PGMA's Speech during the 1st National Eco Youth Camp and Y2003 National Convention

George Dewey Convention Center, SBMA Subic Bay, Olongapo City, Zambales (09 April 2003)
MARAMING SALAMAT SA ATING NAPAKASIPAG NA SK PRESIDENT ARIEL ARCILLAS. CONGRATULATIONS! MUKHANG NAPAKA-TAGUMPAY ITONG YOUTH CAMP NA ITO. CONGRATULATIONS SA INYONG LAHAT!

KASAMA KO ANG ATING MGA CABINET MEMBERS: SI SECRETARY DICK GORDON NG TOURISM; SI SECRETARY BEBET GOZON NG DENR; NAGPAPASALAMAT AKO SA ATING MGA HOST OFFICIALS DITO: SI SBMA CHAIRMAN TONG PAYUMO; SI MAYOR KATE GORDON NG OLONGAPO; SI CONGRESSMAN BONG GORDON; SI GOVERNOR VIC MAGSAYSAY; NARITO RIN 'YUNG MGA MAYOR NG ZAMBALES; NAGPAPASALAMAT AKO RIN SA HOST SK FEDERATION; SI SK PRESIDENT NG OLONGAPO, RUBYNIE BUENAFE: SK PRESIDENT NG ZAMBALES DENNIS PILARCA; SK PRESIDENT NG BATAAN NICOLE GALICIA; BINABATI KO RIN ANG SK EXECUTIVE VP, SI MILTON MINDADOR; AT SAKA 'YUNG MGA TUMULONG SA INYO SA PAG-ORGANIZE NITO, 'YUNG MGA NATIONAL YOUTH COMMISSIONERS: SI MARK CASTRODES, SI RICHIE NALUPTA, SI CHRISTOPHER ARNULFO; AT SAKA BIRO MO NANDITO ANG MGA BIGSHOTS NG MGA ULAP: UMPISAHAN KO SA PINAKABATA, SI JAMES MARTY LIM, LIGA NG BARANGAY; SI FRANCIS TOLENTINO, PRESIDENT NG CITY MAYORS; BIRO MO GALING PA SA MINDANAO SI DOLFO DEL ROSARIO, PRESIDENT NG LEAGUE OF PROVINCES, SIYA ANG PANGULO NG BUONG ULAP; MGA SANGGUNIANG KKABATAAN DELEGATES; NAKITA KO RIN SI MARY ANN ESCAŅO; 'YUNG ATING MGA NAG-AALAGA NG KAPAYAPAAN NATIN DITO, SI GENERAL BRAGANZA NG ARMED FORCES; SI GENERAL CALDERON NG POLICE; MGA KABATAAN -- O, NABATI KO NA LAHAT, ANO? OKAY -- MGA KABATAAN; AH, 'YUNG SECGEN NG LEAGUE OF ,UNICIPALITIES, KASI WALA 'YUNG PRESIDENTE NG LEAGUE, SI MAYOR ROQUERO, DATING MMAYOR ROQUERO.

OKAY, ANG GALING-GALING. ONE THOUSAND KAYO NGAYON PERO MAMAYANG HAPON DAW 3,000 KAYO KAYA SABI KO NAPAKA MATAGUMPAY ITONG ATING PAGPUPULONG NA ITO. AT ITONG PAGPUPULONG AY MALAKING HAKBANG TUNGO SA HIGIT NA MAKISIG AT MAKAPANGYARIHANG KABATAAN. DAHIL KABATAAN, GAYA NG SABI, ANG KINABUKASAN NG ATING BANSA. KAYA DAPAT MAKISIG AT MAKAPANGYARIHAN KAYO.

