PGMA's Prayer during the El Shaddai Mass "Prayer Rally for World Peace" |
Quirino Grandstand, Luneta, Manila (23 Feb 2003) |
| MARAMING SALAMAT PO, MGA
KAPATID. MAHAL KONG MGA KAPATID, MANALANGIN TAYO. IPANALANGIN NATIN SI SADDAM HUSSEIN. PANGINOONG DIYOS NA MAKAPANGYARIHAN SA LAHAT, LOOBIN MO NAWA NA MAGLINGKOD SI SADDAM HUSSEIN SA IRAQ KATULAD NG MAKASAYSAYANG PAGKILOS NA GINAMPANAN NI DENG XIAOPING SA TSINA NOONG PANAHON NIYA, NANG SA GAYON, MAITUGMA ANG MAYAMANG PAMANANG KALINANGAN NG IRAQ SA MGA PRINSIPYONG MODERNO. PANGINOON, NAKIKIISA KAMI SA LAHAT NG NILALANG SA DAIGDIG NA NAGHAHANGAD NG KABUTIHAN NG IRAQ AT TAOS-PUSONG NAGDARASAL NA AGAD MAKIPAGKASUNDO SI SADDAM HUSSEIN UPANG MAIWASAN ANG PAGKASALANTA NG MAGITING NA TAONG BAYAN NG IRAQ SA DIGMAANG PUSPOS NG KAGIMBAL-GIMBAL NA TEKNOLOHIYA NG PAMUMUKSA. PANGINOON, ITULOT MO NAWA NA MANGUNA SI SADDAM HUSSEIN SA PAG-AANYAYA NG PANGKALAHATANG KALIHIM NG UNITED NATIONS, NG MGA TAGAPAG-INSPEKSIYON NG U.N., NG MGA NAGDUDUDA SA IRAQ, AT ANG MGA MAMAHAYAG O MASS MEDIA NG MUNDO, UPANG KUSA NIYANG MAIPAKITA SA KANILA ANG MGA HIMPILANG PALIPAT LIPAT AT MGA KASANGKAPANG NASA ILALIM NG LUPA NA GAMIT SA MGA SANDATA NG MALAWAKANG PAMUMUKSA, ANG WEAPONS OF MASS DESTRUCTION. AT NAWA'Y TUNAY AT LUBUSANG MAGDIS-ARMA ANG GOBYERNO NG IRAQ. PANGINOON, LOOBIN MO NAWA NA KILALANIN ANG GAYONG PAGKILOS BILANG MARAPAT AT MAKATARUNGAN SA MATA NG TAONG BAYAN NG IRAQ AT NG HIGIT NA NAKARARAMI SA MGA BANSANG ARABE SA PALIGID, AT IPAGDIWANG ITO NG MGA MAMAMAYAN SA BUONG DAIGDIG. LOOBIN MO NAWA, PANGINOON, NA HIGIT SA PAKIKIPAGKASUNDO ALANG-ALANG SA ESTRATEHIYA, MAGBUKAS NAWA ANG GAYONG PAGKILOS NG DAKILANG KINABUKASAN PARA SA BANSANG IRAQ NA MAGIGING BUKAS SA IBA'T-IBANG PANANAW AT PANGKAT SA LIPUNAN. SA PULITIKANG PANLOOB, LOOBIN MO NAWA, MAHAL NAMING DIYOS, NA MAGSIMULANG MAGBIGAY SI SADDAM HUSSEIN NG MAKABULUHANG REPRESENTASYON SA GOBYERNO SA MGA KOMUNIDAD NG KURD, SHIYA AT SUNNI AT SA OPOSISYON SA PULITIKA SA ILALIM NG ISANG PAMAHALAAN NG PAMBANSANG PAGTUTULUNGAN. MAGING DITO SA PILIPINAS, POON, BIGYAN MO RIN AKO NG GRASYA DAHIL IBIG KONG MAGKAROON NG MATIMBANG NA REPRESENTASYON ANG MGA KRISTIYANO, MGA MUSLIM AT IBA'T IBANG MGA KULTURA, SAMPU NG MGA KALABAN KO SA PULITIKA, SA PAMAMAGITAN DIN NG PAMAHALAAN NG