PGMA's Speech during a Meeting with the Filipino Community

Function Rooms 1 & 2, Mezzanine, Melia Hanoi Hotel Hanoi, Socialist Republic of Vietnam (06 Nov 2002)
MARAMING SALAMAT, SECRETARY BLAS OPLE.

AT GUSTO KO RING BATIIN ANG ATING AMBASSADOR DITO SA VIETNAM, SI AMBASSADOR WILLY WONG; SALAMAT RIN KAY MR. JOEL MERMIDA, ANG ATING PANGULO NG SAMAHANG PILIPINO DITO SA NORTH PART NG VIETNAM. SALAMAT SA INYONG MAGANDANG SINABI; AT SALAMAT DIN KAY GERRY PAGLINAWAN. SORRY, AT HINDI AKO NAKAPUNTA NGAYON SA HO CHI MINH CITY. SALAMAT AT IKAW ANG PUMUNTA RITO.

GUSTO KO MULING IPAKILALA ANG MGA KASAPI NG PHILIPPINE DELEGATION. NARITO SI SECRETARY IGNACIO BUNYE. SA KABILA NI SECRETARY OPLE NA NABATI NA NATIN SI SECRETARY IGNACIO BUNYE, SIYA ANG ATING PRESS SECRETARY; SI SECRETARY SILVESTRE O YONGYONG AFABLE, SIYA ANG NAMUMUNO NG PRESIDENTIAL MANAGEMENT STAFF; AT SAKA 'YUNG PANGULO NG PHILIPPINE INTERNATIONAL TRADING CORPORATION -- WALA S'YA DITO SA HEAD -- AYON SI TONY ABAD. AT... KASI DITO SA VIETNAM STATE TRADING ANG GINAGAWA KAYA DALA-DALA KO DIN 'YUNG PRESIDENTE NG ATING STATE TRADING PARA BAKA KAYO MAKAHANAP KAYO NG OPORTUNIDAD SA PANGANGALAKAL, KONTAKIN NINYO SI TONY ABAD BILANG COUNTERPART DOON SA PILIPINAS.

AT KAYONG LAHAT NAMAN MGA MINAMAHAL KONG KABABAYAN DITO SA VIETNAM, MAGANDANG TANGHALI SA INYONG LAHAT.

BALAM MU ATIN KUNG CABALENG KETI. MAUPAD NA PANAPON , DAKAL NA SALAMAT.

ADTA NGAROD NGA ILOKANO. KAKAILYAN, KAKAILYAN NI MAMANG KO, MGA GAPO TI PANGASINAN, NAIMBAG NGA MALEMYO AMEN, APO.

UG DUNAY... OO, DUNAY BALAI TAGA-MINDANAO DIRI? AH, OK. ASA KO NIDAKO, MAAYONG UDTO KANINYONG TANAN.

KAG SA KASIMANWA SANG AKONG BANA, KON MAY-ARA, HA? ILONGGO? OY, SI TONY, AYON. MAAYONG UGTO SA INYO NGA TANAN.

AT SA LAHAT SA INYO, AKO AY NAGPAPASALAMAT NA KAYO AY PUMUNTA RITO. LIMANG DAAN ANG PILIPINO DITO SA VIETNAM. 'DI ONE-FIFTH NG FILIPINO AY NARITO NA, MAGKASAMA TAYONG LAHAT. MARAMING SALAMAT.

AT BAGAMAT MALIIT ANG PHILIPPINE COMMUNITY DITO, SA PAGKA-ALAM KO NA NGA NA DITO SA PILIPINAS ANG MGA OVERSEAS FILIPINO AY MAGANDA ANG INYONG KONTRIBUSYON DITO SA VIETNAM. HALOS LAHAT NG OVERSEAS FILIPINO WORKERS DITO AY PROFESSIONALS, MATATAAS ANG PWESTO N'YO SA MANAGEMENT, SA EXECUTIVE POSITION. KAYA BINABATI KO KAYONG LAHAT AT NAGPAPASALAMAT AKO SA INYONG TULONG DIN SA INYONG MGA KAMAG-ANAK AT SA ATING EKONOMIYA.

AKO'Y PUMUNTA RITO DAHIL INIMBITA AKO NG PANGULO NG VIETNAM, SI PRESIDENT TRAN DUC LUONG DAHIL SIYA RIN AY NAGBISITA SA PILIPINAS. AT DUMAAN NGA AKO DITO MULA SA CAMBODIA KUNG SAAN AKO AY NAGDALO SA ASEAN MEETING.

