PGMA's Radio Message (Enjoins the people to help nation overcome crisis) |
Study Room, Malacanang (04 April 2003) |
| MGA MINAMAHAL KONG
KABABAYAN: TAYO AY NABUBUHAY SA MAPANGANIB NA PANAHON. ANG PINAKAHULING INSIDENTE NG PAMBOBOMBA SA DAVAO CITY AY NAGTUTURO SA ATIN NA ANG PINAHAMAHALAGANG LEKSIYON SA NGAYON AY MAGING MAPAGBANTAY. KAILANGANG MAGING LISTO TAYO LABAN SA DI-NAKIKITANG KAAWAY, NA WALANG SUOT NA UNIPORME AT WALANG DALANG WATAWAT. ISANG KAAWAY NA ANG TANGING MISYON AY MAGHASIK NG TAKOT AT SIRAIN ANG ATING HINAHON AT PAGKAKAISA BILANG ISANG BANSA. ITO ANG PANAHON PARA TANGGAPIN NG BAWAT PILIPINO ANG HAMON SA KANYA. MAARI TAYONG MAGPADALA SA TAKOT NA MAGHAHATID LAMANG SA ATIN SA PAMAMANHID AT KAWALANG PAG-ASA O MAARI TAYONG TUMAYO AT LUMABAN. MANGANGAHULUGAN NG MATITINDING SAKRIPISYO PARA PANGALAGAAN ANG ATING KATATAGAN BILANG ISANG BANSA AT ANG ATING PAGKAKAISA BILANG ISANG LAHI. WE ARE FACED WITH A SERIOUS CHALLENGE. WE MUST FIND WITHIN OURSELVES, WITHIN OUR OWN HANDS AND RESOURCES, WITHIN OUR SOLIDARITY AS A PEOPLE -- THE CAPACITY TO FIGHT, TO PREVAIL AND TO WIN. WALANG SINUMANG DAPAT BALEWALAIN ANG HANGAD NATING KAPAYAPAAN. NAKAHANDA TAYONG IBIGAY ANG ATING BUHAY AT KARANGALAN PARA DITO. PERO ANG KAPALIT NG KAPAYAPAAN AY PALAGIANG PAGBABANTAY. HINDI KO TINUTUKOY DITO ANG KAALISTUHAN LAMANG NG MGA SUNDALO AT KAPULISAN NA NASA UNAHAN NG LABAN. IBIG KO RING SABIHIN NITO ANG PAGMAMATYAG NG MGA ORDINARYONG MAMAMAYAN NA NAGTRATRABAHO SA KALYE O BUKID MAN. TINUTUKOY KO ANG PAGMAMATYAG NG MGA PILIPINO NA MAY PANANAGUTAN PARA SA SEGURIDAD AT KAPAKANAN NG KANILANG MGA KAPWA. TINUTUKOY KO ANG BAWAT PILIPINO NA HANDANG MAGING MATA AT TAINGA NG KOMUNIDAD PARA ALAMIN ANG PANGAMBA AT KIKILOS PARA ITO AY SUPILIN. THE PRICE OF FREEDOM IS PERPETUAL VIGILANCE. COMPLACENCY WILL ONLY BRING US RUIN AND PERIL. SA MINDANAO, ANG TUNGKULIN NG PAGBABANTAY AY NAKA-ATANG SA MGA KOMUNIDAD NG MUSLIM AT KRISTIYANO MAN. ANG ATING PINAG ISANG PAGHAHANDA PARA LABANAN ANG TERORISMO AY MAHALAGA HINDI LAMANG PARA SA KATAHIMIKAN AT KAAYUSAN, MAHALAGA RIN ITO PARA SA ATING KATATAGANG PULITIKAL AT PAGSULONG NA EKONOMIKAL. ANG MGA TERORISTA AY PATULOY TAYONG PAGHAHATI-HATIIN PERO DAPAT NATING LAMPASAN ANG HANGGANAN NG PANINIWALA AT LIPI PARA BUMUO NG ISANG KASUNDUAN NG KAPAYAPAAN AT KAUNLARAN. HANAPIN NATIN ANG MGA KATANGIAN