PAMBANSANG PAGTUTULUNGAN. PAGPALAIN MO NAWA, PANGINOON, ANG AMING PAGSISIKAP SA GAYONG LAYUNIN, UPANG MAHILOM ANG NAPAKALALIM NA HIDWAAN SA LIPUNANG PILIPINO. SA GAYONG PARAAN, PANGINOON, LOOBIN MONG LUMAKAS ANG EKONOMIYA NG PILIPINAS AT MAGKAROON NG MARAMING TRABAHO PARA SA SAMBAYANANG PILIPINO. DOON NAMAN SA IRAQ, IPAGKALOOB MO, PANGINOON, NA SA MAGANDANG PAKIKIPAG-UGNAY NI SADDAM HUSSEIN, MAGING BAHAGI MULI NG EKONOMIYA NG GITNANG SILANGAN AT NG BUONG MUNDO ANG EKONOMIYA NG IRAQ SA IKABUBUTI NG KANYANG MGA MANGGAGAWANG MAHUSAY ANG KAKAYAHAN. SA MGA PATAKARANG PANLABAS, IPAHINTULOT MO, PANGINOON NAMING DIYOS, NA MAGING BUKAS ANG GOBYERNO NG IRAQ SA PAKIKITUNGO SA IBANG BANSA UPANG MAGKAROON NG KAPAYAPAAN SA PAGITAN NITO AT NG MGA KAPIT-BANSA GAYA NG KUWAIT, IRAN AT SAUDI ARABIA, SAMPU NG IBA PA NIYANG KATUNGGALI. SA KABUUAN, O POONG MAYKAPAL, IPAGKALOOB MO NA MAGING HALIMBAWA ANG IRAQ BILANG BANSANG BUKAS AT MAPAYAPA, HALIMBAWA SA IBANG BAYANG ARABE KUNG PAANO MAITUTUGMA ANG ISLAM SA MAKABAGONG PAMUMUHAY, GAYA NG MALUWALHATING NAISAGAWA NI PUNONG MINISTRO MAHATHIR MOHAMAD SA MALAYSIA. PANGINOON, DITO RIN SA PILIPINAS, GAWIN NIYONG HUWARAN ANG PILIPINAS BILANG BANSA NG KAPAYAPAAN. NANANAMPALATAYA AKO, PANGINOON, SA IYUNG PASYA NA MAY DAKILANG KINABUKASAN PARA SA SAMBAYANANG IRAQ MATAPOS ANG KRISIS NA ITO. NANANAMPALATAYA RIN AKO NA HANGARIN MONG MAGKAROON NG DAKILANG KINABUKASAN ANG SAMBAYANANG PILIPINO PAGLAMPAS NITONG LIGALIG. NANANAMPALATAYA AKO, PANGINOON, TATANGGAPIN NG MGA KAIBIGAN NG IRAQ, NG MGA ARABE SA GITNANG SILANGAN, AT NG SAMBAYANAN NG BUONG DAIGDIG ANG PAGSUNOD NI SADDAM HUSSEIN SA UTOS NG UNITED NATIONS BILANG PAGKILOS AYON SA PINAKAMATAAS NA URING PAMUMUNO, UPANG MAKAIWAS SA GIYERA, MAKAPAGLIGTAS NG LAKSA-LAKSANG BUHAY, MAISULONG ANG IRAQ AT ANG KANYANG MGA MAMAMAYAN TUNGO SA KAPAYAPAAN AT KASAGANAHAN, AT SA\ GAYON MAISIGURONG MARANGAL ANG PANGALAN MISMO NI SADDAM HUSSEIN SA KASAYSAYAN. PANGINOON, SA PILIPINAS DIN, BIGYAN MO KAMI NG KAPAYAPAAN. PANGINOON, KUNG TAO LAMANG ANG AAASAHAN, BAKA HULI NA ANG ORAS. NGUNIT SA INYONG KALOOBAN, MERON PANG PANAHON. AT ANO MAN ANG LOOBIN MO, PANGINOON NAMING DIYOS, HUWAG MO PONG PABABAYAAN ANG AMING MGA KAPATID AT KABABAYAN LALO NA SA GITNANG SILANGAN. ITO ANG DALANGIN NAMIN, SIYA NAWA. AMEN. |