PGMA's Speech during the Celebration of Labor Day |
World Trade Center, Pasay City (01 May 2003) |
| MARAMING SALAMAT, SECRETARY PAT
STO. TOMAS NA ATING IPINAGMAMALAKI DAHIL HINDI LAMANG SIYA AY INAATASAN MAG-ALAGA NG
MANGGAGAWANG PILIPINO KUNDI MANGGAGAWA NG BUONG MUNDO DAHIL SIYA ANG PANGULO NG
INTERNATIONAL LABOR ORGANIZATION. CONGRATULATIONS, PAT STO. TOMAS. PAKILALA KO 'YUNG IBANG MGA CABINET MEMBER NA NARITO. SILA AY MGA NAGLILINGKOD SA INYO. NANDITO ANG KALIHIM NG AGRARIAN REFORM, SI OBET PAGDANGANAN. AT UPANG DUMAMI ANG TRABAHO DOON SA ATING KANAYUNAN AY DODOBLEHIN NI OBET ANG BILANG NG MGA AGRARIAN REFORM COMMUNITY SA ATING BANSA . MAKILALA RIN NINYO SANA ANG ATING BAGONG KALIHIM NG PUBLIC WORKS, SI FLORANTE SORIQUEZ. AT PALAGAY KO KILALA NA NINYO ANG CHAIRMAN NG NATIONAL FOOD AUTHORITY, SI LITO SARMIENTO. SI LITO AY NAKIKIPAG UGNAY SA MGA IBA'T-IBANG MGA LABOR UNION PARA 'YUNG MGAMURANG BIGASAN AY MAILAGAY SA MGA SENTRO NG INYONG PINIPILI PARA MURA ANG BIGAS NG ATING MGA MANGGAGAWA. SIYEMPRE HO, BINABATI KO ANG LIDER, MGA LIDER NG ATING KILUSANG MANGGAGAWA, SI PANGULONG DEMOCRITO MENDOZA NG TUCP. UG TUGOD KAY ANG SENTRO UG ATONG MGA TUCP TUWA SA CEBU, IPAABOT KO SAB ANG ATONG PAG-ABI-ABI SA LABOR MOVEMENT DIDTO SA CEBU. KANING KABALEN KONG KAPAMPANGAN NAMAN, BALAMO DAKAL DING DINATANG, DINATANG KENI. SO, KARING KABALEN KUN KAPAMPANGAN, MAIPAABAK NAMAN KEKONGAN. BINATI KO KASI ANG MGA TAGA-CEBU, ANG DAMI-DAMING KAPAMPANGAN BUMATI SA AKIN KANINA, KAYA KAILANGAN BATIIN KO RIN SILA. BATIIN KO SI GINOONG VICTORINO BALAIS AT SA PAGKA-INTINDI KO NAPAKARAMING KASAMAHAN NIYA SA PTGWO ANG NARITO NGAYON. GINOONG BALAIS, 'YUNG INYONG MGA SINABI SA MANIFESTO, SINABI KO KAY PAT STO. TOMAS, 'YON ANG KANYANG WORK PROGRAM DITO SA TAONG PUMAPASOK. NAPAKASAYA KO NA MERON TAYONG MGA MAMBABATAS DITO. ILAN SA BINANGGIT SA DISKURSO KANINA AY 'YUNG MGA KAILANGANG BATAS SA KAPAKANAN NG MANGGAGAWA. MABUTI NARITO ANG MARAMING MANGGAGAWA AT PALAGAY KO, BIBIGYAN NATIN SILA NG KOPYA NG MANIFESTO SA GANOON MAPAG-ARALAN NILA KUNG ANO ANG PUWEDENG MAPASA SA MADALING PANAHON SA KONGRESO. KAYA BATIIN NATIN ANG CONGRESSWOMAN NG PASAY CITY KUNG SAAN GINAGANAP ITONG MITING NA ITO, SI CONGRESSWOMAN CONNIE DY; KATABI NIYA ANG NAPAKAGALING MAGSULAT NG MGA BATAS AT GUMAWA NG MGA LANGUAGE NA 'YON ANG MATATANGGAP NG LAHAT NG MGA STAKEHOLDERS, SI CONGRESSMAN TEDDYBOY LOCSIN NG MAKATI; ANG