AKO'Y NAGPUNTA SA CAMBODIA PARA SA ASEAN MEETING SA PAREHONG DAHILAN KUNG BA'T AKO AY PUMUNTA SA MEXICO PARA SA APEC LEADERS' MEETING, AT 'YON AY PARA ILAKAD NA MAKASIGURADO ANG EKONOMIYA AT ANG SEGURIDAD NG ATING BANSANG PILIPINAS. KASI, WHETHER ANG PINUPUNTAHAN NATIN AY PARA LABANAN ANG MGA GUMAWA NG ALYANSA KONTRA SA GLOBAL TERRORISM O MAGBISITA DITO NA ANG VIETNAM AY ISA SA PINAKAMALAKING SUPPLIER PAG TAYO AY NAG-I-IMPORT NG BIGAS. LAHAT N'YAN AY PARATING PARA SA EKONOMIYA AT KUNG PAPANO AANGAT ANG BUHAY NG ATING MGA MAMAMAYAN.

'YUNG AKING ADMINISTRASYON ANG KANYANG HANGAD AY TALAGANG MAGLINGKOD ANG PAMAHALAAN SA ATING MAMAMAYAN. MAGING NASA PILIPINAS O MAGING NASA IBANG BANSA.

KAYA NOONG AKO AY SENADOR PA KASAMA AKO NI SENATOR OPLE. KAMI, NOON PA AY NANINIWALA NA DAPAT ANG MGA PILIPINONG NASA IBANG BANSA AY PWEDENG BUMOTO SA ATING BANSA. KAMI AY NAG-AUTHOR NG OVERSEAS VOTING BILL NOONG PA'Y KAMI AY KAPWA SENADOR. KANYA LAMANG 'YUNG MGA BILL NA 'YON -- HINDI LANG 'YUNG AMING FI-NILE, 'YUNG IBA PA -- AY HINDI LUMALAMPAS SA COMMITTEE ON SUFFRAGE. KAYA NOONG AKO AY NAGING PANGULO. SABI KO SA ATING SENADO AT KONGRESO, MERON AKONG LIMANG BATAS NA PINAKAKAILANGAN. BINANGGIT KO 'YUNG MGA BATAS NA 'YON AT ISA NGA DOON AY 'YUNG OVERSEAS VOTING BILL. KAYA NGAYON SA WAKAS, PAGKATAPOS NG NAPAKARAMING BESES NA SINIKAP NA I-FILE -- HALIMBAWA, KAMI NI SECRETARY OPLE -- NGAYON LAMANG UMABOT SA WAKAS NA NAPASA NA 'YUNG PANUKALANG BATAS SA KONGRESO AT NAPASA NA RIN SA SENADO. NGAYON, KAKA-REPORT LANG NI SECRETARY OPLE SA AKIN NA NANDOON, NAGMI-MITING NGAYON 'YUNG SENADOR AT CONGRESSMEN SA TINATAWAG NA BICAMERAL CONFERENCE COMMITTEE, AT DOON AY PINAGTATALO NILA 'YUNG KANILANG DALAWANG MAGKA-IBANG VERSION. KAYA INAASAHAN KO AT MAGDASAL TAYO NA SA MADALING PANAHON AY MAGKAISA SILA, MAGKASUNDO SILA SA ISANG VERSION LAMANG. DAHIL KUNG MAGKASUNDO NA SILA SA LOOB NG BEINTE KWATRO ORAS AY PIPIRMAHAN KO NA PARA MAKA-BOTO ANG PILIPINO SA IBANG BANSA.

DAHIL INAASAHAN KO NA PAG KAYO AY MAY PAGKAKATAON NA MAKA-BOTO MAS LALO PANG INTERESADO KAYO AT MAS LALO PANG TUTULONG KAYO SA MGA PANGANGAILANGAN NG ATING BANSA KAHIT NA KAYO AY NASA IBANG BANSA.

SIGURO KUNG NAALALA NINYO DAHIL MARAMI NAMAN SA INYO AY HINDI LONG-TERM NA NARITO. BAKA NAND'YAN SA PILIPINAS NOONG AKO AY NAGING PANGULO O BAGO NASARA 'YUNG SANDALI 'YUNG FILIPINO CHANNEL NAKAKAPANOOD KAYO. NOONG AKO AY UNANG NAGING PANGULO, ANG BANSA NA AKING MINANA AY MAY APAT NA MILYONG PILIPINONG WALANG TRABAHO AT ANG POVERTY RATE AY 40 PERCENT.

