PGMA's Remarks during an Informal Interaction with the Residents of Barangay Manamoc in Cuyo

Brgy. Manamoc, Cuyo, Palawan (02 March 2003)
CONGRESSMAN SANDOVAL, INYONG CONGRESSMAN, AT SAKA SI BARANGAY CAPTAIN RAMIL TABANGAY AT LAHAT NG MGA OPISYAL NG BARANGAY SA MANAMOC. 'YUNG MGA TEACHERS NG MANAMOC, KUMUSTA KAYO? LAHAT KAYO RITO, GOOD MORNING.

SALAMAT AT NANDITO KAYO LAHAT. BIGLAAN ITONG PAGBISITA NAMIN DITO. KANINA LANG KAMI NAG-DECIDE NA PUMUNTA RITO. KASI NANDOON KAMI SA AMANPULO ITONG WEEKEND AT LAHAT NG MGA HALOS NAGTATRABAHO SA AMANPULO AY TIGA-MANAMOC. KAYA SABI KO SA KANILA KAYA SABI KO SA KANILA, "UY, SIGE BIBISITAHIN KO 'YUNG LUGAR NINYO," SABI KO. KAYA AKO'Y NARIRITO NGAYON.

KAYA GUSTO KONG I-CONGRATULATE KAYONG LAHAT DAHIL 'YUNG MALIIT NA ISLA NG AMANPULO AY ISA SA PINAKAMAGANDANG AT MAGAGANDANG SERBISYONG TOURIST SPOT SA BUONG MUNDO DAHIL SA MGA MAMAMAYAN NG MANAMOC.

KAYA AKO'Y NAGPAPASALAMAT SA MAGANDANG REPUTASYON NA BINIBIGAY NINYO SA ATING BANSA. ITO PALA ANG PINAKAMALAKING BARANGAY SA LABAS NG POBLASYON NG CUYO. AT SIYEMPRE BINABATI RIN HO NATIN KAYO DAHIL ANG CUYO ANG PINANGGALINGAN NA HALOS NG KULTURA NG PALAWAN.

KAGABI NGA, NUNG KAMI AY NAGDI-DINNER NI GINOONG SORIANO -- HINDI BA 'YUNG SORIANO FOUNDATION ANG PINAKAMALAKING PROYEKTO RITO? -- TAPOS PINAG UUSAPAN NAMIN, BAKIT 'YUNG BUONG PALAWAN ANG KANYANG LENGGUWAHE AY CUYONIN? BAKIT 'YUNG MALIIT NA GRUPO NG ISLAND NG CUYO 'YON ANG NAGING KULTURA NG MALALAKING ISLAND NG PALAWAN. KAYA 'YON ANG PINAG-AARALAN NAMIN KAGABI. YON PALA ITONG CUYO AY 'YUNG MGA BARKO MULA SA MAYNILA HANGGANG SA ACAPULCO PABALIK -- UMIIKOT KASI NG SOUTHERN LUZON -- AT DUMADAAN DITO SA CUYO. KAYA KAHIT NA 'YUNG CUYO AY NAPAKA-MALIIT NA ISLAND -- NA KUNG SA GANOON KALIIT NA ISLAND HINDI NAMAN DAPAT LUMALABAS SA MAPA - KUNG TITIGNAN N'YO SA MGA MAPA NG MGA EARLY CENTURIES NANDOON PARATI ANG CUYO. IMPORTANTE ANG CUYO SA KASAYSAYAN NG ATING BANSA.

AT TULOY PA RIN NA ANG MANAMOC NA PINAKAMALAKING BARANGAY SA LABAS NG POBLACION AT ANG BUONG CUYO IMPORTANTE RIN SA KASAYSAYAN, IMPORTANTE PA SA ATING EKONOMIYA NGAYON. KAYA SANA TULOY-TULOY ANG KAUNLARAN.

NALAMAN KO HINDI LAMANG PALA 'YUNG TURISMO NG AMANPULO ANG PINANGGAGALINGAN NG INYONG KAUNLARAN. PATI 'YUNG INYONG SEAWEED NA BINEBENTA SA SHEMBERG AY NAKAKATULONG DIN SA INYO. KAYA BINABATI KO KAYONG LAHAT DAHIL DITO SA... AY NAPAKASAYA, NAPAKAGANDA NG BUHAY DAHIL KAHIT SIMPLE KAYO AY MASIPAG AT SAKA MABABAIT.

AT GUSTO KO IPAKILALA RIN SA INYO ANG AKING CABINET OFFICER FOR RGIONAL DEVELOPMENT NG PALAWAN, SI SECRETARY VINCE PEREZ. BIGLAAN KAMI NAG-DECIDE NA MAKADAAN DITO, SALAMAT AT NARITO KAYO LAHAT. ANG BAIT-BAIT PALA NINYO KAYA NAMAN PALA YUNG MGA NAGTATRABAHO DOON SA AMANPULO AY MABABAIT LAHAT.

THANK YOU VERY MUCH.

[HOME]