KINATAWAN NA NANGGALING SA HANAY NG PABAHAY AT SABI NIYA, DITO SA ADMINISTRASYONG ITO ANG PINAKAMAGANDANG PABAHAY SA KASAYSAYAN NG PILIPINAS, ANG CONGRESSMAN NG PARAÑAQUE, SI CONGRESSMAN ED ZIALCITA; KATABI NIYA ANG CONGRESSMAN NG NAPAKARAMING MANGGAGAWA, PATI PORT WORKERS SA KANYANG DISTRITO, SI CONGRESSMAN BANSAY NIEVA; AT KAHIT NA MALAYO ANG PINANGGAGALINGAN, NAKIKIISA SA MANGGAGAWANG PILIPINO, ANG CONGRESSMAN NG LANAO DEL NORTE, SI ABDULLAH DIMAPORO. GUSTO KO RING BATIIN 'YUNG MGA MAY GINANAP NA PAPEL SA DALAWANG INABOT NI SAM NA ISANG PAPELES SA AKIN KANINA. 'YUNG ISA, 'YUNG CONSTRUCTION INDUSTRY OF THE PHILIPPINES AT 'YUNG MGA MANGGAWA SA INDUSTRIYANG 'YON DAHIL 'YUNG BINIGAY SA AKIN NA PAPELES NI SECRETARY PAT STO. TOMAS, ANG SINASABI NASA LOOB NG CONTRUCTION INDUSTRY, ANG MANGGAGAWA AT SAKA 'YUNG INDUSTRIYA AY AAYUSIN 'YUNG MGA PROBLEMA N'YO SA KAYU'T-KAYO IMBES NA IPAPADALA PA ANG INYONG AWAY SA KAILANGANG MAGDESISYON ANG PAMAHALAAN. MARAMING SALAMAT SA MAGANDANG PAGSASAMA NG MANGGAGAWA AT NAMAMAHALA SA CONSTRUCTION INDUSTRY. AND THOUGH, SENATOR BOY HERRERA IS NOT HERE BECAUSE HE STILL HAS A MEETING WITH KOREAN INVESTORS. HE SENT OVER A KOREAN CONTRIBUTOR TO THE JOB CORPS, TO THE LABOR MOVEMENT'S OWN INITIATIVE TO INCREASE JOBS, MERONG 30,000 NA BISIKLETA AT MERONG MGA SEWING MACHINES NA KASAMA DOON SA DEED OF DONATION NA IBINIGAY NOONG KOREANONG UMAKYAT DITO SA ENTABLADO. SO, PARA SA KANYA, KAMSA HAMEDA TO OUR KOREAN FRIENDS. BINABATI KO RIN ANG NAMUMUNO AT KASAPI SA IBA'T-IBANG MGA SEKTOR NG MANGGAGAWA, MGA MEMBERS OF THE DIPLOMATIC CORPS, MGA MINAMAHAL KONG KABABAYAN, A MEANINGFUL LABOR DAY SANA SA INYONG LAHAT. ISANDAANG TAON NA TAYONG NAGDIDIRIWANG NG ARAW NG PAGGAWA. AT SANA SA ARAW NA ITO SA KAHIRAPAN NG MUNDO, HUWAG NATING PAYAGING MALIHIS ANG ATING PAGDIRIWANG SA PAMAMAGITAN NG MGA ISYUNG PULITIKAL O ISYU NG IDEOLOHIYA. LALONG KAILANGAN NGAYON ANG PAGKAKAISA DAHIL DUMADAAN NA NAMAN ANG MUNDO AT BANSA SA MAHIHIGPIT NA PAGSUBOK. BINANGGIT NA NGA NINONG KITO MENDOZA AT NI VIC BALAIS ANG MGA HIRAP NG MUNDO NGAYON -- TERORISMO, GLOBAL SLOWDOWN, 'YUNG SARS. SA ASEAN SARS SUMMIT NA NAGANAP MAKALAWA SA THAILAND, PINAKIUSAPAN KO ANG AKING MGA KAPWA LIDER NA TIYAKIN NA ANG PINAKAMAGALING NA POSIBLENG PAG-AASIKASO AY IPA-ABOT SA MGA PILIPINONG PINAG-SUSUSPETSAHAN O NAPATUNAYANG MAY SAKIT NG SARS. I WAS VERY TOUCHED BY THE RESPONSE OF SINGAPORE AND CHINA