PGMA's Speech during the Celebration of the Social Housing Week |
Amoranto Stadium, Quezon City (04 June 2002) |
| MARAMING SALAMAT KAY GENERAL
MANAGER ED PAMINTUAN SA IYONG PAGPAKILALA SA AKIN. AT GUSTO KONG BATIIN ANG ATING MGA OFFICIALS NG GOBYERNO NA NARITO NGAYON. NANDITO YUNG ATING DALAWANG CONGRESSMEN, SI CONGRESSMAN CHUCK MATHAY AT SAKA SI CONGRESSMAN ZIALCITA. AT NANDITO YUNG ATING HOST SA NAPAKA-IMPORTANTENG LUNGSOD NG QUEZON CITY -- AT CONGRATULATIONS SONNY ANG GANDA-GANDA PALA NITO IYONG AMORANTO STADIUM, GAGAMITIN KO RIN ITO SIGURO SA SUSUNOD NA MGA AFFAIRS KO; CHAIRMAN ROSEL ALEX SANTOS AT IBA'T IBA PANG MGA OFFICIALS AT KASAMA NG SOCIAL HOUSING MOVEMENT; YUNG ATING MGA AWARDEE; MGA MINAMAHAL KONG MARALITANG TAGA-LUNGSOD; DISTINGUISHED GUESTS; MGA KABABAYAN: AKO AY NAGAGALAK NA MAKILALA ANG MGA ORGANISASYON NA NAGBIBIGAY NG SUPORTA PARA TULUYAN NATING MAPAGTAGUMPAYAN ANG HANGARING MAS MAAYOS ANG BUHAY NG ATING MAMAMAYAN. KASI, KAILANGAN TALAGA, SA BAGONG PULITIKA, HINDI LAMANG PERSONALIDAD AT PULITIKO ANG NANGUNGUNA, HINDI LAMANG ANG PATRONAGE ANG NANGINGIBABAW. SA BAGONG PULITIKA, IMPORTANTE ANG PLATAPORMA AT IMPORTANTE ANG INSTITUSYONAL NA PAKIKIPAG-UGNAY SA TAONG-BAYAN. BAHAGI SA INSTITUSYONAL NA PAKIKIPAG-UGNAY SA TAONG-BAYAN AY ANG PAPEL NG MGA NGO KAGAYA NG SOCIAL HOUSING MOVEMENT. KAYA AKO AY NAPARITO SA INYONG SELEBRASYON, DAHIL ITO AY PAGSAMA NG BAHAGI NG SEKTOR NA KAUGNAY SA PAMAMAHAGI NG DISENTENG PABAHAY AT LUPA AT PARAAN KUNG PAPAANO ANG TAONG-BAYAN AY MAGSAMA-SAMA AT MAKAHANAP NG AGARAN MAGING PANGMATAGALAN NA SOLUSYON SA LUMALAWAK NA PANGANGAILANGANG PABAHAY NG ATING MGA MAMAMAYAN, LALO NA IYONG MGA MAHIHIRAP. BINABATI KO ANG MGA OPISYAL AT KASAPI NG SOCIAL HOUSING MOVEMENT SA INYONG SELEBRASYON. SALAMAT RIN SA MGA OPISYAL NG PAMAHALAAN NA NARITO -- SI SONNY BELMONTE, YUNG DALAWANG CONGRESSMAN, YUNG MGA NAMUMUNO NG MGA HOUSING AGENCIES NA NARITO -- SILA AY NANDITO SA PAGPUPULONG AT NAKIKIBAHAGI NG IMPORTANTENG IMPORMASYON AT IDEYA NA MAKAKATATAG SA ATING PINAGKAKAISANG PAGSISIKAP NA IPAABOT SA KAKAYAHAN NG MAHIHIRAP ANG KATIYAKAN SA LUPA. SABI KO KANINA NA ANG BAGONG PULITIKA AY DAPAT MAY PLATAPORMA. KLARONG-KLARO ANG