ANG KASAYSAYAN PINAGDIDIRIWANG ANG MGA MAKABAYANG KABATAANG PILIPINO SA IBA'T-IBANG BAHAGI NG ATING KASAYSAYAN. AT LALO NA NGAYON, NGAYON ARAW NG ATING PINAKADAKILANG LUWALHATI, ARAW NG ATING KAGITINGAN, MARAMING KABATAAN ANG ATING PINAGDIDIRIWANG. SI JOSE RIZAL DALAWAMPU'T ANIM NA TAONG GULANG NOONG SINULAT NIYA ANG NOLI ME TANGERE. ILANG TAON KA NA BA, MARK? O, TIGNAN MO, EDAD NI MARK CASTRODES NUNG SINULAT NIYA ANG NOLI ME TANGERE. SI AGUINALDO DALAWAMPU'T SIYAM NA GULANG NANG NAGING PANGULO NG UNANG REPUBLIKA. NAKU! AKO LAMPAS NA SA SINGKWENTA. SI BONIFACIO TATLONGPU'T TATLONG GULANG SA 'SIGAW NG BBALINTAWAK.' LAHAT NOON KABATAAN.

AT MAGFA-FAST FORWARD TAYO. MULA SA HIMAGSIKAN 'YUNG ATING KRUSADA NAMAN PARA SA KALAYAAN NOONG TAYO NASA ILALIM NG AMERIKANO, ANG NAGLAKAD SA ATING KALAYAAN AY DALAWANG KABATAAN RIN. HIGIT LAMANG SILANG DALAWAMPU'T TAONG GULANG, SI MANUEL LUIS QUEZON MULA SA TAYABAS, SI SERGIO OSMEŅA MULA SA CEBU. NAKIKITA NATIN MGA RETRATO NILA MATATANDA, KASI NUNG PANGULO SILA MATANDA NA SILA. PERO NUNG PINAGLABAN NILA ANG KALAYAAN NG PILIPINAS SILA AY WALA PANG TRENTA ANYOS. MGA KABATAAN DIN SILA.

PUNTA NAMAN TAYO SA KASALUKUYANG PANAHON. KAYONG MGA KABATAAN ANG NANGUNA SA EDSA 1 AT EDSA 2. KAYA KAYO AY TINUTURING NA SANDALAN NG DEMOKRASYA AT MABUTING PAMAMALAKAD.

AT TANDAAN RIN NATIN 'YUNG ATING INAALALA NGAYON ANIMNAPU'T ISANG TAONG NAKARAAN NGAYON, MGA KABATAAN ANG LUMABAN SA BATAAN AT CORREGIDOR UPANG TAYO NGAYON AY MAKINABANG SAHANDOG NG KALAYAAN AT DEMOKRASYA SA PAGHAHARI NG KAPAYAPAAN.

HINAHANDOG NATIN ANG ATING SALAMAT AT DASAL SA MAGIGITING NA ITO ANG KANILANG PANGALAN AY NAKASULAT DOON SA PADER NG HEROES MEMORIAL -- NA KAMI NI DICK GALING DOON -- ININAUGURATE NAMIN SA CAPAS, SA TARLAC. 'YON NGA NANDOON SILA. 'YUNG ISANG BETERANO DOON, 85 YEARS OLD NA SIYA NGAYON. SABI KO SA KANYA, "ILANG TAON KA NUNG NAGANAP 'YUNG MGA PANGYAYARING YON?" SABI NIYA, "21 YEARS OLD AKO NUNG AKO AY PUMASOK SA ARMY PARA LABANAN ANG MGA KALABAN NG MGA PILIPINO." KAYA KABATAAN RIN SILA.

KAYA NAKIKITA NATIN, HIMAGSIKAN O 'YUNG GIYERA, WORLD WAR SECOND. O 'YUNG FIGHT FOR INDEPENDENCE DOON SA AMERIKA. EDSA 1 AT KAYO SA EDSA 2. NAKIKITA NATIN MGA HENERASYON NG KABATAANG PILIPINO HINAHARAP ANG MGA HAMON NG PANAHON NINYO. TIYAK NGAYON MULI ITONG BAGONG HENERASYON, ITONG MGA BAGONG SK AY KASING DESIDIDO O KASING KAYANG TUMULONG IHUGIS ANG ATING KINABUKASAN, ANG INYONG KINABUKASAN.