KANINA NAG-KUKWENTO KAMI NG SECRETARY OF HEALTH NG VIETNAM, 'YUNG BABAE. SIYA KASI ANG AKING MINISTER-IN-ATTENDANCE. AT SABI N'YA DITO SA VIETNAM, 12 MILLION VIETNAMESE AY MAHIRAP. ANG POPULATION NILA AY 78 MILLION. TAYO, POPULATION NATIN AY 78 MILLION DIN PERO 30 MILLION FILIPINOS AY MAHIRAP. KAYA MAS MALAKI PA ANG HAMON NA MINANA KO KAYSA ANG SITWASYON NG VIETNAM NGAYON BILANG KAHIRAPAN NG ATING BANSA.

NGUNIT SA ATING PAGSISIKAP, MERON NA RING KONTING MGA BUNGANG LUMILITAW. NGAYON, KAYO HINDI N'YO SIGURO MASYADONG NARARAMDAMAN DITO SA VIETNAM DAHIL MALAKAS ANG PAG-ANGAT NG VIETNAM, PERO SA IBANG BAHAGI NG MUNDO TALAGANG MAY GLOBAL SLOWDOWN. NGUNIT TAYO, ANG PILIPINAS KASAMA NG VIETNAM, TAYO ANG PINAKA MASASABI NATING KASAMA SA PINAKAMATATAAS NA GROWTH RATE DITO SA ASIA. AT SINISIKAP DIN NATIN NA IBAYUHIN 'YUNG ATING KAILANGANG GAWIN PARA 'YUNG ATING MGA TINATAWAG NA MACROECONOMIC FUNDAMENTALS AY ATING MAKAMIT.

HALIMBAWA, TULOY-TULOY TAYO NA SINISIKAP NATIN NA 'YUNG ATING BUDGET DEFICIT AY MABABA AT ANG GUSTO NATING GAWIN DITO PARA BUMABA ANG ATING DEFICIT AY: ISA, IKONTROL ANG PAGGASTOS NG GOBYERNO; AT PANGALAWA - MAS IMPORTANTE -- IANGAT ANG ATING KOLEKSYON NG MGA BUWIS THROUGH BETTER EFFORTS AT EFFICIENCY, AND ALSO FIGHTING CORRUPTION.

PAG-USAPAN NATIN 'YUNG CORRUPTION NG ATING BANSA. IMPORTANTE KASI NA KUNG TAYO AY TALAGANG AANGAT, KAILANGAN NATIN NG GOOD GOVERNANCE. AT AKO AY NANINIWALA NA KUNG GUSTO NATING LABANAN ANG CORRUPTION, KAILANGAN NAGSISIMULA ANG HALIMBAWA SA PINAKAMATAAS. KAYA AKO, KAHIT NA 'YUNG AKING ASAWA HINDI EXEMPTED. NANINIWALA AKO NA 'YUNG MGA NAG AATAKE SA KANYA, 'YON AY PULITIKA. NGUNIT KAHIT NA PULITIKA, SINASABI KO PA RIN SA KANYA, "EH DI SIGE, GUSTO KANG I-INVESTIGATE, MAGPA-INVESTIGATE KA." KASI ANG KABUTIHAN NOON KAHIT PULITIKA DAHIL SIYA AY NAGPAKUMBABA AT HINARAP N'YA ANG MGA INVESTIGATION, NGAYON TULOY UMANGAT ANG AKING MORAL AUTHORITY PARA MAG-INVESTIGATE NA RIN KAHIT KANINO.

KAYA GUSTO KONG ISIGURADO SA INYO NA GINAGAWA NATING LAHAT PARA MAGKAROON ANG TAUMBAYANG PILIPINAS NANG TINATAWAG NATING PROFESSIONAL AND CLEAN GOVERNMENT. KASI 'YON ANG TALAGANG NARARAPAT PARA SA INYO.

HALIMBAWA, MERON NA TAYONG E-PROCUREMENT SA GOBYERNO. SO, MARAMI TAYONG SAVINGS AT KUMOKONTI PA ANG KATIWALIAN SA MGA BIDDING. AT MERON AKONG PRESIDENTIAL ANTI-GRAFT COMMISSION. SILA AY NAG-E-EXAMINE, NAG-I-INVESTIGATE NG MGA MATATAAS NA APPOINTEES. AT MERON D'YANG MGA GOVERNMENT BOARD CORPORATIONS, MERON D'YANG MGA BUREAU DIRECTORS. AH, PAGMALAKAS ANG EBIDENSYA O MALAKI ANG ISKANDALO AY SINASABI KO KAHIT NA INI-INVESTIGATE PA LANG MAG LEAVE OF ABSENCE NA, AT HABANG NA-INVESTIGATE... PARA IBA NA ANG MAGLILINGKOD.