PLATAPORMA NG ATING PAMAHALAAN NGAYON. ANG ATING SINISIKAP AY MASUGPO ANG KAHIRAPAN SA LOOB NG DEKADA. ANG LAYUNING ITO AY MAY APAT NA AGENDA: UNA, TRABAHO NA MANGGAGALING SA INVESTMENTS; PANGALAWA, MODERNISASYON NG AGRIKULTURA KAUGNAY NG SOCIAL EQUITY; PANGATLO, ESPESYAL NA PANSIN SA MGA KAPUS-PALAD; AT, PANG-APAT, IANGAT ANG SUKAT NG MORALIDAD SA PAMAHALAAN AT LIPUNAN. IYONG PANGATLO, IYONG ESPESYAL NA PANSIN SA KAPUS-PALAD, SAKOP NITO AY SUMIKAP NA MAKAMIT NG MAHIHIRAP ANG KATIYAKAN SA LUPANG TINITIRIKAN. NAPAG-ALAMAN KO NA MATAGAL NA ITONG ORGANISASYONG SOCIAL HOUSING MOVEMENT, AT MARAMI NA ANG INYONG MGA NAGAWA SA LARANGAN NG PABAHAY. KABILANG DITO ANG AKTIBONG PARTISIPASYON SA RELOKASYON, SA COMMUNITY ORGANIZING, SA SITE DEVELOPMENT, SA SOCIO-ECONOMIC SURVEY AT IBA PA. NAGLILINGKOD KAYO SA MARALITANG TAGA-LUNSOD, GANOON DIN ANG AKING PAMAHALAAN. KAYA SINASABI KO PARATI ... AY AYUN SI CONGRESSMAN BUTZ AQUINO, TAWAGIN NATIN PARA PUMUNTA SIYA DITO, SIYA RIN AY ISANG AWARDEE, BUTZ ... AY AYUN SI MIKE DEFENSOR KANINA KO PA HINAHANAP SIGURO NAHULI KA. HALIKA BUTZ, HALIKA NA RIN MIKE. SI BUTZ AY ISANG AWARDEE AT SI MIKE NAMAN ANG SANANG DAPAT NAGPAKILALA SA AKIN. HI MIKE. HI BUTZ. MORNING, MORNING, AT CONGRATULATIONS HA. BAKA MATULUNGAN MO AKO. ANYWAY, YUNG SINASABI KO, YUNG MARALITANG TAGA-LUNSOD, PARATING SINASABI KO, ANG MARALITANG TAGA-LUNGSOD AY HINDI DAPAT TINUTURING BILANG PROBLEMA. ANG MARALITANG TAGA-LUNGSOD AY DAPAT TINUTURING BILANG BAHAGI NG SOLUSYON. ITO AY SA PAMAMAGITAN NG PEOPLE'S ORGANIZATIONS. ANG ISANG MALAKING SOLUSYON AY TULUNGANG MAKAMIT SA MARALITANG MGA TAGA-LUNSOD NA MAGKAROON NG KATIYAKAN NG LUPA SA TINITIRIKAN. NAGAWA NA NATIN ITO, SA UNANG TAON NG AKING ADMINISTRASYON, PARA MAHIGIT NA 150,000 FAMILIES. KARAMIHAN SA 150,000 NA NAKAKUHA NG KATIYAKAN SA TINITIRIKANG LUPA AY IYONG MGA NAKATIRA SA LUPA NG GOBYERNO NA HINDI NA GINAGAMIT NG GOBYERNO. INUTOS KO NA ITONG MGA LUPA NG GOBYERNO NA HINDI GINAGAMIT, TULAD NG NASA MALAPIT SA RILES SA TREN NA WALA NANG TRENG DUMADAAN, AY IBENTA NA SA MURANG HALAGA SA MGA NAKATIRA DOON. DINEKLARA NA RIN NATIN ANG ILANG ALIENABLE AND DISPOSABLE AREAS PARA MABILI NA NG MARALITANG TAGA-LUNSOD. MERON