SA MGA PANAHONG ITO, TALAGANG MARAMING HAMON NA DAPAT HARAPIN ANG ATING KABATAAN KAGAYA NG HINARAP NG KABATAAN NG HIMAGSIKAN, NG WORLD WAR THE SECOND, NG BATTLE FOR INDEPENDENCE, NG EDSA 1 AT EDSA 2. NGAYON DIN ANG DAMING HAMON NA KAILANGAN HARAPIN NG ATING KABATAAN. HAMON SA BAYAN, HAMON SA MUNDO. LAHAT NG HAMONG ITO AY KAILANGAN ANG KABAYANIHAN NG ATING KABATAAN. HINAHARAP NATIN ITONG MGA BANTA, AT AKO BILANG INYONG PANGULO KAILANGAN KO ANG SUPORTA NG ATING KABATAAN SA DAMI NG MGA HAMON SA MUNDO AT SA BANSA.

HALIMBAWA, INIIMBESTIGA NATIN ANG PAPUTOK SA DAVAO -- DOON SA LUGAR NI DOLFO DEL ROSARIO. HINDI SA PROBINSYA NIYA SA SIYUDAD -- ANG ARESTO NA GINAWA KAHAPON NG MGA SUSPECT SIMULA LAMANG 'YAN. BUBUKLATIN NATIN ANG MAS MALAWAK NA COMPLOT SA LIKOD NITONG MGA KILOS NG TERORISMO AT IBUBULGAR NATIN ANG MUKHA NG KALABAN SA TAONGBAYAN.

LALO NA KAYO MGA KABATAAN, DAPAT MALAMAN NINYO ANG MOTIBO AT ANG MASTERMIND SA LIKOD NITO MGA GAWAING TERORISMO. AT KAILANGAN MALAMAN NINYO KAHIT NA HABULIN NATIN ANG KATOTOHANAN SA LAMPAS PA NG ATING MGA NATIONAL BOUNDARIES TOTAL MAY KOOPERASYON NAMAN TAYO SA ATING MGA KAKAMPI KONTRA SA TERORISMO. KAYA HABANG HINAHABOL NATIN ANG IDENTITY NG MGA PLOTTERS AT MASTERMIND, HINIHILING KO SA INYO, MGA KABATAAN, ANG INYONG SUPORTA. DAHIL DAPAT SAMA-SAMA TAYO NA IPAKITA SA MUNDO NA ITONG BANSA NATIN KAHIT KAILANMAN AY HINDI NATIN PAPAYAGAN MAGIGING SAFE HEAVEN NG MGA TERORISTA.

ITONG LABAN KONTRA SA TERORISMO UMAABOT HANGGANG SA GIYERA SA PAMAMAGITAN NG AMERIKA AT IRAQ. ANG GIYERA DOON AY HALOS TAPOS NA, ANG KOALISYON AY NGAYON TUMATAWID NG TULAY MULA SA MOPPING UP OPERATIONS PAABOT NA SA RESTORATION. AT DAPAT MAUNAWAAN NG KABATAAN NA TAYO RIN DITO AY NAKIKINABANG NG MALAKI SA TAGUMPAY NA ITO. DAHIL TAYO NGAYON AY HIGIT NA LIGTAS SA WEAPONS OF MASS DESTRUCTION. DAHIL SA TAGUMPAY DOON, TAYO RIN NGAYON AY HIGIT NA LIGTAS SA MGA GALAMAY NG PANGMUNDONG TERORISMO NA BINIBIGYAN NG SUPORTA NG MGA BANDIDONG ESTADO. NAKAMIT NATIN ANG KALAYAAN KASINGTUMBAS NG NAKAMIT NG TAUMBAYAN NG IRAQ ANG KANILANG KALAYAAN. TAMANG-TAMA NA ITONG ARAW NA ITO, ANG ARAW NG KAGITINGAN, NA-AALALA NATIN ANG SAKRIPISYO NG MGA SUNDALO, ATING SARILING SUNDALO AT TAUMBAYAN SA NAKARAANG DIGMAAN.

