ANG KASALUKUYANG IPINAPATUPAD PA. KASAMA NA RITO ANG KATIYAKAN SA LUPANG TINITIRIKAN NG SANDAAN AT LIMAMPUNG LIBONG MARALITANG TAGA-LUNGSOD. MAHIGIT SA TATLUMPU'T APAT -- SANA DOON SA MGA NAKAKUHA NG KARAPATAN -- 'YUNG MGA SQUATTER NA NAKUHA NG KARAPATAN NA BILHIN ANG SARILI NILANG LUPANG TINITIRIKAN, 150,000 FAMILIES NA YON. SANA KASAMA ANG ILANG PAMILYA NG TODA DOON SA MGA 'YON. AT MAHIGIT NA TATLUMPU'T-APAT NA LIBONG MANGGAGAWA ANG ATING NABIGYAN NG TULONG PINANSIYAL PARA SA PABAHAY. NGUNI'T ITO AY GUSTO KONG PAABUTIN SA ISANDAANG LIBO SA SUSUNOD NA TATLONG BUWAN. EH BAKA NAMAN ANG TODA AY MAKATULONG BUMUO NG ISANG HOUSING PROGRAM PARA SA MGA TRICYCLE DRIVERS. AT SANA RIN, SANA RIN MARAMING TRICYCLE DRIVERS AND KASAMA SA NA-ABOT NATING TARGET NA KALAHATING MILYONG MARALITANG TAGA-LUNGSOD AY MABIGYAN NG HEALTH INSURANCE COVERAGE. DAHIL NGAYON HALOS MILYON-AT-KALAHATI NA PILIPINO AY MAY HEALTH INSURANCE NA. AT ALAM KONG NAPAKAMAHAL ANG MAGKASAKIT KAYA MAHALAGANG MAY SASAGOT SA INYONG MGA GASTOS SA PAGPAPAGAMOT PAG KAYO AY NAGKASAKIT, LALO NA KATULAD NINYO MGA TRICYCLE DRIVER NA MAAARING MAAKSIDENTE HABANG NAMAMASADA, AT ANG SAGOT NGA DITO AY ANG PHILIPPINE HEALTH INSURANCE. PATULOY ANG ATING PAGKILOS UPANG TUGUNAN ANG MGA PANGANGAILANGAN NG ATING MGA MAMAMAYAN. EH TUNGKOL SA MGA ISYUNG INYONG INIHARAP SA AKIN NGAYON, MALAMANG -- HINDI KO PA KASI NABABASA, NGAYON LANG BINIGAY SA AKIN EH. BINABASA KO MABILIS SANA PERO IN-INTRODUCE NA AKO NI DINKY EH -- PERO MALAMANG ANG IBA DITO AY HALOS SAKOP NA SA MGA PROGRAM NA BINANGGIT KO. AT NAKAKATIYAK KAYO NA PAGSISIKAPAN KONG MATUGUNAN ANG KARAMIHAN KUNDI MAN LAHAT NG INYONG KAHILINGAN. ANG MGA ITO AY ATING PAG-AARALAN AT IPAPASURI SA MGA KINAUUKULANG AHENSIYA NG PAMAHALAAN, PARA MAGING MAS MABISA ANG MAGIGING KATUGUNAN. EH, NANDIYAN NA SI ROY GOLEZ, ANG ATING NATIONAL SECURITY ADVISER, SANAY NA KAYO MAKIPAG-USAP SA KANYA, SO SIYA NA ANG MAKIKIPAG-USAP SA INYO HANGGANG KUNTING-KONTI ILILIPAT NIYA ITO SA KINAUUKULANG TAUHAN NI SI SECRETARY BEBOT ALVAREZ NG DOTC. PERO UMAASA RIN AKO SA INYONG PAGTULONG UPANG MABILIS NATING MALUTAS ANG MGA USAPING ITO. ANG MGA TAGUMPAY NINYO SA MGA NAKARAANG PANAHON AY NAWA'Y MAGSILBING INSPIRASYON SA LAHAT NG INYONG MGA KASAPI UPANG LALONG MAGING MATATAG AT MAUNLAD ANG INYONG SAMAHAN. SA PANAHON NGAYON, HIGIT NA KAILANGAN NG ATING LIPUNAN ANG MGA ORGANISASYONG TULAD NINYO NA HANDANG MAKIALAM AT MAKI-ISA SA PAMAHALAAN SA PAMAMAGITAN NG MABISANG UGNAYAN AT PAGTUTULUNGAN. KAYO AY BAHAGI NG DAKILANG MANGGAGAWANG PILIPINO. KAYO ANG TUNAY NA KABALIKAT NG PAMAHALAAN SA PAGSULONG NG ATING EKONOMIYA, PAGIGING MATATAG NG ATING DEMOKRASYA, AT PAGPAPALAKAS SA KAKAYAHAN NG PILIPINO UPANG MAKIPAG-SABAYAN KANINUMAN SA BUONG MUNDO. MULI KONG BINABATI ANG TODAPHIL AT ANG LAHAT NG INYONG MGA KASAPI, LALUNG-LALO NA ANG INYONG MGA MAKIKISIG AT MASISIPAG NA PINUNO NA NARITO NAKA-UPO SA MATAGUMPAY NINYONG PAGDARAOS SA SUMMIT NA ITO. MABUHAY ANG TODA! MARAMING SALAMAT SA INYONG LAHAT! |