NAMANG ILAN AY NAKATIRA SA LUPANG PRIBADO NGUNIT NAKAPASOK SA COMMUNITY MORTGAGE PROGRAM. DITO AY MALAKING KABALIKAT ANG MGA NGO KAGAYA NG SOCIAL HOUSING MOVEMENT. KUNG MINSAN, HINDI NATIN MAIWASAN NA I-RELOCATE ANG MGA TINATAWAG NA SQUATTER. HALIMBAWA, IYONG MGA NAKATIRA SA MGA MAPANGANIB NA LUGAR, TULAD NG SA ILALIM NG TULAY, TABI NG ILOG, TABI NG RILES NG TREN, NADADAANAN PA NG TREN, AT MGA LUGAR NA BAHAIN. DITO KAILANGAN DIN NG TULONG NG MGA NGO KAGAYA NG SOCIAL HOUSING MOVEMENT. ISA PANG KINAKAILANGAN BIGYAN NG RELOKASYON AY YUNG MGA NAKATIRA SA MGA RIGHT-OF-WAY AREAS. GANOON DIN YUNG MGA SQUATTER NA NADE-DEMOLISH DAHIL SA COURT ORDER, AT KARANIWAN ITONG COURT ORDER AY DAHIL PRIBADO ANG MAY-ARI NG LUPA. ITONG MGA ITO, KAILANGAN TULUNGAN MAKAHANAP NG MALILIPATAN. KAYA ITONG ARAW NA ITO, INUULIT KO NA ANG PABAHAY AT KATIYAKAN SA LUPA AY ISANG SENTRO NG PLATAPORMA NG ATING PAMAHALAAN. NAPAKALAKI NG PAPEL NG SEKTOR NG PABAHAY UPANG MAPALAWAK ANG ATING EKONOMIYA. KAPAG MAY KATIYAKAN SA LUPANG TINITIRIKAN NG ISANG MAMAMAYAN, 'PAG MERON NA SIYANG HAWAK NA PAPEL, ITONG PAPEL AY NAGAGAMIT PARA MAKAHIRAM NG PUHUNANG PANGHANAPBUHAY. HINDI KAILANGANG TRANSFER CERTIFICATE OF TITLE, MARAMING PAPEL NA GINAGALANG NG MGA NAGPAPAUTANG. ITO AY NANGYAYARI NA SA MARAMING IBANG BANSA, AT NANGYAYARI NA RIN SA PILIPINAS, AYON SA PAG-AARAL NG ISANG DALUBHASA SA MGA BAGAY NA ITO NA ANG TINATAWAG AY SI HERNANDO DE SOTO. GUSTO NATING LUMAWAK ITONG SISTEMA PARA YUNG MGA MARALITANG TAGALUNSOD AY MAGAMIT ANG LUPANG TINITIRIKAN HINDI LAMANG PARA MAKATIRA DOON KUNG HINDI PARA MAGING COLLATERAL PARA MAGKAROON NG PUHUNANG PANGKABUHAYAN. SA GANOON MAGKAKAROON NG HANAPBUHAY ANG DATING SQUATTER AT BABABA ANG ATING MALAKING UNEMPLOYMENT RATE. ITO AY BAHAGI SA MGA DAHILAN KUNG BAKIT TAYO AY NAGBIBIGAY NG PANGUNAHING IMPORTANSYA SA PAGKATIYAK NG LUPANG TINITIRIKAN PARA SA MARALITANG TAGALUNSOD. SIGURO, IYONG NAKAMIT NATING GANITO PARA SA HIGIT NA 150,000 FAMILIES SA LOOB NG ISANG TAON AY TESTIGO NG SINSERIDAD NG INYONG PAMAHALAAN TUNGKOL DITO. SA IBABAW NG KATIYAKAN SA LUPANG TINITIRIKAN, NAGHAHANAP DIN TAYO NG MURANG BAHAY PARA SA ATING MGA PINAKA-DUKHA. HALIMBAWA, MAY NAKITA