NGUNIT KUNG TITIGNAN NATIN ANG MGA HAMON NG MUNDO AT NG ATING BANSA KASING-LUBHA NG GIYERA AY ANG BANTA NG SARS. AND YOU THE YOUNG MUST BE PART OF THIS FIGHT. BECAUSE TO FIGHT SARS, KNOWLEDGE AND STRATEGY ARE IMPORTANT. SO I ESPECIALLY ASK YOU, THE YOUNG PEOPLE, KEEP YOURSELVES INFORMED OF THE LATEST DEVELOPMENTS. DO NOT BELIEVE RUMORS. CONTACT OUR SARS HOTLINES IF YOU NEED HELP. WE WILL DEAL WITH ALL FACETS OF THIS THREAT, ALL POSSIBLE WAYS IT CAN GET TO OUR COUNTRY. AND WE WILL NOT HESITATE TO TAKE EXTRAORDINARY MEASURES TO PROTECT OUR PEOPLE.

AND SOI ASK YOU, THE YOUNG PEOPLE, FOR YOUR CONTINUED\ COOPERATION, SUPPORT AND MATURE SOBRIETY. BECAUSE TOGETHER IN HEART AND MIND, WE CAN BEAT THIS MENACE. IN FACT, HANGGANG NGAYON, SABI NG W.H.O., SARS-FREE PA RIN ANG PILIPINAS. ITULOY NATIN ANG ATING PAGKAKAISA.

THEN OF COURSE, FROM THE POINT OF VIEW OF THE YOUTH, ASIDE FROM THE NEW MENACES OF TERRORISM AND SARS THAT WE MUST ALL PARTICIPATE IN FIGHTING AGAINST, THERE ARE THE CONTINUING MENACES -- KAHIRAPAN, ALITAN, DROGA. ANG MGA ITO ANG DAPAT MAGING TUKOY NATIN KUNG TAYO AY MAKAKAHUGIS NG MATINO AT MAKAPANGYARIHANG KABATAAN.

ANG MGA SOLUSYON AY NASA HIGIT NA PAGKAKAINTINDIHAN AT PAGKAKAUNAWAAN. KAYA AKO AY NASISIYAHAN, SABI NI MARK, BAHAGI NG INYONG PAGSASANAY AY MGA TEAMBUILDING PARA MAS MALAKI ANG TEAM EFFORT, MAS MALAKI ANG TEAM SPIRIT, MAS KUMUKONTI ANG ALITAN. KAILANGAN DIN NATIN HIGIT NA TRABAHO AT MAS MALALIM NA SANDATA NG MORALIDAD. KAYA NASISIYAHAN DIN AKONG MARINIG KAY MARK NA MERON DIN KAYONG VALUES FORMATION DITO SA INYONG YOUTH CAMP. INAASAHAN KO NA ITONG PAGTITIPON AY PAPATATAG ITONG MGA SOLUSYON SA KABUUAN NG ATING PAMAYANAN.

IMPORTANTE ANG KAPANGYARIHAN NG KABUHAYAN, LALO NA DOON SA MGA HINDI MAKAPAGPATULOY NG PAG-AARAL DAHIL SA KAHIRAPAN. TAYO AY NAKATUKOY SA PAGLIKHA NG HIGIT NA TRABAHO.

ANG GOBYERNO, SA PAMAMAGITAN NG IBA'T IBANG AHENSIYA, AY NAGTAYO NG ILANG PROGRAMA UPANG BIGYAN ANG KABATAAN NG PAGKAKATAONG KUMITA NG DISENTENG PANGKABUHAYAN. PATI ANG KAPULISAN, 'DI BA GENERAL CALDERON? MERON KAYONG EMERGENCY EMPLOYMENT PROGRAM PARA SA MGA KABATAANG SAKOP SA KANILANG MGA POLICE STATION. MAYROON TAYONG MGA PROGRAMANG PAGSASANAY PARA IHANDA ANG KABATAAN SA TRABAHO SA ILALIM NG DOLE AT KANYANG MGA AHENSIYA. ANG DOLE RIN ANG INATASAN KONG MAGPATAKBO NG JOBS FAIR ARAW-ARAW HANGGANG SA PASUKAN MULI SA ESKWELA SA A-DIYES NG HUNYO.