ACKNOWLEDGING THE ROLE OF FILIPINO HEALTH WORKERS AT THE FOREFRONT OF THE FIGHT AGAINST SARS IN THEIR COUNTRIES. SABI NGA NI PRIME MINISTER GOH CHOK TONG NG SINGAPORE, "YES, PRESIDENT ARROYO. CERTAINLY, WE WILL COMPLY WITH YOUR REQUEST TO TAKE CARE OF YOUR FILIPINOS ESPECIALLY WELL IN SINGAPORE." DAHIL KINUWENTO NIYA ANG KANYANG KAHANGA-HANGA SA ATING MGA PILIPINO. KINUWENTO NIYA NA ANG ATING MGA NURSE, KAHIT NA 'YUNG MGA ON VACATION LEAVE, BUMALIK SA TRABAHO NUNG PUMUTOK ANG EPIDEMYA NG SARS DAHIL SABI NILA, ALAM NILANG KINAKAILANGAN SILA NG LIPUNAN NG SINGAPORE. HINDI NATIN NALAMAN 'YON SA PERYODIKO, HINDI INANUNSYO. SILA AY MGA BAYANING HINDI NAGKIKWENTO NG KANILANG PAGKA-BAYANI. PERO MAHAL NA MAHAL NG SINGAPORE AT HONG KONG ANG ATING MGA HEALTH WORKERS. DAPAT IPAGMALAKI NATIN SILA AT DAPAT DITO SA PILIPINAS, MAHALIN DIN NATIN SILA. ALL HEALTH WORKERS AT THE FRONTLINE OF THE ANTI-SARS CAMPAIGN WILL BE AFFORDED FULL PROTECTION GEAR. PAT STO. TOMAS, SIYA AY KASAPI NG SARS CRISIS MANAGEMENT COMMITTEE, KAYA 'YON ANG ISANG ASSIGNMENT NA ISISIGURADO NIYA. WE WILL NOT TAKE ANY CHANCES WITH THE SAFETY AND WELFARE OF THOSE WHO ARE BEARING THE BRUNT OF SACRIFICE. OUR RESOURCES WILL BE USED ON THE MOST BASIC AND EFFECTIVE POINTS OF PREVENTION. OUR VIGILANCE WILL BE FOCUSED AND RELENTLESS. I ASK OUR PEOPLE TO FOLLOW THE LEAD OF COMPETENT GOVERNMENT AUTHORITY. KUNG TAYO AY SUSUNOD SA MGA BANYAGA O SA MGA OFFICIAL NA PAHAYAG NG ATING MGA NAMAMAHALA -- NANGUNGUNA NA DOON SI SECRETARY DAYRIT -- HINDI TAYO MALILIHIS, AT HINDI TAYO MAGPA-PANIC AT HINDI TAYO MAG-O-OVER REACT. DOON PO SA THAILAND, KINUKWENTO NI PRIME MINISTER THAKSIN SHINAWAT, NA MAY MALAKING FIESTA NILA AT NATATAKOT ANG MGA TAONG PUMUNTA SA PIYESTA, LAHAT NAKAGAMIT NG MASKARA. SABI NG W.H.O., 'YANG MASKARANG 'YAN, 'YAN AY FALSE SECURITY BLANKET. ANG DAPAT GUMAGAMIT NIYAN AY 'YUNG MGA HEALTH WORKERS NA NAPAKALAPIT ANG KANILANG KONTAK SA MGA MAYSAKIT. PERO 'YUNG KARANIWANG GUMAGAMIT SA PANG-ARAW-ARAW NA WALA NAMANG CLOSE CONTACT SA MAY SYMPTOM, 'YAN AY PARANOIA. KAYA ANG GINAWA NI THAKSIN SHINAWAT, PUMUNTA SIYA DOON SA NAMIMIYESTA, WALA SIYANG MASKARA, NAG-SHAKE HANDS SIYA AT SINABI NIYA, BIBIGYAN NIYA NG ONE MILLION BAHT KUNG SINO ANG MAGKASAKIT O MAMATAY SA SARS SA LOCAL TRANSMISSION. WALA PA SIYANG BINIBIGYAN NG PREMYO HANGGANG NGAYON. SABI NIYA, BIBIGYAN NIYA NG DALAWANG MILYONG BHAT 'YUNG MAGKAKASAKIT