AKONG BAHAY SA BULACAN NA GAWA SA KAWAYAN NA UMAABOT LAMANG SA 18,000 PESOS ANG PAGGAWA. MAGANDA AT MATIPID NA HALFWAY HOUSE ITO PARA SA MGA NIRE-RELOCATE NG TIRAHAN. ANG HUDCC -- KAYA MABUTI AY UMABOT DIN SI MIKE DEFENSOR DITO -- ANG PANGUNAHING AHENSIYA NA NAMAMAHALA SA MGA BAGAY NG PABAHAY AT LUPA. MARAMI MINANANA SI MIKE AT YUNG KANYA MGA AHENSYA MGA BAKANTENG BAHAY MULA SA NAKARAANG ADMINISTRASYON AT ITO AY PINAGBIBILI NGAYON SA DISCOUNTED PRICES. ITO AY ISA LAMANG KATIBAYAN NG ATING PAGSISIKAP NA BIGYAN NG ESPESYAL NA PANSIN ANG ATING MGA KAPUS-PALAD SA ATING PLANO NG ECONOMIC DEVELOPMENT. SANA YUNG SOCIAL HOUSING MOVEMENT KUNIN YUNG IMBENTARYO NITONG BAHAY NA NAKATIWANGWANG PARA SA GANOON MAKAHANAP KAYO NG MGA BENEFICIARIES NA PUWEDENG BUMILI NITO ON LEASE-TO-OWN OR LONG-TERM LEASE OR EASY-INSTALLMENT BASIS. ANG HUDCC RIN AY NAGHAHANAP NG PONDO PARA SA MGA BAHAY PARA SA MGA MANGGAGAWA. ANG GSIS AY ISANG HANDANG MAGPONDO NITO. KANYA LAMANG, ANG GSIS HINDI SIYA NAGRE-RETAIL KASI HINDI NAMAN TRABAHO NG GSIS YUNG HOUSING MISMO; YUNG PONDO LANG NIYA BILANG INVESTMENT NILALAGAY SA HOUSING PERO HINDI SIYA ANG GUMAGAWA NG HOUSING MISMO. KAYA KAILANGAN YUNG PONDO NG GSIS NA PUWEDE PARA SA HOUSING, ITO AY DUMADAAN SA MGA BANGKO NA MAGIGING PARANG MIDDLE-MAN NG PONDONG ITO. KANYA LAMANG SA NGAYON TAKOT PA YUNG MGA BANGKO NA MASYADONG MAGING AGRESIBO DAHIL NOONG 1997, NUNG ASIAN CRISIS, AT YUNG YEAR 2000NA NAGKAROON NG POST-BW CRISIS, NAPASO YUNG MGA BANGKO SA MARAMING UTANG SA PABAHAY NA HINDI NABABAYAD SA KANILA DAHIL SA PAGBAGSAK NG MGA EKONOMIYA NUNG MGA TAONG IYON. KAYA SANA ANG MGA NGO -- HINDI LAMANG YUNG MGA NGO, YUNG MGA SOCIALLY-ORIENTED NEGOSYANTE, NAKITA KO SI ... SAAN DIYAN? SILA, UMALIS NA BA? SILA NONOY ICAFORT, NAWALA NA. SANA NANDIYAN PA SILA KASI NANAWAGAN AKO DITO SA MGA NEGOSYANTE NA SANA MAMUHUNAN SILA. MERON NAMANG PONDO PERO KAILANGAN MAY NAMUMUHUNAN, MAY NAGPAPATAKBO, NAGDE-DEVELOP. PATI NA RIN YUNG SOCIAL HOUSING MOVEMENT, MGA NGO, SANA TULUNGAN ANG PAMAHALAAN RITO, LALO NA IYONG MGA NGO NA NAKAPAGPATUNAY NA NA SILA AY MABUTING CREDIT RISK KASI KAILANGAN NG MARAMING MIDDLEMEN NA SILA ANG TALAGANG GAGAWA NG HOUSING DEVELOPMENT. ISANG