NA PAGPAPAYABONG SA ATING PAGKAKAISA, KALAYAAN, PAGGALANG SA BUHAY AT PAG-AARI, DAMDAMIN NG KOMUNIDAD AT KAPAKANAN NG LAHAT. ANG MENSAHE KO PARA SA MGA TAGA-MINDANAO AY INI-UKOL KO RIN SA BUONG BANSA. NAHAHARAP TAYO NGAYON SA MABIBIGAT AT MATITINDING MGA PROBLEMA. ANG BANTA NG SARS AY PATULOY NA LUMALAGANAP AT IDINADALANGIN NATIN NA HINDI ITO MAKAKARATING SA ATING BANSA. ANG ATING MGA MANGGAGAWA SA GITNANG SILANGAN AY NABUBUHAY PA RIN SA ILALIM NG PANGAMBA, BAGAMAT HANDA SILA SA ANUMANG KRISIS. ANG PINAKAHULING PAGBOBOMBA SA DAVAO AY NAGDULOT NG PANIBAGONG TAKOT SA ATING MGA KABABAYAN. ANG INYONG PAMAHALAAN AY GAGAWIN ANG LAHAT NG MAKAKAYA UPANG MALAMPASAN ANG MGA GANITONG KRISIS. SISIGURUHIN NATIN NA MAPIPIGILAN ANG BANTA NG SARS. TITIYAKIN NATIN NA ANG ATING OFWs AY MAGING LIGTAS SA PANGANIB. HINDI TAYO TITIGIL HANGGAT HINDI NAHUHULI ANG NASA LIKOD NG PAMBOBOMBA AT MABIGYAN NG KATARUNGAN ANG MGA BIKTIMA NG TERORISMO. PERO, KAHIT ANG LAHAT NA ITO AY HINDI MATUTUGUNAN ANG ATING PAGHAHANGAD NG KAPAYAPAAN, PAGKAKAISA, KATATAGAN AT PAGBABALIK SA NORMAL, SA DAKONG HULI, ANG KAILANGAN NATIN AY DAMDAMIN NG PAGKA-BANSA NA NAGMUMULA SA DAMDAMIN NG PANANAGUTAN SA ATING KAPWA PILIPINO. HANGGANG HINDI TAYO NATUTUTONG MANGALAGA SA BAWAT ISA AT IGALANG ANG ATING KAPWA, HINDI NATIN MAKAKAMIT ANG MGA BIYAYANG ATING INAASAM. MULI, AKO AY NANANAWAGAN PARA SA MORATORIUM NG PAMUMULITIKA. MARAMI TAYONG MARIRINIG NA TINIG SA MGA LANSANGAN, PAKINGGAN NATIN SILANG LAHAT. MAARING PAMINSAN MINSAN AY HINDI NAGTUTUGMA ANG ATING MGA BOSES, PERO HUWAG NATING KALIMUTAN NA TAYO AY ISANG BANSA SA ILALIM NG ISANG BANDILA. HUWAG NATING HAYAANG MABAWASAN ANG ATING PAGKAKAISA AT PANININDIGAN. MAGKAKASAMA TAYONG PALALAMPASIN ANG UNOS. NANANAWAGAN AKO SA LAHAT NG ATING MGA MAMAMAYAN SAAN MAN KAYO NAROON, SA MGA LANSANGAN AT BUKIRIN O NASA LAOT NG KARAGATAN, SA MGA BAHAY AT PAARALAN, SA MGA LUGAR NG TRABAHO AT PAGSASAYA -- ANG INYONG PANGULO AY PAMUMUNUAN ANG ATING BANSA SA PINAKAMAGALING NA PARAANG AKING KAKAYANIN, KASAMA ANG LAHAT NG LAKAS NA AKING MATITIPON. PERO KAILANGAN KO ANG INYONG TULONG AT SUPORTA. SAMAHAN NIYO AKO PARA PANGALAGAAN ANG ATING BANSA AT ISULONG ITO TUNGO SA KAUNLARAN. STAY WITH ME. LET US KEEP OUR NATION SECURE AND MARCH ONWARD TO A STRONG REPUBLIC. NAWA'Y PATNUBAYAN TAYONG LAHAT NG MAYKAPAL. MARAMING SALAMAT PO. |