MULA SA PIYESTANG 'YON. WALA PA SIYANG BINIBIGYAN NG TWO MILLION BAHT HANGGANG NGAYON. KAYA NOONG AKO AY DUMATING DITO SA PILIPINAS, GINAMIT KO ANG HALIMBAWA NG MGA NAGDALO SA WHO., NAG-SHAKE HANDS KAHIT NA DOON SA MGA NANGGALING SA CHINA. NAG-SHAKE HANDS AKO NOONG BUMALIK AKO DITO SA PILIPINAS AT SA MAKALAWA AY PUPUNTA AKO SA ABANTE (VACANTE) SA ALCALA DAHIL SA KABILA NG DAPAT ALERTO TAYO, HUWAG TAYONG MAG-OVER REACT. HUWAG TAYO MAG-PANIC DAHIL ANG PANIC AY MAS MASAMA SA ATING EKONOMIYA KAYSA ANG SARS MISMO. AYAW NATIN NA ANG PANIC DAHIL SA SARS AY MAGPAPAHINA NG ATING EKONOMIYA AT MAWAWALA PA LALO ANG TRABAHO NG ATING MANGGAGAWA. KAYA SA KABILA NOON, ANG TALAGANG ALAGAAN NATIN MULA SA PAGHAWA AY ATING MGA HEALTH WORKERS. NAGPAPASALAMAT AKO SA ATING MGA HEALTH WORKERS -- NANDITO YATA 'YUNG P.H.I.C. WORKERS -- IPAABOT NINYO ANG PAGPAPASALAMAT SA LAHAT NG KAPWA NIYONG HEALTH WORKERS. NAGPAPASALAMAT RIN AKO SA NAKARARAMI SA IBA'T-IBANG MANGGAGAWANG NAG-UUNAWA SA INYONG TUNGKULIN SA MGA PANAHONG ITO. NAGPAPASALAMAT AKO SA MGA LABOR LEADERS NA TUNAY NA PINAG-IISIPAN ANG KAPAKANAN NG MGA KASAPI, SA MGA LEADERS NA NAKAKA-UNAWA NA ANG PINAKA-KAILANGAN SA PANAHONG ITO AY PANATILIIN AT PADAGDAGAN PA ANG MGA TRABAHO. KAYA CONGRATULATIONS SA TUCP. SA IBABAW NG GINAGAWA N'YO PARA SA KARAPATAN NG INYONG MANGGAGAWA, NAGHAHANAP PA KAYO NG TRABAHO PARA SA KANILA SA PAMAMAGITAN NG JOB CORPS NA HINAHAWAKAN NI SENATOR BOY HERRERA. SA PANIG NAMAN NG PAMAHALAAN, DAPAT DIN TUGUNAN ANG KARAINGAN NA NARINIG NATIN KANINA, KARAINGAN NG MANGGAGAWA LALO NA SA PRESYO NG BILIHIN. BAGAMA'T ANG INFLATION RATE NATIN NGAYON AY PINAKAMABABA SA LABIN-LIMANG TAON, SA UNANG PAG-UPO KO PA LAMANG BILANG PANGULO AY LAGING DUMARATING NA ANG MGA DAING SA PRESYO, LALO NA ANG PRESYO NG KURYENTE, LALO NA ANG PRESYO NG PPA. LAGI KO NAMANG PINAG-IISIPAN KUNG PAANO NATIN MAASIKASO ITONG DAING NINYO, AT INAASIKASO NAMAN. NOONG ABRIL NG 2001, TATLONG BUWAN PA LANG AKONG PANGULO, SINUSPENDE NATIN NG DALAWAMPUNG SENTIMO PER KILOWATT HOUR ANG PPA NG NAPOCOR. NOONG HUNYO 2001, NOONG PUMASA ANG ELECTRIC POWER INDUSTRY REFORM ACT, BINABA ANG PRESYO NG KURYENTE PARA SA MGA RESIDENTE NG TATLUMPUNG SENTIMO. KAYA 2001, DALAWANG BESES BUMABA ANG PRESYO NG KURYENTE. NOONG MAYO NAMAN NOONG NAKARAANG TAON, 2002, AYON SA AKING BILIN, ANG NAPOCOR AY PINAHABA ANG PANAHON NG PAGBAYAD NG KANIYANG MGA OBLIGASYON AT NAIBABA ANG