DAHILAN KUNG BAKIT NAIIPIT ANG MGA BANGKO RIN AY MATAGAL SILANG MABAYARAN DAHIL MATAGAL MABAWI ANG PUHUNAN NG HOUSING DAW, AT ITO NAMAN AY DAHIL MAHABA ANG RED TAPE BAGO TALAGA MAKASIMULA NG DEVELOPMENT AT MAKABENTA NG BAHAY. SIGURO ALAM ITO NG SOCIAL HOUSING MOVEMENT DAHIL DUMADAAN SILA SA MGA RED TAPE NA ITO. KAYA ANG ISANG MALAKING GINAWA NG HUDCC AY MALAKING BAWAS SA RED TAPE SA PROSESO NG HOUSING PERMITS. MIKE, HINDI BA DATI 188? NGAYON, 40 SIGNATURES NA LAMANG ANG KAILANGAN. HINDI BA NUNG ARAW, MIKE, TWO-AND-A-HALF YEARS BAGO MATAPOS YUNG PAPELES BAGO MAGSIMULA NG DEVELOPMENT? NGAYON AY THREE MONTHS NA LAMANG. KAYA SANA YUNG MGA NGO NA MAY KAKAYAHAN, YUNG MGA NEGOSYANTE NA MAY KAALAMAN SA DEVELOPMENT AY PUMUNTA NAMAN KAYO SA LOW-COST HOUSING DAHIL MARAMING KAILANGANG HOUSING PARA SA ATING MGA MANGGAGAWA. SA MGA SUMUSUNOD NA DALAWANG TAON, ANG HUDCC AY GAGAWA PA NA ILANG PANGUNAHING DIREKSYON PARA SA SEKTOR NG PABAHAY. MAS MADALI NANG MAKAUTANG NGAYON PARA SA PABAHAY. ANG HALAGA NG PAUTANG NGAYON AY PINAKAMABABA SA KASAYSAYAN NG ATING BANSA. ITO AY DAHIL NA RIN SA MAHUSAY NA PAGHAWAK NG PAMAHALAAN SA NATIONAL BUDGET. MALIIT NA LAMANG ANG ATING BUDGET DEFICIT, KAYA KONTI NA LANG ANG HINIHIRAM NG GOBYERNO, KAYA HINDI NAKIKIPAG-KOMPETENSIYA SA PRIBADONG SEKTOR SA PAUTANG. ANG KOMPETENSIYA SA PAUTANG KASI ANG ISA NA NAGPAPATAAS SA INTEREST RATE. KAYA KUNG YUNG ISANG DATING MALAKING HUMIHIRAM NAGKOKOMPETENSIYA KAGAYA NG GOBYERNO AY NANAHIMIK NA AT HINDI NA MASYADO HUMIHIRAM, BUMABABA ANG INTEREST RATE. NGAYON PANAHON NA NG MGA DEVELOPERS AT SAKA YUNG MGA GUSTONG MAG-HOUSING LOAN NA HUMIRAM PARA MAGKAROON NG HOUSING YUNG ATING MGA MANGGAGAWA. AKO AY NAGLILIBOT NOON PA SA MARALITANG TAGA-LUNGSOD HINDI PA AKO PANGULO, AT SA PAGLILIBOT KO PARATING SINASABI NG MGA MARALITANG TAGA-LUNSOD NA ANG PANGUNAHING KAILANGAN NILA AY KATIYAKAN SA LUPA, O KUNG SA INGLES SHELTER SECURITY. ITO ANG DAHILAN KUNG BAKIT GUSTO KO NA MAY 150,000 FAMILIES NA MAGKAKAROON NG SHELTER SECURITY BAWA'T TAON. NATUPAD NATIN ITO NOONG NAKARAANG TAON, SANA MATULUNGAN AKO NG MGA NGO KAGAYA NG SOCIAL HOUSING MOVEMENT NA MATUPAD ITO ULI NGAYONG TAON. KASI NOONG ISANG TAON, MARAMING