AT NGAYON, 'YUNG CORRUPTION NAMAN SA MGA HUSGADO. MERON TAYONG SEPARATION OF POWERS. GANUN PA MAN, KASAMA NA ANG SUPREME COURT SA ILALIM NG LIDERATO NI CHIEF JUSTICE DAVIDE, SABAY NAGPO-PROSECUTE NG MGA ERRING PROSECUTORS AT NAGPO-PROSECUTE PATI NG MGA... 'YUNG MGA HUWES. AT ANG GINAWA KO, NA 'YUNG BIR NA GAYA NG SABI KO UMAANGAT NA NGAYON ANG KANILANG COLLECTION NGA DAHIL DITO SA ANTI-GRAFT DRIVE. PATI CUSTOMS 'YON ANG GUSTO KONG GAWING SHOWCASE DOON SA ATINGLABAN KONTRA SA KATIWALIAN. AT ITO AY TULOY-TULOY PA RIN NG ATING TRABAHO. LAYUNIN NITO PARA BUMUTI ANG ATING EKONOMIYA, PARA MAGKAROON NG TRABAHO ANG ATING MAMAMAYAN.

GAYA NG SABI KO KANINA, NA KASAMA NG VIETNAM, TAYO AY UMAANGAT NG MATAAS HAMBING SA BUONG MUNDO. AT ANG NAGPAPA-ANGAT SA ATING EKONOMIYA AY 'YUNG ATING SERVICES. HINDI NAKAKAGULAT NA KAYO AY NARITO DAHIL SERVICES ANG INYONG SPECIALTY. SERVICES RIN ANG NAGPAPA-ANGAT SA ATING BANSA NGAYON SA PILIPINAS.

KASAMA DITO SA SERVICES NA UMAANGAT SA PILIPINAS, PINAKAMABILIS NA PAG-ANGAT TELECOMMUNICATIONS SECTOR. TAPOS 'YUNG TRADE, PANGANGALAKAL AT SAKA PRIVATE SERVICES NA KASAMA ANG TOURISM.

ALAM N'YO TINATANONG NI PRIME MINISTER MAHATHIR SA AKIN NOONG ISANG ARAW, "KUMUSTA 'YUNG GROWTH RATE NG INYONG TOURISM?" NAGULAT SIYA NUNG SINABI KO NA 'YUNG OCTOBER FIGURES NATIN, OCTOBER LAST YEAR TO OCTOBER THIS YEAR, 40 PERCENT ANG ATING GROWTH RATE NG TOURISM.

TAPOS 'YUNG MGA INSURANCE AT IBA PANG MGA FINANCIAL INSTITUTIONS MALIBAN SA BANGKO, SILA AY UMAANGAT NGAYON, THE HIGHEST GROWTH RATE IN THE LAST FOUR YEARS. DOON SA INDUSTRIYA LAST YEAR, NEGATIVE ANG ATING GROWTH RATE NG INDUSTRIYA. PERO NGAYON NAG-RECOVER LALO NA DAHIL NAG-RECOVER ANG ATING EXPORTS. AT ANG ATING... ITO RIN ANG ISANG NAKAKAGULAT. TINATANONG DIN SA AKIN NILA -- SINO NGA BA 'YON? -- SINA THAKSIN NG THAILAND, KUMUSTA 'YUNG ATING EXPORTS. SABI KO 20 PERCENT GROWTH. ANG GULAT N'YA. PATI NGA SA SILICON VALLEY, SI ANDY GROVE NG INTEL, SINABI KO 20 PERCENT GROWTH, ANG GULAT N'YA. SABI N'YA, "BAKIT?" SABI KO, DAHIL SA ELECTRONICS EXPORT. SABI N'YA, "BAKIT, HINDI NAMAN UMAANGAT ANG SILICON VALLEY." ANG PALIWANAG NG MGA MANUFACTURERS SA PILIPINAS AY DAHIL... HINDI DAHIL LUMAKI ANG MARKET KUNG HINDI NAKAKUHA TAYO MARKET SHARE SA IBANG BANSA DAHIL EFFICIENT ANG ATING WORKFORCE.