KANIYANG PPA SA AVERAGE NA WALUMPU'T LIMANG SENTIMO. NAKITA NIYO 'YON SA INYONG ELECTRIC BILL NOONG JUNE OF 2002. ITONG TAONG ITO, TULOY ANG ATING PAKIKIBAKA UPANG BUMABA ANG INYONG ELECTRIC BILL. INATASAN KO ANG KALIHIM NG ENERHIYA, SI VINCE PEREZ, NA PAG-ARALAN KUNG PAANO. ITO ANG MGA NAKALAP NA SOLUSYON: NUMBER ONE, JUSTICE WILL BE DONE. MERALCO WILL HAVE TO COMPLY WITH THE DECISION OF THE SUPREME COURT. ALL THAT IS LEFT TO DO IS TO DETERMINE HOW TO BEST IMPLEMENT THIS JUDICIAL MANDATE IN A MANNER THAT WILL MAXIMIZE THE PUBLIC INTEREST. THE ERC, WHICH IS INDEPENDENT, WILL LEAD THE DETERMINATION PROCESS. THE DOE WILL TAKE CHARGE OF THE INVOLVEMENT OF THE EXECUTIVE BRANCH IN THE IMPLEMENTAL STAGE. AND IN THAT CAPACITY, MAGPE-PETISYON ANG DEPARTMENT OF ENERGY SA ERC NA 'YUNG MGA MALILIIT LAMANG ANG SINGIL, 'YUNG MGA MARALITANG GUMAGAMIT NG KURYENTE NA NAPAKALIIT ANG KANILANG ELECTRIC BILL TO BEGIN WITH, IBABALIK NANG BUO ANG SOBRANG SINGIL DOON SA MGA MARALITANG NAPAKALIIT ANG KONSUMO. SA MGA MANGGAGAWA NAMAN NA KARANIWAN AY HINDI NAMAN GAANO KALIIT ANG INYONG ELECTRIC BILL, KAYA NGA DUMADAING KAYO, SA MANGGAGAWA, IBANG MAMIMILI NA HINDI KALIITAN ANG ELECTRIC BILL, ANG PETISYON NG DOE AY GAWING DISKWENTO SA BUWANANG SINGIL ANG REFUND. WE HAVE THE CONFIDENCE IN THE INSTITUTIONS INVOLVED AND WE WILL SEE THIS THROUGH. PANGALAWA, KUNG ANUMAN ANG MAGING DESISYON NG ERC TUNGKOL SA PETISYON NG MERALCO SA RATE INCREASE, MAGPE-PETISYON DIN ANG DOE NA ANUMANG PAGTAAS AY DAPAT IPATAW SA MGA MALALAKING NAMIMILI, SA MGA MAYAYAMAN. AT DOON NAMAN SA MGA MANGGAGAWANG NAMIMILI NG KURYENTE, EH, BIGYAN NG DISKWENTO PA SA ILALIM NG PRINSIPYONG SOCIALIZED PRICING. SA GANUN, BABABA PA ANG PRESYO NG INYONG KURYENTE, MGA MANGGAGAWA. PANGATLO, ANG MGA POWER PLANT NA NAGBEBENTA SA MERALCO AY NAPAPAYAG NATIN NA MAGBIGAY NG MALAKING DISKWENTO SA KANYA NA PWEDENG IPASA SA INYO, MANGGAGAWA, BILANG MAS MABABANG PPA. PANG-APAT, ITONG MGA POWER PLANT DIN AY MAY KAYA PANG IBABA ANG SINGIL, ANA, KAPAG HAYAAN SILANG MAPA-ABOT SA ECONOMIES OF SCALE ANG KANILANG PRODUKSYON. IBIG SABIHIN, SA HALIP NA ANG NAPOCOR NA PAG-AARI NG GOBYERNO AY MAKI-PAGKOMPETENSIYA SA PRIBADONG SECTOR, HAHAYAAN NA ANG PRIBADONG SECTOR, POWER PLANT NILA NA LUBUSIN ANG KANILANG KAPASIDAD, ANG KAPALIT -- BABABA ANG SINGIL BAWAT KILOWATT HOUR. ANO BA ITONG ECONOMIES OF SCALE NA ITO? HAYAAN NIYONG SUBUKIN KONG IPALIWANAG SA