PGMA's Message during the NBN World Launching Ceremony |
Hotel Intercontinental Manila, Makati City (19 Feb 2003) |
| MARAMING SALAMAT AT
CONGRATULATIONS! NGAYONG GABI, NATUPAD ANG ISANG PANGARAP. NGAYONG GABI, ISINILANG ANG ATING SANDAIGDIGANG PAMAYANAN. NAGKAKAISA NANG TUNAY ANG SAMBAYANANG PILIPINO. BINABAGTAS NATIN ANG KARAGATAN AT HIMPAPAWID, ANG IBA'T-IBANG ORAS AT REHIYON NG MUNDO, UPANG MAGLATAG NG MGA LUBID NG KOMUNIKASYON NA MAGBIBIGKIS SA ATIN SA PAMAHALAAN AT SA ISA'T-ISA. NAGBUBUKAS NG BAGONG LANDAS ANG NBN UPANG MAGBIGAY NG PANDAIGDIGANG PANANAW SA ATING BAYAN NA MAGPAPALAWAK SA MAKIKITID NA PAG-IISIP. IPAKIKITA RIN NG NBN SA BUONG MUNDO ANG KABUTIHAN AT KAGANDAHANG NABUBUHAY SA ATING LAHI. TAMANG-TAMA NAMAN NA NAGANAP ITO PAGKATAPOS NA PAGKATAPOS MAIPASA NG KONGRESO ANG BATAS SA PAGBOTO SA IBAYONG DAGAT, ANG ABSENTEE VOTING LAW -- NAND'YAN ANG MGA CONGRESSMEN. CONGRATULATIONS SA INYONG LAHAT! -- UPANG SA WAKAS MAGAMIT NG MGA PILIPINO SA IBANG BANSA ANG KARAPATAN NILANG HUMALAL NG MGA PINUNO NG BAYAN. SA PAGLULUNSAD NG NBN WORLD, MAIBIBIGAY NATIN SA INYONG MGA PILIPINO SA IBAYONG DAGAT ANG KAALAMAN UPANG MAKABOTO KAYO NG MALIWANAG ANG ISIP, AT MAIPAMALAS ANG INYONG LAKAS SA HALALAN NA MALAON NA NINYONG NINANASA. BINABATI KO ANG NBN SA DAKILANG PANGARAP NA ISINAKATUPARAN NATIN NGAYON -- ISANG LAHI, ISANG BAYAN, ISANG PANANAW, ISANG DAIGDIG -- ISANG REPUBLIKA NG PILIPINAS. MABUHAY! |