'YUNG PRIVATE CONSTRUCTION AY BUMABALIK NA RIN. AT SA AGRIKULTURA ANG LUMAKAS 'YUNG FISHERIES AT FORESTRY. AT SANA TOTOO 'YUNG NABASA KO SA PERYODIKO KAHAPON O KANINA BA 'YON, NA NAGKAROON TAYO NG BUMPER CROP. EWAN KO, BAKA SI MR. CO CAN TELL ME KUNG TOTOO 'YON O HINDI. KASI KUNG HINDI, NANDITO SIYA PARA BUMILI NG BIGAS DITO SA VIETNAM.

'YUNG... AT SIYEMPRE... AT SAKA 'YUNG INFLATION NATIN NABASA KO DIN SA PERYODIKO KANINA. AGAIN, BUMABA NA NAMAN ANG ATING INFLATION RATE, 2.9 PERCENT OR 2.7 PERCENT. KAYA MAHINA ANG PAG-AKYAT NG PRESYO. SANA NARARAMDAMAN NG TAUMBAYAN NA 'YUNG PRESYO NG BIGAS AY HINDI TUMATAAS. I MEAN 16 TO 18 PESOS PARA SA MAHIHIRAP... AY NO, 14 TO 16 'YUNG BIGAS NG MAHIHIRAP, 18 NA 'YUNG BIGAS NG MGA MAYKAYA. TAPOS NUN 'YUNG PANG SYEMPRE ANG ATING BIG SAVER. KUNG FOUR OR FOUR-AND-A-HALF ANG GROWTH RATE NG GDP NAGIGING 5.2 ANG GROWTH RATE NG GNP DAHIL 'YON ANG KASAMA NA ANG REMITTANCES NG MGA PILIPINO KAGAYA NINYO.

NOONG ISANG TAON, KAYONG MGA PILIPINO, ANG PINADALA NINYO SA PILIPINAS 6 BILLION DOLLARS. NGAYON, FOR THE FIRST THREE QUARTERS OF THE YEAR, 6.4 BILLION DOLLARS NA ANG PINADALA NINYO. KAYA MARAMING SALAMAT SA INYONG LAHAT.

AT ANG GOBYERNO, GAYA NG SABI KO, HINDI INAANGAT ANG GASTOS PARA SA GANUN ANG ATING... LAHAT NITONG DEVELOPMENT NA SINABI KO SA INYO, ITO AY PRIVATE SECTOR LED. 'YUNG MGA BUNGA, MACRO STATISTICS ITO EH. PERO GUSTO KONG SABIHIN, ANONG IBIG SABIHIN NG INFLATION RATE NA 2.7 OR 2.9 PERCENT LAMANG. IBIG SABIHIN NOON, GAYA NG SABI KO 'YUNG BIGAS, AT IBIG SABIHIN DIN NOON NA MAY IBANG MGA BUNGA PARA SA MAHIHIRAP. HALIMBAWA 'YUNG MGA SQUATTERS SA METRO MANILA, 200,000 FAMILIES AY NAKAKUHA NA NG KARAPATANG BILHIN ANG LUPANG TINITIRIKAN NILA. IBIG SABIHIN NOON HINDI NA SILA SQUATTERS. AT SAKA MERON DIN TAYONG ESKWELAHAN NA TINATAYO SA MGA MALALAYONG BARANGAY NA NOONG ARAW WALANG ESKWELAHAN. ISANG LIBO 'YUNG NABILANG NATING BARANGAY NA WALANG ESKWELAHAN NOONG ARAW. NAGTATAYO TAYO DOON NG MGA ESKWELAHAN NGAYON. AT TATLONG MILYONG MAHIHIRAP NA PILIPINO AY MERONG HEALTH INSURANCE NA NGAYON. AT LAHAT ITONG KINUKWENTO KO SA INYO AY NAKAMIT DITO SA NAKARAANG 21 MONTHS NG AKING ADMINISTRASYON KAHIT NA MAHIRAP ANG KALAGAYAN NG BUONG MUNDO.

KASI PARA SA AKIN, ANG PANGUNAHING LAYUNIN AY MANALO TAYO SA KAHIRAPAN SA LOOB NG ISANG DEKADA. NGUNIT KAILANGAN DIN NATIN NA MAGKAROON NG MATATAG NA REPUBLIKA KUNG MAKAKAMIT NATIN DITO. AT KAILANGAN DIN NATIN NA MAGKAROON NG KAPAYAPAAN. KASI 'YAN ANG PINAKASALIGANG BATAYANG PANGANGAILANGAN NG TAUMBAYAN -- LAW AND ORDER.