MADALING HALIMBAWA. ANG ISANG POWER PLANT AY PARANG ISANG TRUCK. HINDI KA MAKAKABILI NG KALAHATING TRUCK. HINDI KA RIN MAKAKABILI KUNG INVESTOR KA NG KALAHATING POWER PLANT. NGAYON, KUNG 'YUNG TRUCK AY MARAMING SAKAY NA PRODUKTO, NAHAHATI ANG HALAGA NG TRUCK SA MARAMING PRODUKTO, KAYA MABABA BAWAT ISANG GAMIT NG ISANG PRODUKTO. KUNG ANG POWER PLANT AY MARAMING GUMAGAMIT NG KURYENTE DAHIL MAGANDA ANG NEGOSYO, NAHAHATI ANG HALAGA NG PLANTA SA MARAMI, KAYA MABABA BAWAT KILOWATT HOUR. PERO KUNG ANG TRUCK AY KONTI LANG ANG SAKAY, HALIMBAWA, DAHIL MAHINA ANG EKONOMIYA, KONTI ANG PRODUKTO, MAHAL ANG SINGIL SA BAWAT ISANG PRODUKTO. KUNG ANG POWER PLANT AY KONTI LANG ANG GUMAGAMIT NG KANIYANG KORYENTE DAHIL MAHINA ANG PANAHON, MAHAL DIN ANG SINGIL BAWAT KILOWATT HOUR. SA MADALING SALITA, MAS MAHAL KUNG TINGI KAYSA SA MARAMIHAN. KAYA, ANG GAGAWIN NATIN, 'YUNG NAPOCOR AY IDA-DOWN SCALE ANG KANIYANG OPERATIONS PARA MAGBEBENTA ANG PRIVATE PLANT, POWER PLANTS NG MAS MARAMI AT ANG KAPALIT, IBABABA NILA ANG PRESYO NG PPA. KAYA SAGOT SA MGA PILOSOPONG NAGTATANONG KUNG BAKIT BA TAYO AY NAGBABAYAD NG KURYENTENG HINDI NAGAGAMIT. ANG SAGOT NGA SA KANILA, 'YUNG ECONOMIES OF SCALE. BINABAYARAN ANG BUONG PLANTA, MAGING MALAKI O MALIIT ANG GUMAGAMIT. PANGLIMA, ANG MALAMPAYA NA NAGBIBIGAY SA ATIN NG KASARINLAN SA ENERHIYA AT MALINIS NA ENERHIYA, KAYA LAMANG MAHAL SA NGAYON DAHIL NGA GAYA NG SABI KO, HINDI PA NAKAKAABOT SA ECONOMIES OF SCALE, NAPAPAYAG DIN NATIN NA SA SUSUNOD NA TATLONG TAON, IBABABA RIN ANG KANIYANG SINGIL SA MGA POWER PLANT. SA GANUN MAPAPASA RIN ANG NATIPID SA INYONG MGA MANGGAGAWA BILANG MAS MABABANG PPA. MEDYO KUMPLIKADO, 'DI BA? KUMPLIKADO ANG PALIWANAG DAHIL MAS KUMPLIKADO ANG GINAWANG RESEARCH AT PAG-AARAL PARA MAKAABOT SA MGA SOLUSYON NA ITO. NGUNI'T ANG PUNO'T DULO NINYO, GAYA NANG NAKITA NIYO NO'NG ISANG TAON NA BUMABA ANG PRESYO NG INYONG ELECTRIC BILL NOONG BANDANG HUNYO NG 2002, INAASAHAN NA ANG LAHAT NA ITO AT IBA PANG PARAAN NA HINAHANAP PA NA GINAGAWA PA NATIN UPANG MABABA ANG INYONG ELECTRIC BILL AY INAASAHAN NATING MAKIKITA NINYO ANG RESULTA SA ELECTRIC BILL NINYO BANDANG HULYO NG TAONG ITO. MAKAKATULONG ANG MGA HAKBANG NA ITO ANUMAN ANG MANGYARI SA DARATING NA PANAHON KASAMA NA ANG PETISYON NG MERALCO NA NAKASALANG SA ERC. 'YON AY NAPAKA-IMPORTANTE ALAM KO DAHIL 'YON AY PINALAKPAKAN NIYO KANINA NOONG BINANGGIT 'YUNG PPA. 