NAPAMAHAGING LUPA AY LUPA NG GOBYERNO. NGAYON DAHIL MARAMI NANG LUPA NG GOBYERNO AY NAMAHAGI NA, MAS MARAMING COMMUNITY MORTGAGE PROGRAM ANG DAPAT NATING GAWIN PARA MAKAABOT SA 150,000 FAMILIES NA BENEFICIARY. AT ALAM KO NA ANG COMMUNITY MORTGAGE PROGRAM AY YUN ANG MGA ACTIVITY NG MGA NGO KAGAYA NG SOCIAL HOUSING MOVEMENT. GUSTO KO RIN NA MAKATAYO ANG ATING BANSA TAUN-TAON NG 100,000 UNITS NG LOW-COST HOUSING PARA SA MGA MANGGAGAWA, AT 50,000 UNITS NG SOCIALIZED HOUSING PARA SA MGA PINAKAMAHIHIRAP SA LAHAT. ALAM KO NA KUNG KAYA DIN LANG NG ATING MGA MAHIHIRAP, AYAW NG ATING MAHIHIRAP NA MAGING SQUATTER. TALAGANG NAKAKALUNGKOT NA MAGING SQUATTER SA SARILING BAYAN. PERO NAPAKAHIRAP NA MAKAKUHA NG LUPA SA LUNGSOD DAHIL MATAAS ANG PRESYO NG LUPA SA LUNGSOD. GANOON PA MAN, NAUUNAWAAN KO ANG PANGARAP NG BAWAT TAO NA MAGKAROON NG DISENTE AT TIYAK NA TAHANAN. NABANGGIT KO NA WALA NAMAN TALAGANG KUNG KAYA LANG GUSTO MAGING SQUATTER SA SARILING BAYAN. KAILANGANG I-CORRECT KO ANG AKING SARILI SANDALI: MAYROON GUSTONG MAGING SQUATTER, YUNG MGA PROFESSIONAL SQUATTERS. AT YUNG PROFESSIONAL SQUATTERS NAGPAPAHIRAP SA ATING TRABAHO NA MAGBIGAY NG KARAPATAN SA MGA GENUINE NA LANDLESS NA GUSTONG MAGKAROON TALAGA NG LUPANG TINITIRIKAN NA MAY SEGURIDAD. KAYA ISA SA MGA HINIHINGI NG SOCIAL HOUSING MOVEMENT SA AKIN AY GUMAWA NG TASK FORCE, YUNG ANTI-PROFESSIONAL SQUATTING TASK FORCE PARA MAHIWALAY NATIN YUNG GENUINE LANDLESS NA NAGHAHANAP NG TAHANAN DOON SA MGA PROFESSIONAL NA GINAGAMIT YUNG PAGKA-SQUAT PARA MAGHANAPBUHAY. KAYA ITONG TASK FORCE NA ITO AY TINATAYO KO NGAYON, SIYEMPRE ANG CHAIRMAN NA NAMAN AY SI MIKE DEFENSOR DAHIL SIYA ANG NAMAMAHALA SA MGA PROBLEMA NG LUPA. PERO TUMATANGO SI MIKE EH, SO OKAY RIN SA KANYA. ACTUALLY, MAYROON NA TAYONG MGA GINAWANG GANITO, PAG YUNG MGA NGO AY NAGSUSUMBONG SA MAY ILANG MGA KILALANG PROFESSIONAL SQUATTER MAYROON NA TAYONG MGA NAHULI, MAYROON NA TAYONG MGA NAKASUHAN. SO ALAM NATIN NA PUWEDE TAYONG MAGKAROON NG SUCCESS BASTA TAYO AY ILALAGAY NATIN ANG ATING ATENSYON DOON. ITO AY ISANG NANGGALING NA RIN SA SOCIAL HOUSING MOVEMENT NA PANUKALA. ITO AY BAHAGI NG BUNGA NG ATING INSTITUTIONALIZED CONSULATATION SA CITIZENRY. AT ITO AY GINAGAWA