PGMA's Opening Statement during the Launching of PGMA's New Radio Program "Ang Panawagan ng Pangulo" |
Reception Hall, Malacanang (11 March 2002) |
| MARAHIL AY
NAKA-UKIT NA SA INYONG MGA PUSO ANG PALAGIAN KONG SINASAMBIT NA MGA MISYON NG ATING PAMAHALAAN -- TRABAHO, EDUKASYON, TAHANAN AT MAKAKAIN SA ARAW-ARAW. MAY MGA NAGTATANONG: SAAN NA NGA BA TAYO PAPUNTA? . . . MAY SOLUSYON NGA BA ANG ATING MGA PROBLEMA? LAGI NATING BINABASA AT NARIRINIG NA SUMUSULONG ANG ATING EKONOMIYA. PERO BAKIT HINDI NAMIN NARARAMDAMAN SABI NILA ANG MGA BENEPISYO NG INYONG PAGTATRABAHO? ALAM PO NINYO, ANG PAGSULONG NG EKONOMIYA NG BANSA AY HINDI NAGAGANAP SA ISANG KISAPMATA. ITO PO AY BUNGA NG MARAMING BUWAN AT TAON NG PALAGIANG PAGTATRABAHO. KAGAYA RIN PO NG PAGTATANIM NG PALAY . . . MATAPOS IHASIK ANG PUNLA AY KAILANGANG DILIGIN AT ALAGAAN PARA LUMAGO AT MAGBUNGA. KAYA, ITO PO ANG AKING DINUDULOG SA INYO. MAGKAISA TAYO UPANG SUMULONG ANG ATING BANSA. MAGTULUNGAN PO TAYO UPANG LUMAGO ANG ATING EKONOMIYA. IWASAN NA NATIN ANG PAGBATIKOS AT TULIGSAAN. LET US ALL JOIN HANDS AND WORK FOR THE BENEFIT OF THE PEOPLE. NARIRITO PO AKO HINDI LANG BILANG PANGULO NG BANSA KUNGDI INA NG BAWAT TAHANANG PILIPINO. ALAM KO PO ANG INYONG PAGHIHIRAP. NARARAMDAMAN KO PO ANG INYONG PAGSISIKAP NA UMUNLAD ANG INYONG BUHAY. NAKIKITA KO PO ANG INYONG MGA PANGARAP NA MABIGYAN NG ISANG MAGANDANG KINABUKASAN ANG INYONG MGA ANAK. KASAMA PO NINYO AKO SA PANALANGIN AT PAGSISIKAP PARA MATUPAD ANG INYONG MGA PANGARAP. MERON NA TAYONG NAGAWA PERO MAS MARAMI PA RING DAPAT GAWIN. SAMA-SAMA TAYONG MANALANGIN AT MAGTULUNGAN PARA SA ATING INANG BAYAN. ANG KATAHIMIKAN AT KAUNLARAN AY MAKAKAMIT LAMANG NATIN KUNG TAYO'Y MAGKAKAISA. LET'S ALL WORK TOGETHER IN BUILDING A PROGRESSIVE PHILIPPINES! IKINALULUGOD KO PONG MULI KAYONG MAKASAMA DITO SA ATING BAGONG PROGRAMA. ITO PO ANG INYONG PANGULO . . . AT ISA PONG MAGANDANG UMAGA! |