NOONG ISANG LINGGO NGA, NUNG BIRTHDAY KO, INUMPISAHAN NATIN ANG SUMMER JOBS PROGRAM SA KABUHAYAN 2003 ACTION CENTER DOON SA SM MEGAMALL. NA NAGBUKAS, MERON ITONG BINUKSAN NG ISANGDAANG LIBONG TRABAHO. AT BAHAGI DITO SA ISANGDAANG LIBONG TRABAHONG INAALOK SA JOBS FAIR NGAYON KASAMA ANG ANIMNAPU'T LIBONG PAGKAKATAON PARA SA KABATAAN ESPECIALLY SA COMMUNITY WORK. KAYA LANG KAHAPON TINANONG KO KAY PAT STO. TOMAS, "KUMUSTA NA 'YUNG ATING JOBS FAIR?" SABI NIYA, "MAGALING, LIMANG-LIBO NA ANG NAG-APPLY." AY, LIMANG-LIBO ANG NAG-APPLY, HUNDRED THOUSAND ANG JOBS AVAILABLE, 60,000 ESPECIALLY FOR THE YOUTH. KAYA MGA KABATAANG GUSTONG MAG TRABAHO -- O, BAKA KAYO MAY TRABAHO NA DAHIL LIDER KAYO -- SABIHIN NAMAN NINYO SA INYONG MGA CONSTITUENTS NA GUSTONG MAGTRABAHO ITONG SUMMER PARA MAKAPAG-ARAL PAGPASOK ULI, MAG-APPLY NA KAYO, MAG-APPLY NA SILA. 95,000 MORE JOBS ARE STILL AWAITING.

'YON NAMANG DROGA, KAYO ANG PINAKA MAY ALAM KUNG PAANO ASIKASUHIN ANG PROBLEMA NG DROGA. HINDI BA ANG INYONG MOTTO, "JUST SAY NO AND WALK AWAY." 'YAN ANG DAPAT IPA-IRAL NINYO SA ATING BUONG SAMBAYANAN AT LAHAT NG PAMAYANAN.

AT MABUTI NAMAN NA ITONG PANAHONG ITO INAASIKASO NINYO ANG SUSTAINABLE DEVELOPMENT. NANDIYAN SI BEBET AT 'YON ANG BINIGYAN DIIN NI ARIEL ARCILLAS KANINA. KAYA TAMANG-TAMA DAHIL SUSTAINABLE DEVELOPMENT MEANS WE DEVELOP TODAY BUT MAKING ROOM THAT TOMORROW WE WILL STILL DEVELOP. KAYA KAYO ANG KINABUKASAN AT PAG INAALAGAAN NINYO ANG ATING KAPALIGIRAN, ANG ATING KALIKASAN, KAYO RIN ANG MAKIKINABANG PAG KAYO NA ANG NAMUMUNO SA ATING BANSA AT ATING EKONOMIYA.

MULI, HINIHINGI KO ANG INYONG SUPORTA AT PANALANGIN PARA MAGTAGUMPAY TAYO SA ATING MGA PAMBANSA AT PANGMUNDONG PAGHAHAMON, AT MAGING SA ATING PAMBANSANG HANGARIN. MAGTULUNGAN TAYO AT MAGKAISA TUNGO SA ISANG MAGANDA AT MALIWANAG NA KINABUKASAN SA ILALIM NG ISANG MAUNLAD AT MATATAG NA REPUBLIKA. ANG MATATAG NA REPUBLIKA AY HINDI PA NGAYON. MAHINA PA NGA ANG ATING REPUBLIKA. NGUNIT KAYO MGA KABATAAN KUNG GAGAWIN NATIN ANG LAHAT NG DAPAT NATING GAWIN NGAYON PAG KAYO NA ANG NAMUMUNO NG BUHAY NG BANSA AT NG EKONOMIYA DOON KAYO ANG MAKIKINABANG SA ISANG MATATAG NA REPUBLIKA.

KAYA GOOD LUCK! CONGRATULATIONS!

MARAMING SALAMAT SA INYONG LAHAT.

[HOME]