KO DAHIL KAYO AT IBA PANG MGA NGO AY NAGPAPANUKALA NA DAPAT IHIWALAY YUNG GENUINE NA NAGHAHANAP NG LUPA SA MGA PROFESSIONAL SQUATTERS. KAYO NAMAN, ILAN BA DITO ANG TIGA-PAYATAS? MAYROON BA? NANDIYAN PALA SI ATTY. PEREZ, OKAY. MAYROON AKONG DALAWANG MENSAHE SA PAYATAS: YUNG ISA YUNG SINABI NI ATTY. PEREZ NA IDEKLARA NA LANG YUNG BUO BILANG ALIENABLE TAPOS MAGLALAGAY NA LAMANG NG PROBISYON NA KUNG MAY PRIVATE SECTOR NA MAY-ARI NA PUWEDENG MAPATUNAYAN NA SIYANG MAY-ARI, IGAGALANG YUN. SO ACTUALLY, PINAGAWA NATIN NA HOMEWORK SA DENR AT SINUBMIT NA NG DENR LAHAT YUNG RESULTA NG MGA HOMEWORK NIYA AT NANDOON NA SA AKING ABOGADO, KAY SECRETARY NONONG CRUZ, PARA MABUO ANG EXECUTIVE ORDER NA PROTEKTADO KAYO AT PROTEKTADO AKO. YUNG PANGALAWANG MENSAHE KO SA PAYATAS: DALAWANG BESES NA AKONG NAGPUNTA DOON SINABI KO YUNG TULAY BETWEEN PAYATAS A AND PAYATAS B, SUMULAT SI CHAIRWOMAN SA AKIN NA NUNG PINALLOW-UP NIYA SA DILG AY RINIJECT SIYA, EH KASI HINDI NAMAN SA DILG PINA-FOLLOW-UP ITO. ITO AY ANG PANGALAN NG PROJECT AY TULAY NG PANGULO, ITO AY OFFICE OF THE PRESIDENT AT SAKA DPWH. KAYA NUNG NAKUHA KO YUNG SULAT NI CHAIRMWOMAN NA TINANGGIHAN SIYA NG DILG, SINABI KO RIN KAY NONONG CRUZ ASIKASUHIN NIYA ITO SA DPWH. KAYA YUN HO AY ITUTULOY NATIN YUNG TULAY NG PANGULO DOON PO SA PAYATAS. YUN PO ANG MEDYO DALAWANG BINANGGIT NG SOCIAL HOUSING MOVEMENT NA SANA MASAGOT KO YUNG PROBLEMA YUNG PANUKALA NI ATTY. PEREZ -- HINDI NAMAN SIYA ATTORNEY PERO SABI KO ANG GALING-GALING KASI NAISIPAN NIYA YUNG IDEYANG GANOON KAYA TAWAG KO ATTY. PEREZ -- AT SAKA YUNG ISSUE NG PROFESSIONAL SQUATTERS, OO YUNG SYNDICATES, YUNG SYNDICATES, SO YUNG SINDIKATO. KAYA TULUNGAN NIYO ... SANA ANG SOCIAL HOUSING MOVEMENT AY MAGING KASAPI NITONG TASK FORCE NI MIKE DEFENSOR. HANAPIN NATIN YUNG MGA SINDIKATO NA NANGANGWARTA SA INYO AT SA GANOON HULIHIN NATIN SILA, KASUHAN NATIN SILA. AT YUN ANG AKING INAASAHAN SA SOCIAL HOUSING MOVEMENT. NAWA'Y SA INYONG ANIBERSARYO SA SUSUNOD NA TAON, MASABI NATING LAHAT NA ITONG ISANG KASUNDUAN NANGGALING SA MAGANDANG KONSULTASYON MISMO SA TAONG-BAYAN AY MASABI NATING NAGTAGUMPAY TAYO DAHIL NAGKASAMA TAYO SA KILOS AT SA GAWAIN. MARAMING SALAMAT SA INYONG LAHAT. |