'YUNG PANGALAWANG PINALAKPAKAN NINYO AY 'YUNG MGA BATAS NA KAILANGAN PARA SA PROTEKSYON NG KABABAIHAN AT KABATAAN, AT 'YON NAMAN AY IPAPAUBAYA NA NATIN SA MGA CONGRESSMEN NA NARITO. BINANGGIT KO 'YUNG MGA CONGRESSMEN, BINANGGIT KO 'YUNG SINABI NI ED ZIALCITA NA SA BUONG KASAYSAYAN NA NAKITA NIYA BILANG ISANG BANYAGA NG HOUSING, NGAYON ANG PINAKAMAGANDANG MGA PROGRAMA NG HOUSING NG ATING BANSA. AT PARA SA PABAHAY, GUSTO KO RIN BANGGITIN NA BINABA NA NG PAG-IBIG ANG INTEREST RATE NA PAUTANG SA PABAHAY SA MGA MINIMUM WAGE EARNERS SA SAIS PORSIYENTO NA LAMANG. KAUGNAY DITO DAHIL ANG PAG-IBIG AY NAPAKA-IMPORTANTE PARA SA MANGGAGAWA, SA INYONG MGA PABAHAY, INAPPOINT KO MULI SI ALEX AGUILAR NG TUCP AT INAPPOINT KO SI ESPERANZA OCAMPO NG PHILIPPINE GOVERNMENT EMPLOYEES ASSOCIATION BILANG MGA KINATAWAN NG MANGGAGAWA SA PAG-IBIG. AKO RIN AY HUMIHIRANG NA RIN PAGKATAPOS NG MATAAS NA PAGSU... MAHABANG PAGSUSURI AT PAG-E-EKSAMIN NG MGA APLIKANTE, HUMIHIRANG NA RIN NG MGA BAGONG COMMISSIONER NG NLRC PARA MAS MAPABILIS NA ANG MGA PAGRERESOLBA NG MGA KASO SA NLRC. AT MAGING SA NLRC, MAGING SA IBANG MGA KONSEHO, SISIKAPIN NATING LALO PANG IPA-IRAL ANG TRIPARTISM BILANG PAGGALANG SA KILUSANG MANGGAGAWA. DAHIL ANG TRIPARTISM AY NAPAKALAKING PAPEL UPANG MAGANDA ANG ATING KAPAKANAN, NG MANGGAGAWA AT MAGANDA RIN ANG ATING INVESTMENT CLIMATE. KAGAYA NG GINAWA NG CONSTRUCTION INDUSTRY KANINA, 'YON AY TRIPARTISM. AT ANG TRIPARTISM AY NAGIGING MATAGUMPAY KUNG RESPONSABLE ANG MGA NAMAMAHALA AT RESPONSABLE RIN ANG MGA MANGGAGAWA. AND I THINK AND TODAY I CELEBRATE THE RESPONSIBLE LABOR MOVEMENT. 'YON ANG NAKALAGAY DOON SA T-SHIRT NINONG KITO MENDOZA -- RESPONSABLE AT MAKABULUHANG UNYONISMO. THE LABOR MOVEMENT HAS BEEN A BASTION OF DEMOCRACY, A PILLAR OF DEVELOPMENT, A VANGUARD OF THE RULE OF LAW. AS PRESIDENT, I ACKNOWLEDGE THE CONSTRUCTIVE ACTIVISM OF THE MAINSTREAM LABOR MOVEMENT CUTTING ACROSS ALL VITAL ISSUES OF NATIONAL INTEREST. I ACKNOWLEDGE LABOR'S DEVOTION TO DEMOCRACY AND ITS REJECTION OF FORCE IN THE PURSUIT OF POLITICAL ENDS. I ACKNOWLEDGE LABOR'S DISCIPLINE AND FORBEARANCE, THE MARK OF A TRUE ALLY IN THE RULE OF LAW AND CONSTITUTIONAL ADHERENCE. KAYA, DAKILANG MANGGAGAWANG RESPONSABLE, DAKILANG MANGGAGAWANG PILIPINO, SALAMAT NA KAYO AY MAKABULUHAN, SALAMAT NA KAYO AY RESPONSABLE AT GAYA NG SINABI NG LAHAT NG NAGSASALITA, MABUHAY ANG DAKILANG MANGGAGAWANG PILIPINO. MARAMING SALAMAT SA INYONG LAHAT. |