WE ARE ADDRESSING LAW AND ORDER THROUGH A HOLISTIC APPROACH CONSISTING OF POLITICAL, ECONOMIC, SECURITY COMPONENTS. MERON TAYONG ANTI-CRIME PROGRAM NA SINIMULA KO NOONG JULY, NOONG SECOND SESSION NG CONGRESS NA KASAMA PANGDAGDAG NA RESOURCES PARA SA PULIS, MAS NAGKO-COORDINATE SA INTELLIGENCE ACTIVITIES, AT MERON TAYONG REWARD PARA SA MGA CRIMINAL. HALIMBAWA, SI ABU SABAYA KAYA SIYA NAKUHA AY DAHIL MAY SUMAGOT SA ALOK NATING 5 MILLION-PESO REWARD PARA SA KANYA. KAYA MERONG PUMUNTA AT NA-TRACE NATIN SIYA SA PAMAMAGITAN NOON. SA KIDNAPPING, MAY LIMANG RANSOM GANG NA NA NA-NEUTRALIZE NA. IN FACT, BINABATIKOS NILA AKO NAGPO-POSE SA BANGKAY. EH, PAPANO NATIN MALALAMAN, PAPANO MALALAMAN NG TAUMBAYAN NA TALAGANG NA-NEUTRALIZE NA 'YON. KAILANGAN MAKITA NILA. AYAW KONG NASA PAGE 20, TAPOS AKALA PA RIN NILA ANG DAMI-DAMING MGA KIDNAPPERS NA LUMILIBOT. HINDI. I HOPE THAT JOJI CO WILL CONFIRM THIS PERO 'YUNG MGA FILIPINO-CHINESE COMMUNITY NA SILA ANG PABORITONG BIKTIMA NITONG MGA GANGS NA ITO AY SABI NILA NGAYON NA MATAHIMIK NA DOON SA CHINATOWN.

NOONG NANGYARI 'YUNG 9-11, AGAD AKONG NAGTRABAHO PARA SUGPUIN ANG TERORISMO SA ATING BANSA BOTH MILITARILY AND ECONOMICALLY. AND I MOVE AGGRESSIVELY TO CHALLENGE THE ABU SAYYAF IN THEIR OWN TURF MILITARILY. NGAYON, NANDOON SILA SA BUNDOK KUNG SAAN NAGSIMULA 'YUNG ABU SAYYAF, DOON SA PATIKUL SA SULU. NANDOON ANG ATING SUNDALO KUNG SAAN KAHIT NA KAILAN NOONG ARAW HINDI PA SILA NAKAKAABOT ALL THESE CENTURIES. KAYA MABIGAT ANG LABAN NGAYON PERO PALAGAY KO DAHIL NAKAABOT NA TAYO DOON AY MANANALO NA TAYO. NOONG ARAW LIBU-LIBO 'YUNG ABU SAYYAF, NGAYON THEY'RE ONLY A COUPLE OF HUNDREDS. KAYA LANG SIYEMPRE PAG MAY ISANG BOMBA, PAG MAY ISANG RIFLE SHOT, TAKOT NA NAMAN ANG TAONGBAYAN. PERO GUSTO KONG ISIGURADO SA INYO NA TAYO AY UMAANGAT DITO SA ATING PAGSISIKAP NA ITO.

KANYA LAMANG WALANG PANGULO NA PWEDENG MAGTAYO NG MATATAG NA REPUBLIKANG MAG-ISA LAMANG. MAGAGAWA KO LAMANG ITO NG MABUTI KUNG MERONG AKONG SUPORTA NG ATING MGA KAPWA PILIPINO PATI NA RIN 'YUNG MGA PILIPINO SA IBANG BANSA KAGAYA NINYO. KASI BAHAGI KAYO SA AKING INAASAHAN 'YUNG NETWORK NG FILIPINOS SA BUONG MUNDO. KAYA IPAGPAPATULOY NATIN SANA ANG ATING PAGKAKAISA. AT SA PILIPINAS, PINAGPAPATULOY ANG SARILING SIKAP DAHIL TULOY PA RIN NA MAHIRAP ANG BUONG MUNDO.

KAYA LALONG HINIHINGI KO SA INYO, TULUNGAN N'YO AKO EVEN AS YOU ARE CONTRIBUTING TO THE DEVELOPMENT OF VIETNAM WITH YOUR EXPERTISE, HELP ME BUILD A STRONG PHILIPPINE REPUBLIC.

MARAMING SALAMAT SA INYONG LAHAT.

[HOME]